Yeremi 49:12 - NQAARIIT NE ROOG

¹² Keeke o Yaal oxe a layu: «Nga’angyo, we mbar’eerna o yer no feeƭ ole yipna fuux le mi, xan a yer teen, soo wo Edoom o mat o bug o ref teen jaambuur! Ha’aa, refkiro teen jaambuur kañ, waraa o yer teen.

Yeremi 49:12 Referans Kwoze

Abjaas 1:16

O Yaal oxe kaa tee: «Nuun wiin we Yudaa, feek nu yera a sak ale no fuux le mi took o joong o tedu le mi, qeet lakas ke itam xan a yer teen too tumitkee. Kaam ee xan a yerin boo a ƥuus nqiim ke, cinj kaaga xan a sooƴ boo wee ndax mosee ndef.

Yeremi 46:27

«Wo Yakoob fee o tag es, ba o saɗar, ba o foof, wo Isra’el fee xeet es, yaam mexey muclitang no lanq koƭu, muclit xa taan of no saax le da ƥiseena took o hup doole. Xan Yakoob a nomtooxiid, a ñoowaa na jam fo o yaadax, too o leng jom’andkatiran.

Yeremi 30:11

Yaam mexey fa wo, ndax um muclong. Mi o Yaal oxe layun. Xam moocand qeet ke pasar’oonga fop, ndaa wo o mat, moocandkiroong. Kaa koy, xam xawtong o cofel, waagiroong o ɗeet nen a jaambuur.»

Yeremi 25:15

Keeke o Yaal oxe Roog fee Isra’el a layaxam: «Xotti no ɓay es o feeƭ olene mayna muut fa biiñ fee no fuux le mi, soo yernin qeet ke um lulkang fop.

Xa peƭit axe 17:5

Oxe na xaadnooxaa o ndool onqe kaa xeef oxe sakuuna, oxe sawarna na taamaala no lakas ñakkaand o xaw.

Mace 20:22

Yeesu a doonaan ee: «Nu andee ke nu nqeɗaa. Ndax nu mbaaga o yer o kaas coono le waruuma yer?» A layaan ee: «I mbaagaan.»