Yeremi 44:7 - NQAARIIT NE ROOG

⁷ Ndiiki koy, keeke o Yaal oxe Roog fee Hupna fop, Roog fee Isra’el, a layu: Xar taxu nu mbi’aa a qoox nuun paaxeer ƭomu, suudtaa a ndeer xeet fee Yudaa goor fo rew, xa caaƈ fo bax, boo jegatee na nuun yoqatin leng?

Yeremi 44:7 Referans Kwoze

Habakuk 2:10

Ke fexeyoona gaci’andu mbind of. Ne saŋkoona qeet mayu, xoox of sax sax yaqo.

Yeremi 51:22

Wo mokandtum o koor fo o tew, o nogoy fo o njaaƈ, o fes fo o toog.

Heseki’el 33:11

Layi a den ee: Ne ta wooritna yee mexe ñoowaa, mi o Yaal oxe na refkaa boo faw layun: O soxodu xe a saŋkoox moƴaniraam, ke buguuma kañ refu yee ta supit a pesoorooƭ soo a muc. Nomtooxiidyo, kaam ee nu nqaƴ a ƭat a paaxeer ake nuun. Ndi xar taxu nu mbug o nqon, nuun mbind Isra’el?

A ƭomatax ake 2:11

A kid es kaa nqooɗat yaam xa lool, laaw ke mi a mbaƴaa kam es, o soylaar es a ɓaxooxaa a lanq, yaam o njakad onqe dalna xeet es, fo xa caaƈ axe fo bax ke na patooxaa no ped ke na teeru fee.

Yeremi 44:14

O leng no we yoqna na Yudaa too a laqooxiid mene, no saax le Misira, ɓostooxkee mbaat ta daɗ. O leng na den nomtooxkee no saax le Yudaa, da ndiilooxaa o ngenatinik, a refangee leng-leng waa na ƥostooxkaa.»

Yeremi 9:21

O Yaal oxe kaa tee: «Wo Yeremi, yegnitahini fa lay feeke: Xa tal axe no wiin we xan a luuñaa nen suqi faa picteena na xa qol axe, nen xa yaƥ axaa o saasaxad a xaƴna a cinj um, too o leng gisee a den.»

Yeremi 7:19

Kaa koy, mi o Yaal oxe kaam laamtaa: Ndax mi a mbuuxnooraa? A qoox den kañ a mbi’aa, too gaci den a qicaa.»

Xa peƭit axe 15:32

Oxe fa yar fee a haaleerna kaa xeefaa o ñoow um, oxe jaɓna soqel o mat a jegaa yiif.

Xa peƭit axe 5:22

Njofaƭar ne no soxodu xe kaa damnooran, a cengir ake no pakaad ke ten a naangin nuus.

1 Sami’el 15:3

Ndiiki koy, reti xaw Aa-amalek we, sak pexey ke da njegna fop. Yirimkiro a den, too fat o war goor we fo rew we, xa caaƈ axe fo xa qeq axe, qoox ke fo paal ke, keeleemb ke fo xa paam axe.› »

Haahate we 21:11

Keeke refu ke nu mbi’kaa: Fat nu mbar goor we fop fo rew we fop andna adna, ndaa fat nu nqaƴ xa caaƈ xa tew axe andafuleerna adna.» Naaga mat a mbi’toogun.

Yosuwe 6:21

A moocanda we na teeru faa fop, goor fo rew, maak fo xa caaƈ. A mbara sax qoox ke, paal ke, pambe ke fo xa paam axe.

A cangatin ale 32:25

No ped ke xan laƥ a ñaam a den, soo kam pind ke diid a war a den. Neene a refkaa no fes ole fo o toog oxe, no nqeq onqe nen o nogoy oxe.

Yeremi 44:8

A pi nuun kaa mbuuxnooraam! Kaa nu ndoxanaa cuuraay roog can ke no saax le Misira, me nu laqooxiidna, ndax nu mbañooxaa, ndef saloor fo niwaƭarel a ndeer qeet ke no lanq ke fop.

Yeremi 42:20

A qoox nuun nu naxaa, ye nu lulaxama maa no Yaal oxe Roog nuun, lay ee: ‹Xeɗooxani a in o Yaal oxe Roog in, too fop ke o Yaal oxe Roog in a laykaa, feeñleen a in, too xan i mbi’in.›

Yeremi 26:19

Ndax Hiskiya fee o maad Yudaa fo we Yudaa fop a mbarnoor’aan? Ndax Hiskiya saɗar’ee o Yaal oxe? Ndax ƴufginoox’ee o Yaal oxe? Maaga, o Yaal oxe a ricooxa paaxeer ke ta waajan’ina a den. In o mat, i mbug o ngadin a qoox in paaxeer magnitu neene!»

Yeremi 25:7

Kaa koy, nu nan-gilooxiraam, ndaa kaa nu mbuuxnoortaam nitaal roog ke nu njaloodna, ndax nu or taamaala took nuun. Mi o Yaal oxe layun.›

Xa peƭit axe 8:36

Kaa koy, oxe bugeeraxama ga, xoox um a loraa, we mbañaxama fop a ƈufanaa fa nqon.»

Xa peƭit axe 1:18

Kaa koy, a qoox den o mat a sipanaa pog, a ƭaapaa kaa na warkaa a den.

1 Sami’el 22:19

Kam Noob fee reeƭna teeru fee no saasadax weene koy, Sawul a warnoor’a goor we fo rew we fo xa teɓandoong axe fo xa qeq axe boo no qoox ke fo xa paam axe fo paal ke fo pambe ke sax.

Yeremi 3:24

No ke xotitna no ndeƥandoong in, a paɗax a sednooxu le Baal a ruudna ke daan in a onj’ina: cegel teɓ ke fo maak ke den, xa ƥiy xa koor axe fo xa tew axe den.

A ƭomatax ake 2:22

Xoyaa me mi fop we saɗarooguuma, ndax da mbumbaay. Na bes fee no fuux le wo, wo o Yaal oxe, jegee oxaa mucna mbaat oxaa ɓostooxna. We waadin’uuma soo yar a den, o pañ oxe mi a saŋka a den.

Yeremi 25:6

Ba nu ngiɓoor fo roog lakas, ndax nu mbaɗoox a den, ngungaa mbaambir den, too ba nu mbuuxnoortaam nitaal roog ke nu njaloodna, yaaga fi’kiim a nuun paaxeer.

Yeremi 38:17

Yeremi a laya a Sedekiya yee: «Keeke o Yaal oxe Roog fee Hupna fop, Roog fee Isra’el, a layu: ‹O sutooxangaa ɓoxotoox no kelfa kaa no maad oxe Babilon, xan o mucil o ñis of, too teeru fene raaɓkaand. Xan o ñoow, wo fo ƥasil of.

Heseki’el 9:6

Nogoy we, mbes ke, mboƥ ndoog ne, xa caaƈ axe fo rew we, mbaryo a den, saŋik a den, ndaa oxuu saqna o ñaas ole ba nu nduqin. Nqotityo no Mbind ne mi.» A mberta no goor we, maak weene ndeeƭna mbaambir Mbind Roog ne.