Yeremi 49:11 - NQAARIIT NE ROOG

¹¹ ‹Nqaƴanaamoo xa baan axe nuun, mi na ñoowinkaa a den, too fat ñaaw we nuun a ngoolooxaam.› »

Yeremi 49:11 Referans Kwoze

A kim a tedu ke 68:5

Ngimanyo a Roog, nqaanin. Njagandanyo oxe ŋaayna a eel ake a ƭat. Gon um refu o Yaal oxe. Mbeƈekooxyo mbaambir um.

Saak 1:27

Roog Faap fee kaa lay ee o reefin ndigil refu: O topatooxaa xa baan axe fo ñaaw we ndefna na coono, wootoox a xoox of itam, ndik paaxeer ke na adna fee a naxong, a mbi’noorong paaxeer.

Hoose 14:3

Ƥonooxyo fa lay fa ndicoor too nomtooxiid me no Yaal oxe. Layeenoo yee: «Waasanti tooñ ke fop, dalin a in fa yirmande, too yaaga xan i simatang, ta ref nen sadax qoox in.

1 Timote 5:5

Oxe andoona koy ee o ñaaw oxaa yoqna koƭong, too jegee oxaa geenooxuuna yoo, a wara o doon yaakaar um na Roog, a gen ñaal fo o yeng na qeƭ, a xeɗooxaa itam.

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.

Yoona 4:11

Ii, soo o bug’u um fañ o yirim a Niniif, teeru fa maak fee saqna kaa hupna mboƥ cuni teemeed fo mboƥ cuni qarɓeen ƭik naa mbaageerna o anddirand a ñamaak den fo a canoon den, ne’atiim cegel mayu!»

A kim a tedu ke 146:9

O Yaal oxe kaa yetooxaa xa kataakoon axe, a damtaa xa baan axe fo ñaaw we, ndaa kaa gefaa yuuƥ ke no soxodu we.

A kim a tedu ke 82:3

Ƥoxotyo o neewu doole xe fo o waan ole wargal um, o ñaatu xe fo o ndool onqe nu ƥoxotin ɓur.

A cangatin ale 10:18

O waan ole fo o ñaaw oxe kaa ta ɓoxotaa a den ɓur den, a fex o gataakoon ole soo a ci’an ñaamel fo ñirax.

Sakari 7:10

Ba nu toroxand o ñaaw oxe mbaat o waan ole, o gataakoon ole mbaat o ndool onqe, too ba nu yuuɓanir paaxeer. Mi o Yaal oxe Hupna fop layun.