Yeremi 48:26 - NQAARIIT NE ROOG

²⁶ Mbayinyo a Mowaab, yaam a niwooxa paam o Yaal oxe! Fat a firkiloox kam basil um, a refat ten itam calat no fop.

Yeremi 48:26 Referans Kwoze

Yeremi 51:39

ndaa ye da moƴna o ngañak, xam fexeyan a den mbumbaay, soo waynoor a den boo da naang nep. Xan a naang hanq a ƭaan, o ƭaan o yokooxkaand. Mi o Yaal oxe layun.

Yeremi 48:42

Mowaab a gefe, refkatee xeet, yaam a niwooxa paam o Yaal oxe.

Esayi 29:9

Njomi’yo too njaq! Mbuulyo, too ba nu nga’at, mbay, too biiñ taxiran, tifil-tifilnaa, too a yer a qaaɗu ɓekiran a nuun,

Esayi 19:14

O Yaal oxe a picta a ndeer den yiif o ngulmataan, da mo’and Miimisira we na pi den fop bo da nandat fo o kiin o bayu xaa na jayang-jayangnaa soo a waslaa.

Dañel 5:23

Kaa o inooxan o Yaal oxe refna na asamaan boo simit o ɓisaniidel a tokol a tedu ke inoorna no Mbind um, nu yertaa a den biiñ, wo fo wiin maak we wo fo rew we wo fo keƈ-a-salma ke wo, doon teen simataa roog ke mbi’teena xaaliis, wurus, xanjar, njelem, a teex fo a ƥil, roog puulu keene naangeerna o nanaa too andee tus, soo fañ o ɓoxot o ndam a Roog fee saqna o ñis of, a gayaa a pi of fop.

A ƭomatax ake 4:21

Felakinooxi rek too ref no ɗaay, wo Edoom o ndoog onqe, genna no saax le Uus! Kaa koy, wo itam xan o daawnel o feeƭ ole no fuux le no Yaal oxe, way teen nep soo woloox boo yoq ƭuc.

Yeremi 51:7

Babilon kaa reeƭu a tokol wurus no ɓay no Yaal oxe, alaa waynooroogna adna fa muum. Qeet ke a yera na biiñ fee ten, a njiit.

Yeremi 48:39

Nga’yo rek ne ta maafteena! Ƭomatooxyo! Ndaw gaci na Mowaab yaam ne ta fesna ndiiñ! A refata calat fo o ndiidlataand no we mbiduuna fop.»

A sutax ale 5:2

Firawon fee a doona a den ee: «An refu o Yaal oxe boo um war o nanan o ñuxur um, xaƴaa xeet fee Isra’el da ndet? Andiim o Yaal oxe too xaƴkiim a den da ndet.»

Mbeeñil 16:19

Babilon, refna teeru fa maak faa a xaajooxa a qaaj a tadak, teeru ke na saax ake a yen. Neene Roog a dalfooxu o wetandoorit a Babilon fa maak fee, ndax ta yernin o mbeeƭ biiñ onqe yipna fuux sumu le ten.

2 Tesalonik 2:4

Kaa fapoox, soo a inooxan fop ke na xoyeel Roog mbaat ta faɗooxeel. Xan a inooxan keene, boo a ret a moof no faɗoorand ole Roog, soo a lambnaa yee Roog a refu.

Habakuk 2:16

Maykiro fo o ndam, ndaa xan o naag ɓot yaam gaci. Wo fa xoox of, xan o yer itam soo xeefnoorel yaam o yoq o ƥor! O feeƭ ole no fuux le no Yaal oxe refna na ñamaak um xan a geleeroox farna fa wo, soo o niwaƭarel a muur o ndam of.

Nahum 3:11

Wo itam xan o way nep, gulum. Wo itam xan o waaƭ maa jaɓnookoona, ndax o daɗ o pañ oxe.

Dañel 11:36

O maad oxe xan a fi kuu feluuna. Xan a magnandoox, a fakoox mbaambir roog ke fop. Xan a lay qedu sax a Roog fee no roog ke. Xan a jeg ne ta bugna boo yaa Roog a fuuxankan, a fadin ke ta hebooxna.

A ƭomatax ake 3:15

A ñaamnooraxam qaaɗu xut, a yernooraam daŋat.

A ƭomatax ake 1:21

Xa iin axe mi a nane, ndaa o leng yaaliraam. Fañ es fop a yega taamaala fee mi. A mbelakinooxa, yaam ne garoona fo ten. Fadnaa ñaal ne maƭooxoogoona a in. Yaasam muj den a nand fa fee mi!

Yeremi 51:57

«Xam waynoor gelwaar we ten fo yaal-o-and we ten, gofornoor ke ten, kelfa ke ten fo a salma-koor ake ten. Xan a ƭaan o ƭaan o yokooxkaand.» O Maad oxe gon um a refna o Yaal oxe Hupna fop layun.

Esayi 63:6

Kam fuux es, duutaam qeet ke, mokand a den kam ngañak es soo ɓax fo’oy den a lanq.»

Esayi 51:17

Yokooxi, wo Yeerusaleem, kaam ee yokooxi, too inoox, wo fee yeritna no ɓay no Yaal oxe o mbeeƭ onqe yipna fuux le ten. Yeraano boo ɓuus nqiim ke, naag nep way.

Esayi 10:15

Ndax foogaa moos ee ɓaax a waaga o moƴ o yaal um, ndi a si a naaga o fakooxanaa oxe na jaltan? O cap naagee wulaa oxe na yo’nan, too o guul naagee o yoɗaa oxe na jiriiñooran!

A kim a tedu ke 75:8

Roog kañ refu o kaahate xe, ten oxe na neewandaa o leng oxe, soo a yoɗ o lakas oxe.

A kim a tedu ke 60:3

Wo Roog, fuuxanaa a in, deɓ a in, pasar a in, ndaa dalnatini a in ndiiki!

A kim a tedu ke 59:8

O don den kaa fuuraa, fa lay den a ref laƥ, da mboog ee o leng nanee a den.

A kim a tedu ke 2:4

Kaa koy, Oxe na asamaan kaa jalaa a den, o Yaal oxe kaa xaadnooxaa a den,

Ke bindeena no xe ne’eena YOB 9:4

Ten jegu o and, a may doole. An waagun o xox boo xawkaandee?

A sutax ale 9:17

Boo inooxanahinoona xeet fee mi, fañin o xaƴ,

Esayi 28:8

A taabul ake den kaa muurooxat fo basil ke den, too ndoƭ ke den owey muu refna.

Dañel 8:10

A maaka boo a daaw a yaj ake na asamaan, a maafiid mayu na den a lanq, a yurdiid xa qoor xa mayu soo a dak a den.

Ke bindeena no xe ne’eena YOB 15:25

Kaa ɗaayan a Roog o kurpeeñ, a paaƈ o Cegu katil oxe.

Yeremi 50:29

Nqoyanyo a Babilon xaaxaƴ a qali we, fop we ndefna ɗana! Ndalyo me widuuna, ba o leng a daɗ. Ndabdeenoo a pi um, mbi’in deŋ ne ta fi’na lakas we! Kaa lalit o felnax um paam o Yaal oxe, paam o Tedu xe Isra’el.