Yeremi 44:26 - NQAARIIT NE ROOG

²⁶ Ten taxu nuun Yuuyudaa we ngenna no saax le Misira, nan-gilooxyo ke um layaa, mi o Yaal oxe: Mexe daaɓoortan gon maak le mi yee kam saax le Misira fop o leng ƴufginoorkatee gon es, ndax ta daaɓoox ee: ‹Ne ta wooritna yee o Yaal oxe na refkaa boo faw oxe ñoowaa.›

Yeremi 44:26 Referans Kwoze

Hebre 6:13

Ye Roog a cooxaa a Abraham a tegit ale, a yoonandit’aan a taaƥ. Ne ta jeg’eerna o lakas oxaa hupuuna, too ta war’un o daaɓoox, a daaɓoorta a xoox um.

Heseki’el 20:39

Nuun mbind Isra’el o mat, keeke o Yaal oxe na refkaa boo faw a layu: Ndetyo, fat oxuu refna a faɗook pangool um! Kaa koy, xan nu nga’in too cinj kaaga xan nu nan-gilooxaam. Neene, nu maasanditkatee gon tedu le mi ci’it ke nuun fo pangool ke nuun.

A kim a tedu ke 50:16

O soxodu xe koy, Roog kaa layan ee: «Xar a ɗaxu o dupataa dupat kebil es soo laytaa ngiɓoor es,

Mberaand 22:16

a layin ee: «Mi o Yaal oxe, mexe daaɓoortan a xoox es ee: Feek fi’aa keene too xañiraamo o ƥiy o leng kut onqe jegoona,

Amos 6:8

Mi o Yaal oxe na refkaa boo faw, ref Roog fee Hupna fop, mexe daaɓoortaa a xoox es ee: «A magnandax ale Yakoob a feƭaraxam lool, too bugiim o doon a ngid pind ke saŋe a yetooxaa o mosel den. Ten taxu xam fi wiin jan a ngar, a njaɓ saax le fo ke refna teen fop.

Yeremi 5:2

A ndaaɓooxangaa yee: «Mexe gaañtan o Yaal oxe na ñoowaa!» a taaƥax den xa maaƥ xa ƥor oo.

Yeremi 4:2

daaɓoortaa o Yaal oxe na ñoowaa fo ndigil fo a ƭat fo o cofel, maaga qeet lakas ke sax na wo a mbarke’itkeel soo a mbakoortaxam.»

Hebre 6:18

A jega boog a pi a ƭak akaa mbaagaandeena o supit, too na pi akeene Roog waagee o maaɓ teen muk. Neene, in we njegna ndaɗand no ten, kaa i saƭakineel tigi, ndax i pok ta xiis yaakaar ne i ndegeena.

Hebre 3:18

Aniin Roog a ne’oogu ye ta daaɓooxna yee: «Ndokkee muk me da ñootnooritkoogna fa mi!» Ndax kaa ndefee we mbañ’uuna o nanan?

Amos 8:7

Ten taxu o Yaal oxe a daaɓoorit a xoox um ee: «Weeckiim a leng na pi ake den.

Amos 6:10

Yaa o kiin a ɓiskaa o dal no pog um, a gasin, xan a gat, a laamit ee: ‹Nam koy?› O kiin a doonin ee: ‹Naagi meek waay! Mbind ne fop a mbadatinooxa. Yoqatee meeke oxaa na ne’aa gon le no Yaal oxe.›

Yeremi 46:18

Ne ta wooritna yee mexe ñoowaa, mi o Maad oxe, gon es a refna o Yaal oxe Hupna fop, kaam ee: o pañ oxe xan a gar, ne ta wooritna yee Taboor o joong oo, ne o joong ole Karmel a gartitna o maag ole took.

Yeremi 22:5

Kaa koy, nu nan-gilooxangee fa lay feene, mexe daaɓoortan a xoox es o mat ee xan mbind nene a fes a pec.» O Yaal oxe layun.

Yeremi 7:9

Mee ndax kaa nu nguuɗaa, mbaraa, seeqaa, ndaaɓooxaa na xa maaƥ, ndoxanaa a Baal cuuraay, ngiɓoor fo roog can kaa nu andeerna ñaal o yeng a jalan.

Esayi 62:8

O Yaal oxe a daaɓoorta a ñamaak um fa sañ-sañ um fop ee: «Xaƴkatiim muk fañ we wo a ñaam ngaaf of ne xooxoona mbaat wiin inooru na saax a can a yer biiñ fa nqas fee ɓaxoona doole of.

A kim a tedu ke 89:34

Kaa koy, suqitkiim no ten o mbeq es too hodkiim ngor es.

A lim ale 14:28

Layi a den ee: Ne ta wooritna yee mexe ñoowaa, mi o Yaal oxe, xam doon a nuun ke nantuuma na nuun.

Yeremi 24:8

Ne xa tun xa paaxeer axe mbaaxaƭarna mbaaxaƭar, boo mbaagataand o ñaam a mbi’eel, neene um fi’kaa a Sedekiya fee o maad Yudaa, kelfa ke ten fo yoqatin we Yeerusaleem, we yoqna no saax lene fo we ngenna no saax laa Misira. Mi o Yaal oxe layun.

Yeremi 44:24

Yeremi a layahina xeet fee fop, moƴtaa sax rew we fop ee: «Nuun Yuuyudaa we fop ndefna no saax le Misira, nan-gilooxyo fa lay fee no Yaal oxe!

Yeremi 49:13

Mi o Yaal oxe mexe daaɓoortan a xoox es ee Bosra, teeru fa maak fee wo, xan a wootat, a niwaƭarel, a fes a pec, a saloorteel. Teeru ke ta waxooxna fop itam, xan a mbes a pec boo faw.»

Hoose 4:15

Wo Isra’el, o jimbooxangaa no njaga, baa Yudaa a xawnoor a xoox um, yaa ta fi’na leng kut ke. Ba nu ndet Gilgal, kaam ee ba nu ndet boo Bet-Awen, ndaaɓoorit maaga yee: «Ne ta wooritna yee o Yaal oxe xe ñoowaa!»

Yeremi 44:11

Ten taxu keeke o Yaal oxe Roog fee Isra’el Hupna fop a layu: Nga’angyo, hebooxaam o fi a nuun paaxeer, saŋik xeet fee Yudaa fop.

Yeremi 44:14

O leng no we yoqna na Yudaa too a laqooxiid mene, no saax le Misira, ɓostooxkee mbaat ta daɗ. O leng na den nomtooxkee no saax le Yudaa, da ndiilooxaa o ngenatinik, a refangee leng-leng waa na ƥostooxkaa.»

Yeremi 51:14

O Yaal oxe Hupna fop a daaɓoortaan a xoox um ee: «Xam mayƭandong fo fañ nen tooroog, too xan a njibin took of xa ƈeel o ndam.»