Yeremi 44:8 - NQAARIIT NE ROOG

⁸ A pi nuun kaa mbuuxnooraam! Kaa nu ndoxanaa cuuraay roog can ke no saax le Misira, me nu laqooxiidna, ndax nu mbañooxaa, ndef saloor fo niwaƭarel a ndeer qeet ke no lanq ke fop.

Yeremi 44:8 Referans Kwoze

Yeremi 42:18

Yaam keeke o Yaal oxe Roog fee Isra’el Hupna fop a layu: ‹Ne fuux es fo o say es a njuumoorna took no we ngenna Yeerusaleem, neene a yenitkaa took nuun, nu ndetangaa Misira. Xan nu ndef saloor fo o njaq, qeefel fo cednooxu, too nu nga’katee saax lene muk.›

Yeremi 44:3

Keene a xewa, yaam we ngen’ina teen a mbi paaxeer, ndax da mbuuxnooraam. A ndoxana roog can ke cuuraay soo a mbaɗoox a den, ke da and’eerna a den fop oo, ta ref den mbaat nuun mbaat daan nuun.

Yeremi 18:16

Neene, a ƥeka saax le den no tas fo no calat boo kili. Fop we na ƥeeraa teen a njaaxɗa, a mbulaa a qoox.

2 Caloori ke 7:20

yaaga, xam sutit a nuun no fiisel ole ci’uuma a nuun, Mbind ne kesanuuma gon es, um naagin buc, fi’in naxoor fo calat a ndeer qeet ke fop.

Hebre 3:16

Aniin ndefu we nan’ina o ñuxur ole Roog, too a siiknoor fo ten? Ndax kaa ndefee waa Moyiis a sutit’ina Misira fop?

Yeremi 44:12

Xam dam we yoqna na Yudaa mbosooxna o ndet no saax laa Misira, ndax da laqook maaga. Misira a saŋkoorkaa den fop. Xan laƥ mbaat biim a ñaam a den, a xotit no xe moƴna o neew boo no xe moƴna o maak. Kaam ee, xan laƥ mbaat biim a war a den, da ndef saloor, o njaq, qeefel fo cednooxu.

Yeremi 44:7

Ndiiki koy, keeke o Yaal oxe Roog fee Hupna fop, Roog fee Isra’el, a layu: Xar taxu nu mbi’aa a qoox nuun paaxeer ƭomu, suudtaa a ndeer xeet fee Yudaa goor fo rew, xa caaƈ fo bax, boo jegatee na nuun yoqatin leng?

Yeremi 29:18

Xam daabit a den xire, biim fa piste. Neene, maat ke na adna fee fop xan a ndiid, a njaq, yaa da nga’na a den. Xan a ndef saloor, o njaq, o ndiidlataand fo cednooxu a ndeer qeet ke fop pasar’uuma a den,

Yeremi 26:6

Nu nan-gilooxatangiraam koy, xam fi Mbind neeke ne fi’uuma a Silo soo fi teeru fene a ref saloor no qeet ke na adna fee fop.› »

Yeremi 24:9

Neene, maat ke na adna fee fop xan a ndiid, a njaq, yaa da nga’na a den. Xan a ndef benir fo naxoor, calat fo saloor no fo mbiñ ne um pasarkaa a den fop.

Esayi 65:15

We jiluuma xan a saloortataa gon nuun ee: ‹Yaasam o Yaal oxe na refkaa boo faw a warnoorong nen o leng no weene!› Kaa koy, den we ndefna dag es o mat, xam coox a den gon lakas.

Esayi 3:8

Yeerusaleem oxe gefaa tuƈ, soo Yudaa a naag junjang a lanq, yaam xa ƭelem den fo a pi den kaa njuumoor fo o Yaal oxe, da mbañ o magnel ole no ndam onqe ten.

Esayi 19:1

Ke na dalkaa a Misira: O Yaal oxe xey, a garaa Misira kam eel ñofu. Pangool ke Misira owe sendaa mbaambir um, soo njambaar ne no Miimisira we a ɓutaa kam den.

Yeremi 7:9

Mee ndax kaa nu nguuɗaa, mbaraa, seeqaa, ndaaɓooxaa na xa maaƥ, ndoxanaa a Baal cuuraay, ngiɓoor fo roog can kaa nu andeerna ñaal o yeng a jalan.

Yeremi 11:12

We ngenna no teeru ke Yudaa fo we Yeerusaleem xan a ƈufginook roog ke da ndoxanaa cuuraay, ndaa mbaagkee o mucil a den yaa fa taamaala fee den.

Yeremi 11:17

O Yaal oxe Hupna fop jimb’oonga, a fosooxanaang taamaala yaam paaxeer ke wiin we Isra’el fo we Yudaa a mbi’na a qoox den. A mbuuxnooraan, ye da ndoxanna a Baal cuuraay.

Hoose 4:13

Kaa sadaxtaa took xa cul axe na xa coong axe, a ndoxaa cuuraay took a ñaang ake, ɗuga ngariñ, poopilye fo mbudaay, yook den a ƥuuɓna yem. Ten taxu xa ƥiy xa tew axe nuun xan a njaga’ik, rew we na xa ƥiy nuun a seeqaa.

Habakuk 1:16

Kaa ƥoxotaa paal ke den sadax, a ndoxanaa panguuñ ke den cuuraay, yaam na pexey den mbaƥ den a rooftu, soo ñaamel den a naang gañ.

A cangatin ale 32:25

No ped ke xan laƥ a ñaam a den, soo kam pind ke diid a war a den. Neene a refkaa no fes ole fo o toog oxe, no nqeq onqe nen o nogoy oxe.

Yeremi 32:30

Yaam Ii-isra’el we fo Yuuyudaa we paaxeer doŋ a mbi’u na kid es no kaa xotitna no mberaandoong naa na cosaan den. Ii-isra’el we mbi’ee dara a refangeerna a mbuuxnoortaam jale den. Mi o Yaal oxe layun.

Heseki’el 9:6

Nogoy we, mbes ke, mboƥ ndoog ne, xa caaƈ axe fo rew we, mbaryo a den, saŋik a den, ndaa oxuu saqna o ñaas ole ba nu nduqin. Nqotityo no Mbind ne mi.» A mberta no goor we, maak weene ndeeƭna mbaambir Mbind Roog ne.

Heseki’el 33:11

Layi a den ee: Ne ta wooritna yee mexe ñoowaa, mi o Yaal oxe na refkaa boo faw layun: O soxodu xe a saŋkoox moƴaniraam, ke buguuma kañ refu yee ta supit a pesoorooƭ soo a muc. Nomtooxiidyo, kaam ee nu nqaƴ a ƭat a paaxeer ake nuun. Ndi xar taxu nu mbug o nqon, nuun mbind Isra’el?