Yeremi 48:42 - NQAARIIT NE ROOG

⁴² Mowaab a gefe, refkatee xeet, yaam a niwooxa paam o Yaal oxe.

Yeremi 48:42 Referans Kwoze

Yeremi 48:2

Mowaab simatataand, a fexeyanteel taamaala kam Hesebon ee: ‹Acayo i ndet moocandin a ndeer qeet ke.› Wo Madmen itam, xan o naag yereŋ, laƥ ne xey a yelang.

Esayi 37:23

An wenoogo soo tooñan? An ŋaloogo? Kaa o fooraam a kid, mi o Tedu xe Isra’el.

Esayi 7:8

Teeru fee Damaas, Araam soom a waxooxu, soo Resin a ref kelfa Damaas rek. Ndeer mene fo xa kiid qarɓeen ɓetuu fa leng fo xa kiid xa ƥetaq, Efrayim xan a tasel boo refkatee xeet.

Mbeeñil 13:6

A dalfooxa o xasanaa a Roog, a wenaa gon um fo ngenand um fo fop we ngenna na asamaan.

2 Tesalonik 2:4

Kaa fapoox, soo a inooxan fop ke na xoyeel Roog mbaat ta faɗooxeel. Xan a inooxan keene, boo a ret a moof no faɗoorand ole Roog, soo a lambnaa yee Roog a refu.

Mace 7:2

Ne nu ngate’taa wiin we, Roog a hate’itkaa a nuun, too xan nu eedantel eedir ke nu eedtaa.

Dañel 11:36

O maad oxe xan a fi kuu feluuna. Xan a magnandoox, a fakoox mbaambir roog ke fop. Xan a lay qedu sax a Roog fee no roog ke. Xan a jeg ne ta bugna boo yaa Roog a fuuxankan, a fadin ke ta hebooxna.

Yeremi 30:11

Yaam mexey fa wo, ndax um muclong. Mi o Yaal oxe layun. Xam moocand qeet ke pasar’oonga fop, ndaa wo o mat, moocandkiroong. Kaa koy, xam xawtong o cofel, waagiroong o ɗeet nen a jaambuur.»

Xa peƭit axe 16:18

A magnandax kaa gartaa o njakad, o nga’atinax a ɓisiidaa njom.

Esayi 16:14

Ndiiki koy, o Yaal oxe a ɓaata teen ee: «Ndeer mene fo xa kiid xa tadaq axaa na limkeel nen xa kiid no saadlaand, o ndam onqe Mowaab xan a ñufel boo ɗuƭ. Ke ta mayna may wiin fop oo, yoqatin le ten jaakkatee too maykatee o njiriiñ.»

Heseki’el 35:13

Waxnaxamo xa ñuxur xa magnandooxu, lay mayu took es, too nanaanum a paax.