Yeremi 46:7 - NQAARIIT NE ROOG

⁷ Xar refu ke na maynaa nen o xuluɓ ole Niil, fee poofi ke a mbalaa nen xa quluɓ axe?

Yeremi 46:7 Referans Kwoze

Yeremi 47:2

O Yaal oxe kaa tee: «Poofi key a maynitiidaa no ɓemb-roog o janoon, a ndefat a ƈufnand alaa balna, a mbi o jaɓ no saax le fo ke refna teen fop, teeru ke fo we ngenna teen. Wiin we we mbuuqaa, we ngenna no saax le fop a iinaa.

Dañel 11:22

A yaj no xiixire kaa mayitna nen a ƈufnand alaa balna mbaagankiran tig. Xan a mokand a den rip soo a war Kelfa fee no ngiɓoor ne.

Mbeeñil 12:15

Maaga, Mbangool a xuqta foofi no don um, ta fi nen a paas a cinj o tew oxe, ndax a yaand ake a ƥisin.

Amos 8:8

Ndax kaa a pesoorooƭ den akeene taxee saax le a gefkeel, mbind oo mbind a ndef no xaaraand? Xan saax le a kuf-kufin nen o maag o riñu, kaam ee xan a ruf-rufin, a ŋiisin nen o xuluɓ ole Misira.

Dañel 9:26

A cinj xa kiid ɓetaa ƭaq axeene boo a caf qarɓeen ɓetuu fa leng fo a caf a ƭak, Kelfa fee ta soƥkaa ta ɗuumel xan a saŋkel, too jegkee oxaa rondanduuna. Cinj kaaga, xan kelfa a gar fo a yaj no xiixire um, a yaq teeru fee fo o mbiñ o tedu nqe, ndaa xan muukandoong um a fadtiid nen o jaɓ. Yaq fee xan a ret boo maa xire fee a fagitkaa. Roog o mat heblitun.

Esayi 63:1

Ndi an oo o ñaañaaƴ oxeene na inoortiidaa Edoom, a sutoortiidaa Bosra refna teeru fa maak fee, toki ke a yaxig coy? Kaa rokoox sabadoor um, a ñaaƴaa o cok um took soo a hooloox doole um. «Mi fee na layaa cofu yoo soo jeg sañ-sañ o mucil.»

A kim ale na kim ake 8:5

An oo xeene na inoortiidaa na koƥ-a-ƥor ale, a damir fo xe ta bugna bug? Yoktaaxoong ɗuga ndaxar pom ne, me ya of a fudtoonga sax sax, maaga ta rimtoonga.

A kim ale na kim ake 3:6

An oo xeene na inoortiidaa na koƥ-a-ƥor ale kam fo ut ole nen eel fo suun, a suloox miir fa cuuraay fo ƭuumooxel qeeñe-xeeñe kuu ndefna?

Heseki’el 32:2

«Wo fee o ƥiy no kiin, yoɗani a Firawon fee o maad Misira a kim a ƭomatax! Fat o lay ee: Kaa o nandtoogu o njogoy o njanglax ndeer a saax ake, ref nen fa noox kam xa maag axe. Kaa o balnoogu xa quluɓ axe wo, noottaa poofi ke a caf of, jiqtaa a kal ake den fop.

Dañel 11:10

Xa ƥiy axe no maad oxe no ɓemb-roog o janoon xan a mbapooxan xire, a mbokat a yaj a mayu. O leng na xa ƥiy axe xan a inoox fo xiixire um, a xaañ o ŋat ole nen a ƈufnand alaa balna. Cinj kaaga, boo ta nomtooxaa no saax um, xan a dal took teeru fa njegu saŋe fee no maad oxe no ɓemb-roog o ñamaak.