Yeremi 48:44 - NQAARIIT NE ROOG

⁴⁴ Oxe na ƴufaa diid le xan a yen no gamb le, too oxe na sutooraa no gamb le xan a damtel mbaal ne, yaam o hiid ole um xawkaa a Mowaab oxey a garaa. Mi o Yaal oxe layun.

Yeremi 48:44 Referans Kwoze

Yeremi 11:23

Yoqkee o leng no wiin we Anatot, yaa um ɓisiidkaa taamaala fee took den, no hiid ole um ɓekkaa a den o ɓay.»

1 Maad we 19:17

Oxe na daɗkaa laƥ ne Hasa’el, xan Yehu a warnoorin, too oxe na daɗkaa laƥ ne Yehu, xan Eliise a warnoorin.

Amos 5:19

A koom nu nand fo koor oxaa na ƴufaa njogoy, a xet fo ursu, a rok no mbind um, a geƈnoox no tabax, a ñootnooxaa, a baloor a ŋatin.

Yeremi 46:21

Xiixire saadlaand we ta waaƭanna a xoox um kaa nand nen xa qeel axaa ngudeena. Kaa koy, den itam a nqurulooxa, a ƈuf den fop. Mbaagee o nqox, yaam ñaal ne na saŋik ale a fada na den, waxtu fee da nqaweena.

Mise 7:4

Oxe moƴna faax na den kaa nand nen nqooc, oxe da mbi’na o cofu a moƴ o weel ngiƈ ngol. Ñaal ne na qaw ale nuun, yeeyetax we duleer we nuun a yegnitna, a fadiida, too me ta refna, nuun wey no jaq.

Hoose 9:7

Ñaal ke na qaw ale a mbaambnooxa, kaam ee ñaal ke no ndabid ne owe ngaraa. Fat Isra’el a andin! Kaa nu layaa yee: ‹O tuleer Roog oxe kaa ɗofat, o kiin oxe feeñooxeena a gulmaa.› O magnel ole no tooñ nuun fo ne nu sibaxama taxu nu layan.

Yeremi 51:18

Xa andand xa ƥor a ndefu, jale laa jalatna. Xan da mooc, yaa a qaw ale den a garkaa.

Yeremi 23:12

Ten taxu xan a ƭat den a ɓodax ruy, soo a niɓaan tit. Xan a mbaɓir teen, a yen, yaa um garitkaa took den taamaala, no hiid ole da ngadooxkaa a pi den. Mi o Yaal oxe layun.»

Yeremi 16:16

O Yaal oxe a laya yee: «Mexey luliidaa faafaal fagkatar, too xan a mbaal we pasarooxna. Cinj kaaga, xam luliid xaaxaƴlax fagkatar, too xan a nqawloox a den took xa coong axe fop, took a ñaang ake fop fo na semb ake na ƥil ake.

Yeremi 10:15

Xa andand xa ƥor a ndefu, jale laa jalatna. Xan da mooc, yaa a qaw ale den a garkaa.

Esayi 24:18

Oxuu na ƴufaa xa buuq axe no diid le xan a yen kam gamb le, too oxe na sutooriidaa no gamb le xan a damtel mbaal ne, yaam pand ke took xan a mbetoox, soo fer le no lanq ke a yo’noox.

Esayi 10:3

Xar nu mbi’kaa na bes faa no nqeloor naa, yaa a und ale a inoortiidkaa koƭu? Maa an nu ƈufkaa, ndax nu njaɓnooxin, too mam nu laqkaa kalal ke nuun?

1 Maad we 20:30

We yoq’ina no Aa-araam we, a ƈufa na teeru faa Afeq, soo saŋe naa a yen took goor cuni qarɓeen ƭik fo goor cuni ɓetuu ƭik na den. Yaaga fop koy, Ben-Hadad kaa ƴuf’u, a jaɓnook na teeru faa, a rokaa na ndok fo a ndok.

Yeremi 8:12

Ndax a njega o ndicax no cednooxu ke da mbi’na? Sedee teen dara too andee gaci. Ten taxu xan a mbog no we ñakna xa ñis den, a mbagiɗ tak, yaa um dalkaa took den.» O Yaal oxe layun.

Yeremi 50:24

Wo Babilon, ɗaapanaaxoong mbog, o yen teen, too foogino. Ye ga’ee’oona teen rek, naagee nuus, yaam kaa o maafir fa mi o Yaal oxe.»

Yeremi 50:27

Mbaryo wiin maak we ten fop, ƥis a den no warand olaa! Sabab took den, yaam bes den a fadiida, waxtu fee da ngadooxkaa a pi den.

A ƭomatax ake 3:47

A las in refu diid le fo gamb le, yaq fee fo o njakad onqe.

Esayi 24:17

Diid le fo gamb le fo mbaal ne owey ƥeedang, woxe genna no lanq ke!

Yeremi 49:8

Nuun we ngenna Dedaan, ƈufyo, nquruloox, laqoox kam ee kam luf ke! Yaam mexe ɓisiidaa o njakad took xa taan axe Esawu, waxtu fee da ngadooxkaa a pi den a fada.