Yeremi 45:1 - NQAARIIT NE ROOG

¹ Keeke refu fa lay fee o tuleer Yeremi a daawnoogna a Baruk fee o ƥiy Neriya, ta bindan no laxas safe, no hiid o nahkandeer olaa no maat Yoyakim fee o ƥiy Yosiya, too a ref o maad Yudaa:

Yeremi 45:1 Referans Kwoze

Yeremi 36:1

No hiid o nahkandeer ole no maat Yoyakim fee o ƥiy Yosiya, too a ref o maad Yudaa, o Yaal oxe a daawna a Yeremi fa lay fene:

Yeremi 36:4

Maaga, Yeremi a xoya a Baruk fee o ƥiy Neriya soo a layaa fop ke o Yaal oxe a daawin’uuna, Baruk a bindan no laxas safe le.

Yeremi 32:12

Ɓoxotaam a kayit a cikir ale a Baruk fee o ƥiy Neriya too a ref o ndaan Mahseya, na kid Hanamel fee o ƥiy faap o ndeɓ es fo na kid no seede we ñaas’ina a kayit a cikir ale fo na kid no goor Yuuyudaa we fop ndeeƭna no maax ole no yeeyetax we.

Yeremi 36:32

Cinj kaaga, Yeremi a waaƭa o laxas safe lakas, a cooxin a Baruk fee o piibind oxe, too a ref o ƥiy Neriya. Baruk a binda teen ne Yeremi a laytooguuna o ten fa lay fee no laxas safe le fop Yoyakim fee o maad Yudaa a dox’ina. Fa lay fa lakas fa mayu fa nandu neen a ɓaatahine teen.

Yeremi 32:16

«A cinj ye ɓoxotuuma a Baruk fee o ƥiy Neriya a kayit a cikir ale, xeɗaam o Yaal oxe yee:

Yeremi 25:1

Keeke refu fa lay fee o tuleer Yeremi a daawna ta jagin na xeet fee Yudaa fop, no hiid o nahkandeer ole no maat Yoyakim fee o ƥiy Yosiya, too a ref o maad Yudaa, a jopir fo o hiid o eetaand ole no maat Nebukadnesaar fee o maad oxe Babilon.

2 Caloori ke 36:5

Yoyakim a jeg’a xa kiid qarɓeen ƭik fo xa kiid xa ƥetaq, ye ta sogna refaa o maad. A maadooxa xa kiid xarɓaxay fo o hiid o leng kam Yeerusaleem. A fi’a kaa faaxeerna na kid no Yaal oxe Roog um.

Yeremi 36:26

O maad oxe a hebla a Yerahmel fee o ƥiy no maad oxe, Seraya fee o ƥiy Asri’el fa Selemiya fee o ƥiy Abdel da ndam a Baruk fee o piibind oxe fo o tuleer Yeremi. Kaa koy, o Yaal oxe a ɗasna a den.

Yeremi 26:1

No mberaandoong naa no maat Yoyakim fee o ƥiy Yosiya, too a ref o maad Yudaa, o Yaal oxe a daawna a Yeremi fa lay feeke.

2 Maad we 24:1

Na jamaane Yoyakim, Nebukadnesaar fee o maad oxe Babilon a inooxana saax le Yudaa, soo Yoyakim a ɓoxotoox no ten. Kaa koy, cinj xa kiid xa tadaq, Yoyakim a siiknoora fo ten.

Yeremi 45:2

«Keeke o Yaal oxe Roog fee Isra’el a layu na wo, wo Baruk:

Yeremi 46:2

Ke layeena na Misira fo no xiixire we Neko fee Firawon fee, o maad Misira, ye Nebukadnesaar fee o maad oxe Babilon a xawtuuna Karkemis, no xuluɓ olaa Ofrat, a jopir o hiid o nahkandeer olaa no maat Yoyakim fee o ƥiy Yosiya, too a ref o maad Yudaa:

Yeremi 51:59

Keeke refu ke o tuleer Yeremi a hebilna a Seraya fee o ƥiy Neriya too a ref o ndaan Mahseya, ye oxeene a retna Babilon, a yoon fa Sedekiya fee o maad Yudaa, no hiid o nahkandeer olaa no maat um. Seraya reeƭu o aa-adax oxe no cawdiin ke no mbind no maad ne.

Dañel 1:1

No hiid o dadkandeer olaa no maat Yoyakim fee o maad Yudaa, Nebukadnesaar fee o maad Babilon a garana a Yeerusaleem, a widin o kurul-keƥ.

Yeremi 36:2

«Waaƭi o laxas safe, bind teen fa lay fee layoonga fop no maat ne Isra’el fo ne Yudaa fo no qeet ke fop no kaa xotitna a koom alaa layuuma fa wo, na jamaane Yosiya, boo xaye.