Yeremi 48:1 - NQAARIIT NE ROOG

¹ Ke yegniteena na Mowaab. Keeke o Yaal oxe Roog fee Isra’el Hupna fop a layu: «Sabab took Nebo, yaam a gefe! Kiryatayim a seda ɓot, a jaɓel. Teeru fa njegu saŋe ne took o joong ole a seda, a diid ƭomu.

Yeremi 48:1 Referans Kwoze

A lim ale 32:3

«Atarot fa Diibon fa Yaseer fa Nimra fa Hesebon fa Eleyale fa Seebam fa Nebo fa Bewon,

Yeremi 25:21

– Ee-edoom we, Moomowaab we fo Aa-amon we,

Yeremi 27:3

Lulti a den o maad oxe Edoom, oxe Mowaab, oxe no Aa-amon we, oxe Tiir fo xe Sidoŋ, reefandin no duleer we den ngarna Yeerusaleem me Sedekiya fee o maad Yudaa.

Esayi 27:3

Mi o Yaal oxe na yetooxan. Kaam sooran na waxtu fuu refna, yetooxan ñaal fo o yeng, ndax dara yaqkiran.

Esayi 25:10

No ndigil, xan o ɓay no Yaal oxe a ref took o joong olene. Mowaab xan a duutel me ta refna nen daaƭ kam a tos,

2 Caloori ke 20:10

Ndiiki koy, Aa-amon we fo Moomowaab we fo we na xa coong axe Seyiir, fañit’oona Ii-isra’el we da ndeef me den ye da sutoorna Misira, yaam kaa laqtoox’u a den too moocandee a den,

A lim ale 33:47

A inoora Almon-Diblatayma, a ndalik na xa coong axaa Abarim, njasnoorna fa Nebo.

A lim ale 24:17

Kaam ga’an, ndaa refee ndiiki. Kaam ɗeetan, ndaa matee. O xoor oley a feeñtiidaa ndeer xa taan axe Yakoob, kaam ee o samb oley a sutoortiidaa ndeer xeet fee Isra’el. A fada Moomowaab we no xoox, soo xa taan axe Set fop, ta maaf a den.

Mberaand 19:37

Taaw fee a ñoota o ƥiy o ngoor, soo a ne’in Mowaab. Mowaab faaga refu o taan no Moomowaab we na maadaa boo xaye.

Yosuwe 13:19

Kiryatayim, Sibma, Seret-Sahar refna na pudnand ale no joong ole laqa o maag o Xanju le,

Mberaand 14:5

Kaa koy, no hiid xarɓaxay fo o hiid o nahkandeer ole, Kedorla’omeer fo maad we mbokatoor’ina fo ten a mbadiida soo a nqawit Reerefa we Asterot-Karnayiim, Susima we, da nqawit a den Ham, Ee-em we, da nqawit a den Saawe-Kiryatayiim,

Esayi 25:12

Xan a maaf soo a fudin saŋe ciig ke wo saƭikna koŋ, a naag a den junjang boo kam fo ut ole.