Yeremi 48:14 - NQAARIIT NE ROOG

¹⁴ Nam nu mbaagu o layit ee: ‹A salma-koor i ndefu fo xir say tigi?›

Yeremi 48:14 Referans Kwoze

A kim a tedu ke 33:16

Refee yee a yaj no xiixire we na ci’aa o maad oxe o ndam, too jambaar fee, doole um fa mayu taxkiran o muc.

Esayi 10:16

Ten taxu, o Yaal oxe na refkaa boo faw Hupna fop xan a ɓisiid jir laa na ŋeeskaa wiin magnu suquƈ we no saax le Asuur. Keƥandand na ilaa yoora o ndam um ne fiɗel a iltaa.

Esayi 10:13

yaam kaa lay ee: «Ke fi’uuma fop, doole es ci’axam o ten fo o and es, yaam o cegu yiif refum. Sañtaam xa ŋat axe no qeet ke, jaɓ kalal ke da ngeek’ina, too nen sund duutaam we ngen’ina teen.

Sofoni 2:10

Keene xan a dal a den yaam a magnandax den, yaam kaa mben soo a ŋañ xeet fee no Yaal oxe Hupna fop.

Heseki’el 30:6

Keeke layum, mi o Yaal oxe: Tamlooxand ke Misira xan a yen, doole fa nga’atinoor fee ten a fag tak. No ke xotitna Migdol no ɓemb-roog o janoon boo Siniim no ɓemb-roog o ñamaak, xan laƥ a maaf a den. Mi o Yaal oxe na refkaa boo faw layun.

Yeremi 49:16

Diid le o oraa fo a magnandax ale wo kaa mo’andang, wo fee genna kam luf ke na ƥil ake, fod no jul ole na ñaang ake. O sip’angaa ndaang of took-ee-took sax nen a canjiik, xam maaftiidong maaga. Mi o Yaal oxe layun.

Yeremi 9:23

Kaa koy, fat oxe bugna o fakoox, a fakoorit kene: O jeg-yiif fo o andaam, yaam mi refu o Yaal oxe na fesoortaa o paaxel, a ƭat fo o cofel took lanq ke. Keene soom felaxam.» O Yaal oxe layun.

Yeremi 8:8

«Nam nu mbaagu o layit ee: ‹Yaal-o-and i ndefu, kebil ke no Yaal oxe key fa in›? Yaam no ndigil, a pindir ale no jaajangin we no kebil ke a naɗa kebil ke no Yaal oxe.

Esayi 16:6

I nana a magnandax ale Mowaab, a magnandax alaa o leng a andeerna ne ta fodna, o felnax um fo o nga’atinax um fo fakax kasaara um.

O baawaare xe 9:11

Ga’ahinaam took lanq ke yee moƴ o ñof taxee daɗ no ndaƭatir, moƴ o ref o qir o say taxee rax na xire, jeg yiif itam taxee o jeg ñaamel, o ƴiƴ taxee o jeg halal, too jeg o and taxee niwel, yaam fop, pelu fo peƭaru na ndalaa a den.

A kim a tedu ke 11:1

O yaal a ƭat ale no jeejeek we a xoolne yee a kim alene kaa fog na ke Dawid. No Yaal oxe um jaɓnooxaa. Nam nu mbaagaxam o layit ee: «Ƴufi na xa coong axe nen ndiiƭ,