Yeremi 44:6 - NQAARIIT NE ROOG

⁶ Maaga, o say es fo fuux es a njuumooxa, a ndaaɓ teeru ke Yudaa fo ped ke Yeerusaleem. Teeru keene a ndefata juum kefatin, a mbes a pec, ne ta waageena o ga’it xaye.

Yeremi 44:6 Referans Kwoze

Yeremi 7:20

Ten taxu keeke o Yaal oxe na refkaa boo faw a layu: «Fuux es fo say es owe mbiltooxaa no mbiñ onqene, took no wiin we fo muumeen ke, took taxar ke na koƥ ale fo ke lanq ke a mbatna. Xan a kaƥaa too ñufkee.»

Heseki’el 8:18

Mi itam xam fesoor fo fuux, a ngid es yirimkee a den too wuuskiim a den. A mbalalooxangaa no nof es, nan-gilooxkiim a den.»

Yeremi 42:18

Yaam keeke o Yaal oxe Roog fee Isra’el Hupna fop a layu: ‹Ne fuux es fo o say es a njuumoorna took no we ngenna Yeerusaleem, neene a yenitkaa took nuun, nu ndetangaa Misira. Xan nu ndef saloor fo o njaq, qeefel fo cednooxu, too nu nga’katee saax lene muk.›

Yeremi 21:5

Mi fa xoox es, xam ñoxorit fa nuun o ɓay o daawu fo a naax a cegu doole, kam fuux, o say fo ngañak.

Yeremi 7:34

Xam ñuf kam teeru ke Yudaa fo no ped ke Yeerusaleem xa ƈeel axe fo xa soroxole xe, o ñuxur no kor-no-kulook oxe fo ole no kulook oxe, yaam saax le xan a raad.»

Esayi 51:20

Xa ƥeef owe ɗaraas, a luuñaa a lanq no ped ke nen naak-a-koƥ laa dameena no mbog, a sufoox fuux le no Yaal oxe fo o nqasan onqe Roog of.

Esayi 51:17

Yokooxi, wo Yeerusaleem, kaam ee yokooxi, too inoox, wo fee yeritna no ɓay no Yaal oxe o mbeeƭ onqe yipna fuux le ten. Yeraano boo ɓuus nqiim ke, naag nep way.

Esayi 6:11

Maaga, laamtaam ee: «O Yaal oxe, boo a mban neene?» A doonaxam ee: «Boo yaa teeru ke a ngefkeel tuƈ, a mbes a pec, pind ke a yoq o ƥor, soo xa saawit axe yee halit nen a koƥ-a-ƥor,

Nahum 1:2

O Yaal oxe kaa ref Roog fa naalu faa na rabdinooxaa. O Yaal oxe kaa rabdinooxaa, a fuux boo a buɓaa. Kaa rabdinooxaa took no fañ we ten, a fuuxanaa we mbinqqoorna fo ten.

Dañel 9:12

Fadnaa ke yegnit’oona took in fo took kelfa ke ƭoxoogna a in, ɓisiid a in taamaala fa maak kam Yeerusaleem, too fa nandu neene mosee jeg sen took lanq ke.

Heseki’el 24:13

Xoolaƭarandtaa a xoox of o njombe of. Kaam bug’ong o xooland, ndaa taxee o xool. Xoolandkataandee muk no nqoolaƭar ne wo, boo yaa fuux es a jegkaa ne ta bugna took of.

Heseki’el 24:8

Xaƴaam fo’oy um took ɓil le naagna faŋ, maa ta muuritkaandeena, ndax um bilit fuux es soo fadin ndabdinax es.

Heseki’el 20:33

Ne ta wooritna yee mexe ñoowaa, mi o Yaal oxe na refkaa boo faw layun, xam maadoox took nuun fo o ɓay o jegu doole fo a naax a cegu katil soo picit fuux es.

Heseki’el 6:12

Oxe na goƭkaa xan a xon na piste, oxe na matkaa a xon na xire, oxe na yoqkaa a widel o kurul-keƥ a xon no biim. Fuux le mi xan a jeg ne ta bugna took den.

Heseki’el 5:13

Fuux es xan a ret boo a fag tak. Xan fuux es a biltoox took den, um rabdinoox, too xan da and ee mi o Yaal oxe layu kam naal es, ret boo paang fuux es took den.

