Yeremi 48:8 - NQAARIIT NE ROOG

⁸ O ƥañ oxe xan a yaqiid teeru ke fop, too fa leng daɗkee. A yulanq ale xan a sooƴ, o saawit ole a yaqel. Keene o Yaal oxe a layu.

Yeremi 48:8 Referans Kwoze

Yeremi 6:26

O Yaal oxe a laya yee: «Nuun xeet es, nderooxyo xa saaku, mbirkiloox kam ndaw. Ñaawooxyo nen oxaa na ñaawooxaa o ƥeem o ngoor o leng kut, ƭomatoox boo nqij, yaam o yaayaq oxe xe garaa a bet a in.»

Heseki’el 25:9

ten taxu, xam wet o fiisel ole Mowaab boo na xa ŋat axe ten, gef teeru keeke ndefna qaaƴoor no saax le: Bet-Yesimot, Baal-Me’on fa Kiryatayim.

Yeremi 51:56

O yaayaq oxe xe garaa took um, kaam ee oxe garaa took Babilon. A salma-koor ake ten a naange nuus, a qali ke den a ƥolel calit, yaam o Yaal oxe kaa ref Roog faa na rabdaa, a ɓoxotaa oxuu refna ndabid um.

Yeremi 48:18

Nuun we ngenna Diibon, mbudoorityo no ndam onqe, moof no lanq beeru ke, yaam fañ we Mowaab owe songiidaa a nuun, a yaq saŋe ke nuun fop.

Yeremi 25:9

xam lulit o xoyankel qeet ke no ɓemb-roog o janoon fop fa Nebukadnesaar fee o maad oxe Babilon, refna o tag es. Mi o Yaal oxe layun. Xam ɓisiid a den took saax lene fo we ngenna teen fo took qeet ke mbiduuna fop, ndax um saŋik a den, tas a den soo fi a den buuƴel, gef a den tuƈ boo faw.

Yeremi 15:8

Fi’aam boo ñaaw we den a ngup o may pep ke no lanq ke no maag ole. Njoloor o mbuc hebliidaam o yaayaq took ya ke no mbes ke, joor took den ndak fo ndak o njaaxɗataand fo diid.

Yosuwe 13:21

Teeru keene fop na xa saawit axe fo maat ne Siihon fee o maad no Aa-amori we maadooxoogna kam Hesebon teen a mbog’u. Moyiis kaa xaw’u a den, den fo gelwaar we Majan ndefna Eewi, Rexem, Sur, Xuur fa Reba.

Yosuwe 13:17

Hesebon fo teeru kene ta waxooxna fop ndefna na xa saawit axe teen a mbog’u itam: Diibon, Bamot-Baal, Bet-Baal-Me’on

Yosuwe 13:9

Xa piisel axe den owe nqotit’a Aroweer fee refna na coonand ale no xuluɓ ole Arnon fo na teeru fee refna ndeer ee ndeer a yulanq ale, a reef Diibon, a xaañ xa saawit axaa fop boo Medeba.