Yeremi 44:23 - NQAARIIT NE ROOG

²³ Yaam ne nu ndoxanna roog can cuuraay, mbakaad no Yaal oxe, yaam ne nu nan-gilooxeerna o ñuxur no Yaal oxe too nu ndeefee kebil um, bargal um fo a cangin um, taxu taamaala feeke a dal a nuun, ne ta refitna xaye.»

Yeremi 44:23 Referans Kwoze

1 Maad we 9:9

Xan a ndoonel ee: ‹Ke taxuuna refu yee Ii-isra’el we kaa mbaas o Yaal oxe Roog den, sutitna daan den no saax laa Misira, soo a ndamoox no roog lakas, a ngungaa mbaambir den, a mbaɗooxaa a den. Ten taxu o Yaal oxe a ɓisiid took den taamaala feene fop.› »

A kim a tedu ke 119:150

Ñaañagadil soxodu owe matiidaa, a ngoƭatir fo a cangin of.

Nehemi 13:18

Ndax daan nuun mbesoor’ee neene? Ten taxu Roog in a doon a in fa teeru feene taamaala fene fop. Nuun koy, kaa nu ƥaataa fuux le Roog no Ii-isra’el we, yaa nu maasandaa bes fee na ñootnax ale.»

2 Korint 6:16

Ndi nam ngenand ne Roog a waagu o yoonit fo pangool ke? Yaam in o mat ndefu ngenand Roog fa ñoow jok fee, ne Roog fa xoox um a laytuuna: «Xam gen fa den, i ñaaƴandoor. Mi na refkaa Roog den, da ndef xeet es.»

1 Korint 10:20

Ha’aa! Kuu sadaxeena pangool ke, cini ke a juurane, fi’anaand a Roog, too bugiim nu mbokatoor fo cini ke.

A ƭomatax ake 1:8

Yeerusaleem a bakaada ƭomu. Ten taxu ta refat sibdel. Fop we niw’uuna a nqeefataan, yaam ne da nga’na cer um ƥor. Ten fa xoox um kaa iinaa soo a xuun.

Yeremi 44:21

«Cuuraay fee nu ndoxna kam teeru ke Yudaa fo no ped ke Yeerusaleem, nuun fo daan nuun, maad nuun, kelfa nuun fa xeet fee fop, ndax o Yaal oxe wetandooxiran, ndax damiran no xeeñ um?

Yeremi 44:18

Kaa koy, naa i mbaasu o ndoxanaa a Lingeer fee na asamaan cuuraay soo mbañat o njuuranin, i ñaka fop, soo laƥ fo biim a ñaam a in.»

Yeremi 44:8

A pi nuun kaa mbuuxnooraam! Kaa nu ndoxanaa cuuraay roog can ke no saax le Misira, me nu laqooxiidna, ndax nu mbañooxaa, ndef saloor fo niwaƭarel a ndeer qeet ke no lanq ke fop.

Yeremi 40:3

Ndiiki koy, o Yaal oxe a hebliida, a fadin ke ta yegnit’ina. Ne nu tooñna o Yaal oxe too nu nan-gilooxee o ñuxur um, taxu keene a dal a nuun.

A kim a tedu ke 119:155

A muc ale xalamee mat soxodu we, yaam naaɓee ke dalnoona.

A kim a tedu ke 78:56

Kaa koy, a ƭeetlooxa a Roog fee Took-ee-took, a siiknoor fo ten soo a mbañ o ngay bargal um.

2 Caloori ke 36:16

Kaa koy, Ii-isra’el we kaa nqaadnooxoogu duleer we Roog, a nqeefaa fa lay um, a njalaa a den boo neen fuux ɗomu le no Yaal oxe a biltooxanu xeet um too mbaag’atiran o ndaɗ.

A kim a tedu ke 78:10

Ngay’ee ngiɓoor ne Roog soo a mbañ o ndeef kebil um.

A kim a tedu ke 119:136

A kid es kaa nqaaraa fo xa kooniit, yaam ne a cangin of a reefaandeena.

Yeremi 26:4

Xan o lay a den boog ee: ‹Keeke o Yaal oxe a layu: Nan-gilooxaamoo, ndax nu ndeef kebil ke cooxuuma a nuun,

Yeremi 44:2

«Keeke o Yaal oxe Roog fee Isra’el Hupna fop a layu: Nu nga’a taamaala fee fop ɓisiiduuma took Yeerusaleem fo took teeru ke Yudaa fop. Den oo weene a mbesa a pec xaye, too o leng genatee teen.

Yeremi 44:3

Keene a xewa, yaam we ngen’ina teen a mbi paaxeer, ndax da mbuuxnooraam. A ndoxana roog can ke cuuraay soo a mbaɗoox a den, ke da and’eerna a den fop oo, ta ref den mbaat nuun mbaat daan nuun.

Yeremi 44:10

Boo xaye nu ndicooxee, nu saɗariraam, nu ndeefee kebil es fo bargal es ke cooxuuma a nuun, nuun fo daan nuun.

2 Maad we 17:15

Kaa ndeɓ bargal ke no Yaal oxe fo ngiɓoor ne ta dalin’ina fo daan we den fo a maƭax ake ta maƭoox’ina a den, a ndeefaa xa koɓong boo a ndefat xa koɓong. Kaa ngiɓoor’u fo qeet ke mbid’ina a den, ke o Yaal oxe a xañit’ina a den da laal a den fop oo.

Dañel 9:13

Ne keene a bindteena no kebil ke Moyiis, taamaala keene fop a ndala a in, ndaa taxee i njeem o mandaxin xeeñ of, wo o Yaal oxe Roog in, mbañatong o tooñ soo ndeef o bug of.