Yeremi 44:5 - NQAARIIT NE ROOG

⁵ Kaa koy, nu nan-gilooxee, nu ndungee nof nuun, ndax nu mbaas paaxeer ke nuun, mbañ o ndoxan cuuraay roog can ke.

Yeremi 44:5 Referans Kwoze

Yeremi 19:13

Pind ke Yeerusaleem fo ke no maad we Yudaa xan a nqoolaƭar nen a Tofet, pind ke fop andoona yee xa qoor axe na asamaan a ƥoxotane cuuraay na xa tung-took axe den, soo roog lakas ke a njuuranel teen biiñ nen sadax.»

Yeremi 11:10

A nomtooxa no tooñ ke no daan feraand we den mbañ’ina o nan-giloox fa lay es. Kaa ngiɓoor fo roog lakas, ndax da mbaɗoox a den. Wiin we Isra’el fo we Yudaa a ƭega ngiɓoor ne mi dalin’uuma fo daan den.»

Yeremi 11:8

Kaa koy, nan-gilooxee, ndungee nof den. Kaa nqox no saƭik xoox o faaxeer ole den. Maaga, fadnaam took den a maƭax es fop, yaam ndeefee bargal ke no ngiɓoor neene hebil’uuma a den.»

Yeremi 7:24

Kaa koy, nan-gilooxee, ndungee nof den, ndaa kaa ndeefaa a qalaat a qoox den soo a nqox no saƭik xoox o faaxeer ole den. Ƭeetiraam, ndaa kaa mbesaam ndiiñ.

Esayi 48:18

Ey, o nan-gilooxangaa a paax ke hebloonga, yaaga jam of a ref nen o xuluɓ, o cofel of a ref nen a yag-ee-yag ake no maag ole,

Esayi 48:4

Ne and’uuma yee xeet fa nanaƭaru nu ndefu faa na siiknooreel soo a saƭik a qoox,

2 Caloori ke 36:16

Kaa koy, Ii-isra’el we kaa nqaadnooxoogu duleer we Roog, a nqeefaa fa lay um, a njalaa a den boo neen fuux ɗomu le no Yaal oxe a biltooxanu xeet um too mbaag’atiran o ndaɗ.

Yeremi 13:10

Xeet fa soxodu feene kaa mbañ o nan-giloox fa lay es. Kaa nqox no saƭik xoox ole den, a ngiɓoor fo roog lakas, ndax da mbaɗoox a den soo a ngungaa mbaambir den. Xan a nand nen o kumnoor olene jiriiñateerna tus.

Yeremi 43:4

Neene, Yohanan fee o ƥiy Kare’a, aa-adax lakas we no xiixire we fa xeet fee fop nananee ke o Yaal oxe hebil’ina a den da ngen no saax le Yudaa fop oo.

Dañel 9:6

I nan-gilooxee duleer we dag of layanoogoonga fo maad we in fo kelfa ke in fo daan we in fa xeet fa muum fee no saax le.

Nehemi 9:30

Muñanaa a den boo xa kiid xa mayu, maƭoorit a den Yiif of, na pexey duleer of, ndaa nan-gilooxee. Maaga, ɓoxotaa a den na xa ƥay no qeet can ke.

Yeremi 11:13

Yaam wo Yudaa, jegaa roog kaa mayitna nen teeru ke wo. Wo Yeerusaleem, xa sadaxand gaci xe sipoona kaa mayit nen ped ke wo, xa sadaxand axaa Baal a doxanteel cuuraay.

Yeremi 11:17

O Yaal oxe Hupna fop jimb’oonga, a fosooxanaang taamaala yaam paaxeer ke wiin we Isra’el fo we Yudaa a mbi’na a qoox den. A mbuuxnooraan, ye da ndoxanna a Baal cuuraay.

Hoose 11:2

Kaa koy, lakas a nqoyaan, ta fesaam ndiiñ, a ɓoxotaa a Baaliin sadax, a doxanaa nitaal roog ke cuuraay.