Yeremi 44:4 - NQAARIIT NE ROOG

⁴ Kaam gen no luliidaa a nuun duleer we dag es ñaal oo ñaal, ndax da lay a nuun ee: ‹Mbaasyo a pi a cednooxu leene sibuuma!›

Yeremi 44:4 Referans Kwoze

Yeremi 26:5

nan-giloox fa lay no duleer we dag es um lultiidaa a nuun roog fuu feedna, too nu nan-gilooxee a den.

Yeremi 7:25

No kaa xotitna no ñaal naa daan nuun a sutoorna no saax laa Misira, a gar fa xaye, kaam lultiidoogu a nuun duleer we dag es, roog fuu feedna um luliid a den.

Yeremi 7:13

Ndiiki koy, mi o Yaal oxe, mexe layaa a nuun ee nu mbi’a a pi akeene fop. Roog fuu feedna um lay fa nuun, too nu nan-gilooxee, um xoy a nuun boo naag cat, too nu njaaɓee.

Sakari 7:7

Ndax keene refee fa lay fee o Yaal oxe a layna a reefandin no duleer we yaaga, ye Yeerusaleem a geneena too a ref no yaadax, ten fo teeru ke mbiduuna, soo o jegel ole no ɓemb-roog o ñamaak fo ole na yulanq ake a ngenel itam?

Heseki’el 16:47

Ñaaƴiro na ƭat den day teen, fi cednooxu leng kut ke da mbi’na, kaa o xeef’u kaaga, moƴ o yaqoox a den na ƭat ake wo fop.

Heseki’el 8:10

Rokaam, ɗeet too ga’aam nitaal xa qos ƥood axuu ndefna fo muumeen tiimbel kuu ndefna. Nitaal roog keene no mbind Isra’el fop kaa samandaalel took tabax ke, me widuuna fop.

Yeremi 29:19

yaam nan-gilooxee fa lay es, den we um lultiidaa roog fuu feedna duleer we dag es. Nuun o mat oo, nu nan-gilooxee a den. Mi o Yaal oxe layun.›

Yeremi 16:18

Xam eet o rabid a den boo a caf a ƭak tooñ den fo pakaad den, yaam kaa maasandit saax le mi nitaal cakalaaru qonu ke den soo a mayƭandit mbaaxaan ne mi roog tefee ndigil cednooxu ke den.»

2 Caloori ke 36:15

O Yaal oxe Roog fee no daan den a maƭoox’a a den teelu, a reefandin no duleer we ten, yaam a bug’u o yirim xeet um fo Ngenand ne ten.

1 Piyeer 4:3

Nu miña o ñoowtaa ne gimaƭaru we a mbugtuuna. Yaaga, kaa nu ñaaƴoogu kam caasaay ne fo a yuxum ake, yeraa a yer a maamu, ñaamaa kupu, ndetaa na xa yerand axe fo na xa cuurand pangool axe.

Heseki’el 16:36

Keeke o Yaal oxe na refkaa boo faw a layu: Feek huytaa a xoox of, cer ƥor of a nga’el ye o jaga’aa fo xa pes of fo pangool cednooxu ke wo fop, doon teen ɓax fo’oy le na xa ƥiy xa koor axe wo ɓoxotoona a den,

Yeremi 35:17

Ten taxu, keeke layum, mi o Yaal oxe Roog fee Hupna fop, Roog fee Isra’el: Xam hebliid took xeet fee Yudaa fo took we ngenna Yeerusaleem fop taamaala fee regdinooxuuma a den fop, yaam kaam lay fa den, too nan-gilooxiraam, um xoy a den, da mbañaam o njaaɓ.»

Yeremi 32:33

Kaa mbesaam ndiiñ, a mbañ o ƭeetaam. Ke aqatinuuma a den roog fuu feedna fop oo, nan-gilooxee, ndax da njaɓ a maƭax es.

Yeremi 32:34

A ƥeka nitaal roog cakalaaru ke den kam Mbind ne kesaneema, ndax da nqoolaƭarandin.

Yeremi 32:35

A maxana a Baal a ñaang a sadaxand na yulanq alaa Ben-Hinom, ndax da ndoxan a Molok xa ƥiy xa koor axe fo xa tew axe den. Hebliim a den keene too mosinum o xalaat sax. Ye da mbi’na cednooxu nandu neene, a mbakaadnoora xeet fee Yudaa.

Yeremi 35:15

Lultiidaam a nuun duleer we dag es fop, roog fuu feedna um luliid a den, ndax da lay a nuun ee: ‹Mbesyo a cinj a ƭat a paaxeer ale nuun, supit a pesoorooƭ nuun too ba nu ndeef roog lakas ke, ndax nu mbaɗoox a den.› Yaaga, xan nu ngen no saax le ci’uuma a nuun, nuun fo daan nuun. Kaa koy, nu ndungee nof nuun, nu nan-gilooxiraam.

Dañel 9:6

I nan-gilooxee duleer we dag of layanoogoonga fo maad we in fo kelfa ke in fo daan we in fa xeet fa muum fee no saax le.

Nehemi 9:30

Muñanaa a den boo xa kiid xa mayu, maƭoorit a den Yiif of, na pexey duleer of, ndaa nan-gilooxee. Maaga, ɓoxotaa a den na xa ƥay no qeet can ke.

Nehemi 9:34

Maad in fo kelfa in, saasadax in fo daan in ndeefee a cangin of too nan-gilooxee kebil of fo a maƭax ake maƭooxoogoona a den.

Yeremi 7:17

Ndax kaa ga’iro ke da mbi’aa kam teeru ke Yudaa fo no ped ke Yeerusaleem?

Yeremi 7:18

Xa teɓandoong axe kaa ndaxanaa, paap ke a ngeƥandaa fiɗel le, soo rew we a nqiiwaa, ndax da mbi’an a Lingeer fee na asamaan xa kaf. Kaa njuuranaa roog can ke biiñ, ndax da mbuuxnooraam.

Heseki’el 18:31

Mbaasyo a pi a paaxeer ake nuun, supit a qeeñ ake nuun fo a yiif ake nuun. Nuun mbind Isra’el, xar taxu nu mbug o nqon?