Yeremi 46:12 - NQAARIIT NE ROOG

¹² Qeet ke a yega gaci of, too xa buuq axe wo a nannooxa muu refna. O qiixire a kamasa o kend um, da yenandoor den ɗik fop.»

Yeremi 46:12 Referans Kwoze

Yeremi 46:6

Oxe moƴna fel o faaɗ sax deyee god o joor, too oxe moƴna jambaar daɗkee! No ɓemb-roog o janoon, na ƥeeraamb alaa no xuluɓ olaa Ofrat, owey tolofaa, a yenaa.

Yeremi 14:2

«Xeet fee Yudaa kaa naqadiloox, teeru ke ten ee yereng, we ngenna teen a ngooy, a moof a lanq. O wuuq ƭomatax a yoɗoora Yeerusaleem.

Esayi 19:2

«Xam riñ o Miimisira ta song o Miimisira kend um, too oxuu refna xan a ñoxor fo o pog um, xaariit fa fa ngend um a ñoxor, teeru ke a ñoxor a ndeer den, soo maat ke neen.

Sofoni 1:10

A koom, xan xa paɗax a njib no Ndokand ne no liƥ ke, a ƭomatax a nannoox na dik fa nqas fee na teeru fee soo fangax jegu doole a inoortiid na ñaang ake. Mi o Yaal oxe layun.

Yeremi 51:54

Xa buuq a nannoorta Babilon, o njakad o maak a jibit kam saax le no Kaakalde we.

Yeremi 49:21

Fangax le no njom ne den xan a tax lanq ke a yo’noox, xa buuq den a nannoox boo na Kal alaa no xeet laa.

Yeremi 48:34

Xa buuq axe no we Hesebon a njiba boo Eleyale. O ñuxur den a nannooxa boo Yahas, a xotit Sowaar boo Horonayim, boo Eglat-Selisiya. Poofi ke Nimrim sax a ŋiisa.

Esayi 10:4

O lupandoox fo we ndameena soom nu yoqɗu mbaat nu yen fo we mbareena. Kaa koy, keene fop taxkee fuux le no Yaal oxe a ɓoos, too o ɓay um ole yoɗooxa boo fa ndiik.

1 Sami’el 5:12

We nqon’eerna no wiin we ngen’ina maaga fop, kaa njeg’u xa tul, too xa iin axe na teeru fee a njaaƥatilooxa boo maa Roog.

Esayi 24:11

A coytax oxe jibaa no ped ke yaam biiñ fee dangna, o ɗaay ee mes, o mbelakinax onqe a raxel saax le.

Yeremi 2:36

Xar o ñofandooxanaa boo suptaa a ƭat of? Xan Misira a sednoorong ne Asuur a sednoorit’oonga.

Yeremi 47:2

O Yaal oxe kaa tee: «Poofi key a maynitiidaa no ɓemb-roog o janoon, a ndefat a ƈufnand alaa balna, a mbi o jaɓ no saax le fo ke refna teen fop, teeru ke fo we ngenna teen. Wiin we we mbuuqaa, we ngenna no saax le fop a iinaa.

Yeremi 50:46

Fangax le na caɓ ale Babilon xan a tax lanq ke a yo’noox, xa buuq a nannoox a ndeer qeet ke.

Nahum 2:5

A sareet-xire ke kaa mboy kam ped ke, a mam no qel ke. O ga’angaa a den ee xa cam, da ƈuftaa nen xa kiiñaand.