Yeremi 49:1 - NQAARIIT NE ROOG

¹ Ke yegniteena no Aa-amon we. Keeke o Yaal oxe a layu: «Ndax kaa Isra’el jegee xa ƥiy xa koor, ndax jegee jeg o lam? Xar taxu Milkom a lam o fiisel ole Gaad soo xeet um a ngen teeru ke ten?»

Yeremi 49:1 Referans Kwoze

A cangatin ale 23:3

Oxuu rimteena na yoon ake nqañteena fogkee no mbokatax ne no Yaal oxe. Xa taan um sax boo no suk xarɓaxayandeer naa mbogkee teen.

Yeremi 49:7

Ke yegniteena na Edoom. Keeke o Yaal oxe Hupna fop a layu: «Ndax kaa o and jegatee kam Temaan? Ndax kaa xa as axe a ñuf no yaal-o-and we ten, ndax o and den kaa nuk?

Yeremi 25:21

– Ee-edoom we, Moomowaab we fo Aa-amon we,

2 Caloori ke 20:1

Cinj kaaga, Moomowaab we fo Aa-amon we a mbokatoora fo Meeme’un we ƥaatoox’ina na den, soo da nqire’iid fa Yosafat.

Yeremi 49:28

Ke yegniteena no Aa-arabi we Kedaar fo maat ke Hasoor Nebukadnesaar fee o maad oxe Babilon a xaw’ina. Keeke o Yaal oxe a layu: «Inooxyo songik a Kedaar, saŋik we ngenna no batand.

Yeremi 49:23

Ke yegniteena na Damaas: «Hamat fa Arpad a seda ɓot, yaam a yega o nan o faaxeer. Kaa sendaa yaam a njaq, nen o maag o jumbu laa waageerna o riim.

Yeremi 48:1

Ke yegniteena na Mowaab. Keeke o Yaal oxe Roog fee Isra’el Hupna fop a layu: «Sabab took Nebo, yaam a gefe! Kiryatayim a seda ɓot, a jaɓel. Teeru fa njegu saŋe ne took o joong ole a seda, a diid ƭomu.

Yeremi 27:3

Lulti a den o maad oxe Edoom, oxe Mowaab, oxe no Aa-amon we, oxe Tiir fo xe Sidoŋ, reefandin no duleer we den ngarna Yeerusaleem me Sedekiya fee o maad Yudaa.

Yeremi 25:9

xam lulit o xoyankel qeet ke no ɓemb-roog o janoon fop fa Nebukadnesaar fee o maad oxe Babilon, refna o tag es. Mi o Yaal oxe layun. Xam ɓisiid a den took saax lene fo we ngenna teen fo took qeet ke mbiduuna fop, ndax um saŋik a den, tas a den soo fi a den buuƴel, gef a den tuƈ boo faw.

A kim a tedu ke 83:7

Den ndefu wiin we Edoom fo we Isma’el, we Mowaab fo we Agaar,

A kim a tedu ke 9:6

Ŋalaa a saax ake, saŋik o soxodu xe soo ñuf a kon den boo faw.

Nehemi 4:7

Maaga, payandaam xeet fee ɗuga fo mbiñ ne laqa saŋe ne, maa naagna halit, reefandin na qaw den, da ƥonoox laƥ, a salma fo a qali.

Nehemi 2:19

Ye Sanbalat fee o Hoohoroni fa Tobiya fee o Aa-amon jaloogna no maat ne, fa Geesem fee o Araab, a yeguuna, a ndefa no nqaadnooxaa a in, a nqeef a in soo a layaa yee: «Xar nu mbi’aa? Ndax kaa nu siiknooraa fo o maad oxe?»

2 Caloori ke 20:23

Aa-amon we fo Moomowaab we a ndalfooxa o song Seeseyiir we, a nduguñ a den, a moocand a den. Cinj kaaga, da moocandir.

2 Maad we 24:2

Maaga, o Yaal oxe a hebliida a yaj no yaayaq, da njangal a Yoyakim. A ndeeƭa Baababilon fo Aa-araam fo Moomowaab fo Aa-amon. A ngara, a song maat ne Yudaa, ndax da moocandin, ne o Yaal oxe a layit’uuna, a reefandin no duleer we dag um.

2 Maad we 10:33

Neene a ñaktu xa piisel axe ndefna no batand naa no xuluɓ olaa Yordaan boo na teeru fee Aroweer refna na coonand alaa no xuluɓ olaa Arnon, ndefna ndef xa cegel axe Galaad fa Basan, too a carind ale Ruben, ale Gaad fo ale Manaase a ngen a den.

A cangatin ale 2:19

ndet boo njasnoor fo saax le no Aa-amon we. Kaa koy, ba nu song a den too ba nu nqire fa den. Ci’kiim a nuun dara no saax leene, yaam den we xa taan Lot o mat las’anum, da njegin.› »

Mberaand 19:38

O ndeɓ onqe yoo a ñoota o ƥiy o ngoor, soo a ne’in Ben-Ami. Ben-Ami faaga refu o taan no Aa-amon we na maadaa boo xaye.

A cangatin ale 23:4

Aa-amon we fo Moomowaab we njaɓkaand kam mbokatax ne no Yaal oxe. Xa taan axe den sax boo no suk xarɓaxayandeer naa njaɓkaand teen.

Yeremi 12:14

Keeke o Yaal oxe a layu no gentand faaxeer we na xeet es: «A nduqa ke jeg’uuma, o fiisel ole lasrand’uuma a Isra’el fee xeet es. Xam fuurit a den no lanq den, fuur a ndeer den itam wiin we Yudaa.

Sofoni 1:5

Xam moocand we na ngungaa na xa tung-took axe mbaambir njeeƈ ne fo o nqool onqe fo xa qoor axe, we na ngungaa, a ndaaɓoortaxam, mi o Yaal oxe, ndaa yaqanee da ndaaɓoortaa a Milkom,

Heseki’el 21:25

na ƭat ale o sexkaa, ndax laƥ ne a fadiid Raba, teeru fee no Aa-amon we, a fadiid itam no Yuuyuda we kam Yeerusaleem, teeru fa njegu saŋe fee.

Heseki’el 25:1

O Yaal oxe a daawnaxam fa lay um na xa ƭelem axene: