Yeremi 48:41 - NQAARIIT NE ROOG

⁴¹ Keriyot a jaɓe, saŋe ke a luƈtel. A koom, xeeñ le na salma-koor ake Mowaab xan a nand fo le no tew oxaa na gaajooxaa.

Yeremi 48:41 Referans Kwoze

Esayi 21:3

Ten taxu naqad oxe lifaxam, um ɗomeel nen o tew oxaa na gaajooxaa. Ke nanuuma kaa firɓandaam, ke ga’uuma a diidlandaam.

Esayi 13:8

Kaa da ndiidlandel, ɗom fa naqad a ndal a den, da lañtooxaa nen o tew oxaa na gaajooxaa. Kaa da mbadir a kid fo o njaaxɗataand o maak, mukit den a nandtaa fiɗel.

Yeremi 49:22

O pañ oxe xey a ŋaayaa, a yetaa nen a canjiik, a letin a nafir um took Bosra. A koom, xeeñ le na salma-koor ake Edoom xan a nand fo le no tew oxaa na gaajooxaa.

Yeremi 30:6

Laamityo boog too ƭeet: ndax o koor a naaga o ñootaa? Xar taxu um ga’aa o koor oo koor a dam ndet nen o tew oxaa na gaajooxaa? Xar taxu mukit ke fop a mbeƭar?

Yeremi 6:24

Yaa i ndaawna o nan oleene rek, xa ƥay in a leeƈooxa, naqad a dam a in, i ƭomeel nen o tew oxaa na gaajooxaa.

1 Tesalonik 5:3

Yaa wiin we a ngapko layaa yee «Ndaw jam!» tee «Ndaw booru!», ndak fo ndak nen gaaj, yaq fee a dalitkaa took den, too o leng waagkiran o daɗ a koom.

Yeremi 51:30

Xiixire we Babilon ñoxorataand, a ƥegelooxaa no saŋe cegu doole ke, njambaar den a fag tak, da nandtataa rew. A kinglir ake no begax ke na teeru fee a ƥole, pind ke ten a ndaaɓel.

Yeremi 50:43

O maad oxe Babilon oxaa daawaa o nan oleene rek, xa ƥay um owaa leeƈooxaa, naqad a damin, ta ɗomeel nen o tew oxaa na gaajooxaa.

Yeremi 49:24

Njambaar ne Damaas a ɓuta, a yaj ake ten a mbes ndiiñ, ndax da ngod o joor, a sendaa ne mbodeena fop. Naqad fo xa ƭomel a ndala a den nen o tew oxaa na gaajooxaa.

Yeremi 4:31

Yaam kaam nanaa xa buuq nen axe no tew oxaa na gaajooxaa, xa buuq o ƭomel nen axe no tew oxaa na ñootaa taaw um. O ñuxur ole Siyoŋ oo. Kaa iinaa, a dek xa ƥay ee: «Sabab took es! Kaam xonaa yaam a qaw ale no waawar we!»

Yeremi 4:9

O Yaal oxe kaa tee: «A koom xan njambaar ne no maad we fo ne no kelfa ke a ɓut, saasadax we a njaaxiɗ, soo duleer we a ndiid.»

Yeremi 48:24

took Keriyot, Bosra fo teeru lakas ke no saax le Mowaab fop, koƭu ke fo matu ke.

Yeremi 50:37

Fat laƥ ne a dal took pis ke ten fo a sareet-xire ke ten, took no xos no wiin wuu ndefna a ndeer um, da nand fo rew. Fat laƥ ne a dal took kalal ke ten, da njaɓel.

Amos 2:2

Xam fudin fiɗel took Mowaab, ta raaɓ pind no maad ke Keriyot, Mowaab a duutel kam combol, a mooc ndeer xa buuq xire, yaa a luuƥ ale a jibkaa.