Yeremi 48:7 - NQAARIIT NE ROOG

⁷ Wo Mowaab, feek kaa o hooloox a pi of fa halal of, wo itam, xan o naagel nuus. Kemos fee roog of xan a ɓisel gilaa saax took o hup doole, ten fo saasadax um fo gelwaar um.

Yeremi 48:7 Referans Kwoze

A lim ale 21:29

Ndaw naqad took of, wo Mowaab! Nu saŋkooxa tigi, nuun we na mbaɗooxaa a Kemos fee roog nuun. Goor we a ƥise gilaa saax took o hup doole, rew we, a nqaƴanel a Siihon fee o maad no Aa-amori we, ta dam a den mbaƭ.

Yeremi 49:3

Wo Hesebon, ɗomatooxi, yaam teeru fee Ay a tase! Nuun mboƥ ndoog ne Raba, mbuuqyo, nderoox xa saaku, iinaa, njoqooyooxaa, lernooxaa tabax ke, yaam Milkom xan a ɓisel gilaa saax took o hup doole, ten fo saasadax um fo gelwaar um.

Yeremi 9:23

Kaa koy, fat oxe bugna o fakoox, a fakoorit kene: O jeg-yiif fo o andaam, yaam mi refu o Yaal oxe na fesoortaa o paaxel, a ƭat fo o cofel took lanq ke. Keene soom felaxam.» O Yaal oxe layun.

A kim a tedu ke 52:7

Ten taxu yoo xan Roog a luƈtong boo kili, a naagong nuus, a suqtong no ƭiif of soo a suudong no lanq ke no ñoow we. A maaf

1 Timote 6:17

Maƭooxi we ndefna yaal kalal ke ndiiki, ndax magnandooxkee, too a mbañ o ƥek yaakaar den na halal fa ngenee sen. Layi a den koy, da ndoon yaakaar den na Roog, ten fee na cooxaa a in fop, a mayƭandin boo muut, ndax i mbelakinoorin.

Hoose 10:13

Kaa koy, paaxeer nu nqooxu, saxad njofaƭar, too nu ñaama o rim ole na xa maaƥ axe.» «Kaa nu ngooloox a ƭat nuun fo a salma-koor a mayaan ake nuun.

Yeremi 48:46

Ndaw naqad took of, wo Mowaab! Xeet fee Kemos a saŋkooxa. Xa ƥiy xa koor axe wo fo xa tew axe a ƥise gilaa saax took o hup doole.

Yeremi 48:13

Maaga, Mowaab xan a sed na Kemos fee roog um ne Isra’el a sedit’ina na Betel fee da ngooloox’ina.

1 Maad we 11:33

Xam fi keene, yaam Ii-isra’el we kaa mbaasaam soo a ngungaa mbaambir Astarte, roog fa ndew fee no Siisidoŋ we fo mbaambir Kemos, roog fee Mowaab fo mbaambir Milkom, roog fee no Aa-amon we. Ñaaƴee na ƭat es, mbi’ee kaa faaxna na kid es too ngayee bargal es fo ke simtuuma, ta guutatir fo ne Dawid fee faap Salomo a fi’tuuna.

Mbeeñil 18:7

Ndoonyo took um ƭomu fo toroxand kaa mbodirna fo o ndam onqe fo o neq ole ta jeg’ina. Kaa layooxaa yee: ‹Kaam moof mene nen o maad o tew. Refiim o ñaaw too andkiim ke ñaaw a refna boo muk.›

Yeremi 43:12

Xan a heƥand pind roog ke Misira, a dox roog keene mbaat ta ɓis a den. Ne o kaynaak a ɓaaltaa pay um, Nebukadnesaar a ɓaalitkaa saax le Misira. Cinj kaaga, xan a sutoox teen na jam.

Yeremi 13:25

Keeke refu muj of, wo Yeerusaleem, a las ale naqanoonga, mi o Yaal oxe, yaam kaa o weecaam soo hooloox xa maaƥ.

A kim a tedu ke 40:4

A ɓekanaxam a kim a qas no don es, a kim a niwir a Roog in. Mayu xan a nga ke ta fi’anaxama, a njeg caƭar soo a ndoon a koolax den no Yaal oxe.

1 Maad we 11:7

Maaga, Salomo a maxa a ñaang a sadaxand took o joong olaa jasnoorna fa Yeerusaleem, a maxan a den a Kemos, roog fa sednooxu fee no Moomowaab we, fa Milkom, roog fa sednooxu fee no Aa-amon we.

Haahate we 11:24

Mee ndax wo jegu o fiisel ole Kemos fee roog of a ci’oonga. Yaaga koy, xar taxu i njegkee fop ke o Yaal oxe Roog in a fi’na boo i njaɓin?

2 Sami’el 5:21

Ye Fiifilista we a ƈufaa, kaa nqaƴ’u maaga pangool ke den, soo Dawid fo yoon um a ƥis a den.

Yeremi 49:4

Wo Raba, o ndoog o nanaƭaru nqe, xar taxu o xaaƴooraa a yulanq ake wo, ke da neqna fop oo. Kaa o hooloox kalal ke wo, damtin ee: ‹An saɗaxam o songiid?› »