Yeremi 36:7

Xeƈa xan a tax da nqeɗoox o Yaal oxe, oxuu refna a fes a cinj a ƭat a paaxeer um, yaam fuux le fo say ole o Yaal oxe a regdinooxna xeet fene a magna.»

Yeremi 21:12

nuun mbind Dawid! «Nqes nuu nu ngate’aa, ngate’ityo o cofel, suqit oxe na toroxandeel na xa ƥay no ñaañagadil oxe, ndik fuux es a biltoox nen fiɗel, a doxaa too waagkaand o ñuf, yaam a pi a paaxeer ake nuun! Mi o Yaal oxe layun.

Yeremi 4:4

Nqucooxanyo o Yaal oxe, nqucoox na qeeñ nuun, nuun wiin we Yudaa fo nuun we ngenna Yeerusaleem, ndik fuux es a biltoox nen fiɗel, a doxaa too waagkaand o ñuf yaam a pi a paaxeer ake nuun.»

A paɗax ale 26:28

mi itam oo, xam siiknoor fa nuun kam fuux es, too xam xawrandahin boo a caf ɓetaa ƭaq a qaw ale no pakaad ke nuun.

A paɗax ale 26:31

Xam tas teeru ke nuun, luƈit xa paɗoorand axe nuun. Haaƭkatiim a qeeñaan ale no sadax ke nuun.

Esayi 1:7

Saax le nuun kaa naag halit, fiɗel le a raaɓ teeru ke nuun, soo wiin jan a nduudnaa saxade le nuun na kid nuun. Fop kaa fiit nen maa yaayaq a ƥeerna.

Yeremi 4:27

Keeke o Yaal oxe a layu: «Saax le fop xan a raad, ndaa koy gefkinum tuƈ.

Yeremi 7:17

Ndax kaa ga’iro ke da mbi’aa kam teeru ke Yudaa fo no ped ke Yeerusaleem?

Yeremi 34:22

mi o Yaal oxe, xam hebil a den da nomtooxaniid teeru fene, a songin, a njaɓin soo a ndoxin riw. Teeru ke Yudaa o mat, xam fi da ndefat a koƥ-a-ƥor maa o leng a genateerna.»

A ƭomatax ake 1:13

A heblitiida na asamaan fiɗel, ta rok boo kam xa kiiƈ es. A letna mbaal na caf es, a nomtaam a cinj. A ɓekaxam no woot, um gen no coono’aa ñaal oo ñaal.

Heseki’el 20:34

Xam sutit a nuun a ndeer qeet ke, fokatit a nuun na saax ake nu pasaroox’ina fo o ɓay o jegu doole fo a naax a cegu katil fo fuux le mi na biltooxkaa.

Sakari 1:2

«Mi o Yaal oxe fuuxan’aam daan nuun tigi.

Sakari 7:14

Pasaraam a den a ndeer qeet ke da and’eerna fop, da nqaƴ a cinj den saax laa wootatna, too o leng retoogatee a garaa teen. A mbi’a saax felu leene a koƥ-a-ƥor.»

Yeremi 8:3

Fa nqon na moƴkaa yee o ñoow no fop we na yoqkaa na xeet fa ngañaanu feene, no fo mbiñ fo mbogreer ne um pasarkaa a den fop.» O Yaal oxe Hupna fop layun.

Yeremi 44:22

O Yaal oxe waagatee o muñ kañaan ne na pi nuun fo cednooxu ke nu mbi’na. Ten taxu saax le nuun a fes a pec, a wootat, a saloorteel, too genataand, ne ta refitna xaye.

A ƭomatax ake 1:1

Xar oo kene? Yeerusaleem oxey a moofa koƭoŋ-a-koƭoŋin, teeru feene suxoogna fo wiin. Kaa nandtataa o ñaaw, ten fee moƴ’ina o magin a ndeer qeet ke. Ten fee reeƭna lingeer fee no maat ke, a dame mbaƭ.

A ƭomatax ake 5:18

ne o joong ole Siyoŋ a fesna a pec taxun, boo xa ƥox-a-koƥ axe a njoqooyooxataa teen.

Sakari 1:6

Ndax fa lay fee fo bargal ke coox’uuma duleer we dag es mbadnooxee took daan we nuun? A nomtooxiida me mi too a lay ee: ‹O Yaal oxe Hupna fop a fesoorta fa in ne ta hebooxit’uuna o fi, ta jagir fo a pesoorooƭ in fo a pi in.› »