Yeremi 47:2 - NQAARIIT NE ROOG

² O Yaal oxe kaa tee: «Poofi key a maynitiidaa no ɓemb-roog o janoon, a ndefat a ƈufnand alaa balna, a mbi o jaɓ no saax le fo ke refna teen fop, teeru ke fo we ngenna teen. Wiin we we mbuuqaa, we ngenna no saax le fop a iinaa.

Yeremi 47:2 Referans Kwoze

Yeremi 46:20

Misira o fi o mosu tigi a refu, ndaa o baxal olaa inoortiidna no ɓemb-roog o janoon oxe ŋatan.

Yeremi 8:16

Kang ke no pis ke no fañ we a nannoorta Dan, lanq ke fop a sendaa yaam fangax le no ŋexel le no naar-koor ke den. Owe ngaraa, a nduudniid saax le fo ke refna teen, teeru fee fo we ngenna teen.

Yeremi 1:14

Maaga, o Yaal oxe a layaxam ee: «No ɓemb-roog o janoon o mat taamaala fee a biltoorkaa took no we ngenna no saax lene fop.

Mbeeñil 17:15

Malaaka fee a layahinaxam ee: «Poofi ke ga’oona, a caga le a moof paam den, a saax fo a paan no wiin fo qeet fo lak a ndefu.

Mbeeñil 17:1

Cinj kaaga, fa leng no malaaka ɓetuu ƭik kaa saq’ina fo mbeeƭ ɓetuu ƭik naa a gara a layaam ee: «Gari too xam lalong ne a caga maak ale a hate’itkeel, o ten oxe na moofaa paam poofi maak ke.

Saak 5:1

Nuun yaal kalal ke, nan-gilooxyo fa lay es. Nu mbara o lool, too iin, yaam taamaala ke na ndaawkaa a nuun.

1 Korint 10:28

Kaa koy, boo o kiin a layna a nuun ee: «Keeke de, kaa sadaxeena fangool oo», ba nu ñaamin, yaam ne ta maƭooxna a nuun keene fo ne yiif um a bugko siisooxaa.

1 Korint 10:26

Ke no lanq ke fop, o Yaal oxe jegun, a jeg lanq ke itam, ne a Pind a Tedu ke a laytuuna.

Nahum 1:8

Kaa koy, xan a saŋkit we mbinqqoorna fo ten o jaɓ ole, a daab fañ we ten boo da nqaad jaaniif.

Dañel 11:22

A yaj no xiixire kaa mayitna nen a ƈufnand alaa balna mbaagankiran tig. Xan a mokand a den rip soo a war Kelfa fee no ngiɓoor ne.

Yeremi 48:39

Nga’yo rek ne ta maafteena! Ƭomatooxyo! Ndaw gaci na Mowaab yaam ne ta fesna ndiiñ! A refata calat fo o ndiidlataand no we mbiduuna fop.»

Yeremi 46:13

Keeke refu fa lay fee no Yaal oxe o tuleer Yeremi a yegnitna, ye Nebukadnesaar fee o maad oxe Babilon a fadiidna, ndax ta song a Misira:

Esayi 59:19

Neene, xan gon le no Yaal oxe a saɗarel no mudand, soo o ndam um a niwel no batand, yaa ta fadiidkaa nen a ƈufnand a paŋe laa a und a balinna.

Esayi 28:17

Xan a ƭat a ref o ƥaak o liiƥir es, soo o cofel ole a ref o ƥaak o fodrandir es.» A kalam a ƥuuɓu ke xan a yaq ndaɗand maamaaɓ ne, soo poofi ke a maƥ laqooxand naanaxir ne.

Esayi 22:1

Ke layeena na «Yulanq ale no mbeeñil ne»: Yeerusaleem, xar damong boo we ngenoonga fop a ŋaay na xa tung-took axe,

Esayi 15:8

A coytax ale oxey widaa o jegel ole Mowaab o kurul-keƥ, ƭomatax um a nannoox boo Eglayim fo no kas kaa Eliim.

Esayi 14:31

Ndokand ne, ɗomatooxi! Teeru fee, jibni xa buuq! Wo saax le Filista fop, foygooxi yaam fo suun ole na inoortiidaa no ɓemb-roog o janoon, too o leng jaqooxee no qod ole no fañ we.

A kim a tedu ke 98:7

Fat o maag ole a fangoox fo ke refna teen fop, adna fee fo we ngenna teen.

A kim a tedu ke 96:11

Fat asamaan a felakinoox, lanq ke a ndef no ɗaay, o maag ole a fangoox fo ke refna teen fop.

A kim a tedu ke 50:12

Um xeex’ange, laykoogiroong o ten, yaam adna fee fop fo ke refna teen mi jegun.

A kim a tedu ke 24:1

A kim a tedu laa fogna na ke Dawid oo. O Yaal oxe jegu lanq ke fo ke refna teen fop, a jeg adna fee fo we ngenna teen,

Yeremi 6:22

Keeke o Yaal oxe a layu: «Xeet fey a inoortiidaa no saax laa no ɓemb-roog o janoon, saax maak a ɗistiidaa no cat adna.

Yeremi 46:12

Qeet ke a yega gaci of, too xa buuq axe wo a nannooxa muu refna. O qiixire a kamasa o kend um, da yenandoor den ɗik fop.»

Yeremi 46:24

Misira, o ndoog onqe, a seda ɓot, a ɓoxote na xa ƥay na xeet fee no ɓemb-roog o janoon.»