Yeremi 47:4 - NQAARIIT NE ROOG

⁴ Ñaal ne Fiifilista we fop a saŋikkeel a fadiida. Yoqkatee o leng oxaa dimle’na a Tiir fa Sidoŋ, yaam o Yaal oxe xe gefaa Fiifilista we, yoqatin weene no fimb le Kaftoor.

Yeremi 47:4 Referans Kwoze

Amos 9:7

«Nuun we xa taan Isra’el, ndax kaa nu ndefiraam nen Kuukuus we? Ndax kaa suttiim a nuun Misira, ne sutit’uuma Fiifilista we no saax laa Kaftoor, Aa-araam we um sutit a den Kiir? Mi o Yaal oxe a layun.

Esayi 20:6

A koom we ngenna na xa cegel axeene, xan a lay ee: «Ke reeƭna yaakaar in de a sooƴa. Maaga i yaakaaroogu o njaɓnoox, ndax i ƈufgel soo mbatel no maad oxe Asuur. Ndiiki koy, nam i ndaɗitkaa?»

A cangatin ale 2:23

Aa-awi we koy, ngen’ina no caate ke no jegel ole Gaasa, Kaakaftoor we ngar’u, a moocand a den soo a ngen na seek den.

Hoose 9:7

Ñaal ke na qaw ale a mbaambnooxa, kaam ee ñaal ke no ndabid ne owe ngaraa. Fat Isra’el a andin! Kaa nu layaa yee: ‹O tuleer Roog oxe kaa ɗofat, o kiin oxe feeñooxeena a gulmaa.› O magnel ole no tooñ nuun fo ne nu sibaxama taxu nu layan.

Heseki’el 21:29

Ten taxu keeke o Yaal oxe na refkaa boo faw a layu: Feek nu mbetandta boom le nuun, ngulit tooñ nuun, mbeeñil nañ pakaad nuun kam a pi ake nuun fop, feek nu mbetandooxe, xan nu naangel nuus no ɓay.

Heseki’el 21:25

na ƭat ale o sexkaa, ndax laƥ ne a fadiid Raba, teeru fee no Aa-amon we, a fadiid itam no Yuuyuda we kam Yeerusaleem, teeru fa njegu saŋe fee.

Heseki’el 7:12

Hap fee xe garaa, bes fee a matiidaa! Baa o ciijik oxe a felakinoox, baa o ciijikax oxe a ɗomatoox, yaam fuux ɗomu le a biltooxana faan le na teeru fee.

Yeremi 46:10

Ñaal neeke, bes no Yaal oxe na refkaa boo faw Hupna fop oo, faa ta rabdinooxkaa took no Miimisira we. Laƥ ne ten oxe fandaa boo a deyƭoox, a yeraa na fo’oy no fañ we. Sadax no Yaal oxe na refkaa boo faw Hupna fop oo, no saax le no ɓemb-roog o janoon, farna fo xuluɓ ole Ofrat.

A kim a tedu ke 37:13

ndaa o Yaal oxe kaa jalan, yaam a ga’a bes fee na qaw um a garaa.

YEGIL MBAAX NE YEESU ne Lik a bindtuuna 21:22

Yaam xan a ndef ñaal kaa Roog a rabdinooxkaa, ndax ke bind’eena fop a fadnoox.

Heseki’el 30:8

Maaga, xan da and ee mi refu o Yaal oxe, yaa um heƥandkaa fiɗel took Misira, soo we ndimle’iiduuna fop a nduguñoox.

Heseki’el 25:16

ten taxu keeke layum, mi o Yaal oxe na refkaa boo faw: Xan o ɓay es a dal took no Fiifilista we, um moocand Keekeret weene soo saŋik we yoqna na ƥeeraamb ale no maag ole.

Esayi 31:8

Xan laƥ a maaf a Asuur, too refkee laƥ no koor. Laƥ ne na fandkan refee laƥ no kiin. Aa-asuur we xan a ngod o joor mbaambir laƥ neene, soo mbes ke den a ndefik faɗ.

Esayi 10:3

Xar nu mbi’kaa na bes faa no nqeloor naa, yaa a und ale a inoortiidkaa koƭu? Maa an nu ƈufkaa, ndax nu njaɓnooxin, too mam nu laqkaa kalal ke nuun?

Ke bindeena no xe ne’eena YOB 9:13

Roog a fuuxangaa, naagee ñofaa ɓoos. Rahab fee Niŋki-naŋka ne na juwaam fee fo yoon um kaa yenaa na caf um.

1 Caloori ke 1:12

fo Paapatrus we fo Kaakaslu we ndefna ndef daan no Fiifilista we. Kaakaftoor we itam no ten a mbaqaqooru.

Yosuwe 22:30

Ye Finees fee o saasadax oxe fo kelfa ke yoon’ina fo ten too a ndef yaal a qaw ake a nanna fa lay fee Ruuruben we, Gaagaad we fo Maamanaase we a ndoonna a den, kaaga a dey’a a den.

Mberaand 10:15

Kanaan rimu a Sidoŋ fee taaw um fa Heet,

Esayi 14:31

Ndokand ne, ɗomatooxi! Teeru fee, jibni xa buuq! Wo saax le Filista fop, foygooxi yaam fo suun ole na inoortiidaa no ɓemb-roog o janoon, too o leng jaqooxee no qod ole no fañ we.