Yeremi 47:3 - NQAARIIT NE ROOG

³ Ɗuuɗ le na xa poxos axe no pis ke ten fo fangax le na saang ake na sareet-xire ke owe naneel. Paap ke talatee xa ƥiy den, yaam xa ƥay den kaa leeƈoox.

Yeremi 47:3 Referans Kwoze

Yeremi 8:16

Kang ke no pis ke no fañ we a nannoorta Dan, lanq ke fop a sendaa yaam fangax le no ŋexel le no naar-koor ke den. Owe ngaraa, a nduudniid saax le fo ke refna teen, teeru fee fo we ngenna teen.

Haahate we 5:22

Maaga, xa poxos axe no pis ke no fañ we a mbangna ɗuuɗ leng kut, ye ŋaaŋaay den a naangna futuxtux, a njaabnaa a den.

Nahum 2:4

Pegoor ke na salma-koor ake no fañ we kaa yaxig, xir say we a ndokoox daalde. Boo da mbaajanaa a ñoq ale, a sareet-xire ke den kaa meleƈaa nen o jam, soo pis ke a coketaa.

Yeremi 46:9

Pis ke, ƭuuɗyo, a sareet-xire ke, mbi’yo ƥooy! Fat a salma-koor ake a sutoox, ake Kuus fo ake Puut na saqaa pegoor fo ake Luud na saqaa, a nqaƴaa a qali!

Mbeeñil 9:9

A saqa no kang den ƥonax kaa nandna nen toki celem, fangax le na nafir ake den a nandtaa fangax a sareet pis mayu akaa na ƈufanaa xire.

Yeremi 50:42

Kaa pokoox a qali fo a salma, a ƈaxooxaa soo a ñak yirmande. Fangax le den kaa dititaa nen no maag ole. Kaa ŋaay pis, a nqodan a ñoq ale, a ndef leng, too wo a inooxanu, wo Babilon.

Heseki’el 23:24

owe ngarantang no ɓemb-roog o janoon, a saq ƥonax, a sareet-xire fo a saang a sareet fo mbokatoor no qeet. A mbidaang o kurul-keƥ, a ƥonoox pegoor maak fo teɓ fo o maxande. Ɓoxotaam a den hate fee, too xan a ngate’tong kebil den.

Nahum 2:8

Nitaal roog fa ndew fee den a sute, a ɓisel gilaa saax. Jeefeer we ten kaa iinaa nen a nuukuur soo a ndiqooxaa no kang.

Esayi 5:28

A kas ake den kaa lakel, a qali ke den a ŋaaynel. Xa poxos axe no pis ke den kaa naang koŋ nen ɓil saƭku, soo a caf ake na sareet ake den a mbangoortaa nen a und.