Yeremi 48:47 - NQAARIIT NE ROOG

⁴⁷ Kaa koy, no camaane palakaand ke, xam nomtiid we Mowaab ƥiseena gilaa saax took o hup doole. Mi o Yaal oxe a layun.» Mene ke yegniteena na hate fee Mowaab a fagtu.

Yeremi 48:47 Referans Kwoze

Yeremi 49:39

Kaa koy, no camaane ke na ngaraa, xam nomtiid we Elam ƥiseena gilaa saax took o hup doole.» O Yaal oxe layun.

Yeremi 49:6

Kaa koy, cinj kaaga, xam nomtiid Aa-amon we ƥiseena gilaa saax took o hup doole.» O Yaal oxe layun.

Hoose 3:5

Cinj kaaga, Ii-isra’el we xan a ngeleeroox, a mbaaƭ o Yaal oxe Roog den fo o ndaan onqe Dawid fee o maad den. Xan a sendaa, yaa da matiidaa o Yaal oxe fo o paaxel um no camaane ke na ngaraa.

Dañel 10:14

Ndiiki koy, kaam andnooriidong ke na dalkaa xeet of no ñaal palakaand ke, yaam mbeeñil nene itam kaa jagin no ñaal keene.›

Dañel 2:28

Kaa koy, a jega na asamaan Roog faa na feeñlaa kunpa ke. Ten na andnooriidang, wo o maad Nebukadnesaar, ke na xewkaa taa mbaambir. Keeke refu ke ɗaaɗoona ye ɗaanoona:

Yeremi 46:26

Xam ɓoxot a den na xa ƥay no we mbugna njang o ñis den, na xa ƥay Nebukadnesaar fee o maad oxe Babilon fo na xa ƥay na yaj um. Cinj kaaga, Misira xan a genatinel nen yaaga. Mi o Yaal oxe layun.»

Yeremi 30:24

Fuux le no Yaal oxe ɓooskee boo yaa ta fi’kaa, a fadin yuuƥ ke no xeeñ um. Xan a jeg camaane kaa nu andkan.

Yeremi 23:20

Fuux le no Yaal oxe ɓooskee, boo yaa ta fi’kaa, a fadin yuuƥ ke no xeeñ um. Xan nu andin taa mbaambir.

Yeremi 12:15

Kaa koy, a cinj yaa um fuurkaa a den, xam yirmatin a den soo nomtiid a den, oxuu refna no lanq um, oxuu refna no saax um.

Esayi 23:18

Kaa koy, ke ta bugko jegaa teen fo ndabid um xan a kesanel o Yaal oxe. Fokatkaand mbaat ta geekel, ndaa xan a ref ñaamel teyu fo toki mosu no we ngenna mbaambir no Yaal oxe.

Esayi 18:7

Na jamaane faaga, xan sadax a ƥisiidel o Yaal oxe Hupna fop, a ngat no cool keene, cer den a telelaa, na xeet feene saɗareena mene fo me goƭna, no saax leene jegna doole, a duutaa fañ um fop, too xa quluɓ axe a qicran. Xan a ƥisiid ci’it den took o joong ole Siyoŋ, me gon le no Yaal oxe Hupna fop a genna.

Ke bindeena no xe ne’eena YOB 19:25

Andaam o mat ee o baawat es oxe ñoowaa, too ten na jegkaa o ñuxur o faktaand took lanq ke.

A cangatin ale 31:29

Andaam o mat ee a cinj fa nqon es xan nu laawoox, ƭap a ƭat ale jooxuuma a nuun. No camaane ke na ngaraa xan sabab a song xa log nuun, yaam paaxeer ke nu mbi’kaa na kid no Yaal oxe, mbuuxnoortin ke xa ƥay nuun a njalna.»

A cangatin ale 4:30

Yaa keene fop a dalkaa a nuun, soo nu ndef na naqad, maaga no paktaand kaa xan nu nomtooxiid no Yaal oxe Roog nuun, nan-giloox o ñuxur um.

A lim ale 24:14

Ndiiki koy, mexe dabaa xeet es, ndaa bo um helko fo retaa, cungi bo um maƭooxong ke Ii-isra’el we a mbi’kaa xeet of no camaane ke na ngaraa.»

Heseki’el 38:8

A cinj a pe a mayu, xam xoyong. No camaane ke na ngaraa, xan o songik saax laa we ngenna teen a ƥostoor’ina no laƥ ne, soo a mbokattel a ndeer qeet mayu took xa coong axe Isra’el mbes’ina a pec. Kaa da sutit’el a ndeer qeet ke, too xan a ñoowaa no woor me da ngenna.

Yeremi 12:14

Keeke o Yaal oxe a layu no gentand faaxeer we na xeet es: «A nduqa ke jeg’uuma, o fiisel ole lasrand’uuma a Isra’el fee xeet es. Xam fuurit a den no lanq den, fuur a ndeer den itam wiin we Yudaa.

Dañel 11:41

Xan a song saax le moƴna o mos, too xan mayu no saax leene a mbarel. Kaa koy, Ee-edoom we fo Moomowaab we fo moƴ-o-jaak ole no Aa-amon we xan a muc no ɓay um.

Esayi 25:11

a wiisooxaa teen ne oxaa na laɓaa a jeemtaa a beƈ. Kaa koy, o Yaal oxe xan a fudin a magnandax um, ke ta wiisooxna fop oo.

Esayi 45:20

«Mbokatooryo too ngar. Matiidyo nuun fop, nuun we ƥostooxna ndeer a saax ake. Dara refee na qoox no we na ƥislooxaa pangool kaa ndefna a teex, a ƈufginooxaa a roog faa waageerna o mucil.