Yeremi 46:5 - NQAARIIT NE ROOG

⁵ Ndi xar um ga’aa? Owe ndiida boo a sendaa, a ndakooxaa o jiijiŋ. A Salma-koor ake den a nduguñe, a ngod o joor, too nomtooxiidatee, diid le xey muu refna. Mi o Yaal oxe a layun.

Yeremi 46:5 Referans Kwoze

Yeremi 49:29

Fat ƭiif ke den fo cegel ke den, coor ke den fo tikoorik ke den fop a njaɓel! Fat keeleemb ke den a ƥisel, soo da mbalalooxeel ee: ‹Diid le xey muu refna!›

Yeremi 6:25

Ba nu sutoox na koƥ ale, too ba nu ndet na ƭat ake, yaam o pañ oxe xaay maaga, a pokoox laƥ, diid le xey muu refna.

Yeremi 46:21

Xiixire saadlaand we ta waaƭanna a xoox um kaa nand nen xa qeel axaa ngudeena. Kaa koy, den itam a nqurulooxa, a ƈuf den fop. Mbaagee o nqox, yaam ñaal ne na saŋik ale a fada na den, waxtu fee da nqaweena.

Nahum 2:8

Nitaal roog fa ndew fee den a sute, a ɓisel gilaa saax. Jeefeer we ten kaa iinaa nen a nuukuur soo a ndiqooxaa no kang.

Heseki’el 32:10

Xam ɓek qeet mayu no jaq yaam wo, soo maad we den a ndaprapnaa yaam wo, yaa um yetinkaa laƥ ne mi mbaambir den. Xan a sendaa na waxtu fuu refna, oxuu refna a talaa o ñis um, na bes fee o yenkaa.

Yeremi 46:15

Xar taxu nqoox ne fi’oona roog of a luƈtel? Waagee o xox, yaam o Yaal oxe maafun.

Yeremi 20:10

Nanaam wiin mayu a layaa paaxeer na mi, a lastitaxam ee «Diid le xey muu refna». Leng we kaa layaa yee: «Fat nu ngoƥattin», lakas we yee: «Iyo, fat i ngoƥattin». Fop we jamoor’uuma sax kaa ngorooxaa na mi o njuumte nqe moƴna o neew, a layaa yee: «Xeƈa xan a yen me ta ɗaapaneena, soo i ndamin, ndabdinoox took um.»

Esayi 19:16

A koom, xan Misira a nand nen o tew. Xan a send yaam diid, yaa o Yaal oxe Hupna fop a yoɗankan o ɓay um.

Mberaand 19:17

Cinj ye goor ɗik we a sutna a den, o leng na den a laya yee: «Ƴufti o ñis of too ba o wiƈaqiloox. Ba o geenoox na xa saawit axene fop. Sagi farna fo xa coong axaa yaam ndik o saŋkoox.»

Esayi 5:25

Ten taxu fuux le no Yaal oxe a biltooxan xeet um, ta yoɗ o ɓay um soo a xawin. Xa coong axe kaa sendaa, soo xa tal axe yee ɗareet no ped ke nen ƭaaq. Kaa koy, keene fop taxee fuux um a ɓoos, too o ɓay um ole yoɗooxa boo fa ndiik.

Esayi 13:8

Kaa da ndiidlandel, ɗom fa naqad a ndal a den, da lañtooxaa nen o tew oxaa na gaajooxaa. Kaa da mbadir a kid fo o njaaxɗataand o maak, mukit den a nandtaa fiɗel.

Esayi 42:17

We ndoonna a koolax den no pangool ke fo we na layaa xa taaƴ xa qawne xe yee: ‹Nuun ndefu roog ke in›, xan a ndakoox o jiijing, a ngac’andel.»

Yeremi 49:5

O Yaal oxe na refkaa boo faw Hupna fop kaa tee: «Ga’angi, xam hebliid took of diid, ta inoortiid me widoonga fop. Xan nu ndaxel, oxuu refna a sag mbaambir um, too jegkee o leng oxaa fokatna ƴuuƴuf we.

Heseki’el 39:18

Xan nu ñaam cer ke na salma-koor ake soo yer fo’oy le no gelwaar we na adna fee, den fop a suk paal fo fo mbaal fo a suk pambe a ndefu fo qoox kaa ngudeena took Basan.

Nahum 2:9

Niniif kaa nand nen mband ngefu naa may’ina fo foofi, ndaa ndiiki koy poofi ke owe mbalwalnaa. Ngeenooxyo! Cungyo! Kaa koy, o leng nomtooxiidee.

Sofoni 1:14

Bes fa maak fee no Yaal oxe a matiida. A matiida, too oxe fadiidaa no ñofu. Bes fee no Yaal oxe xe fangooxaa, soo a salma-koor ake sax a njibin xa paɗax.