Yeremi 48:3 - NQAARIIT NE ROOG

³ O wuuq a nannoorta Horonayim, yaq fo boom na xewaa maaga.

Yeremi 48:3 Referans Kwoze

Esayi 15:5

Kam es kaa fag yaam Mowaab. We ƥostooxna no ten a ƈufa boo Sowaar fa Eglat-Selisiya. Kaa da ŋaayaa na teeru faa Luhit, a loolaa, soo na ƭat ale Horonayim da njibnaa xa paɗax.

Yeremi 48:34

Xa buuq axe no we Hesebon a njiba boo Eleyale. O ñuxur den a nannooxa boo Yahas, a xotit Sowaar boo Horonayim, boo Eglat-Selisiya. Poofi ke Nimrim sax a ŋiisa.

Yeremi 48:5

We yoqna we ŋaayaa na teeru faa Luhit, a loolaa, soo na pudnand ale Horonayim fañ we a nanaa xa paɗax:

Yeremi 47:2

O Yaal oxe kaa tee: «Poofi key a maynitiidaa no ɓemb-roog o janoon, a ndefat a ƈufnand alaa balna, a mbi o jaɓ no saax le fo ke refna teen fop, teeru ke fo we ngenna teen. Wiin we we mbuuqaa, we ngenna no saax le fop a iinaa.

Esayi 22:4

Ten taxu um lay ee: «Mbaasaamoo pelek, nqaƴaamoo um lool boo torox. Ba nu njeemaam o yaal no njakad onqe na dalkaa o njaaƈ o ndoog onqe refna xeet es.»

Esayi 15:8

A coytax ale oxey widaa o jegel ole Mowaab o kurul-keƥ, ƭomatax um a nannoox boo Eglayim fo no kas kaa Eliim.

Esayi 15:2

We ngenna Diibon owe ŋaayaa na ñaang a sadaxand ake, ndax da loolit maaga. Mowaab oxe ɗomatooxaa yaam teeru fee Nebo fa fee Medeba. A qoox ake fop a nduuse, xa taatam axe fop a mboyel.

Yeremi 20:16

Yaasam o koor oxeene a nand fo teeru ke o Yaal oxe a jaxasna too jegee teen o ndicax. Yaasam ta nan xa poygax no nqes ne fo xa buuq xire njoloor o mbuc.

Yeremi 48:4

Mowaab a gefe tuƈ! O wuuq no mboƥ ne ten a nannooxa koƭu.

Yeremi 51:54

Xa buuq a nannoorta Babilon, o njakad o maak a jibit kam saax le no Kaakalde we.