Yeremi 44:22 - NQAARIIT NE ROOG

²² O Yaal oxe waagatee o muñ kañaan ne na pi nuun fo cednooxu ke nu mbi’na. Ten taxu saax le nuun a fes a pec, a wootat, a saloorteel, too genataand, ne ta refitna xaye.

Yeremi 44:22 Referans Kwoze

Yeremi 25:18

Yernaanum a Yeerusaleem fo teeru ke Yudaa, maad we ten fo kelfa ke ten, ndax teeru keene a mbes a pec, a tas, a ndefat buuƴel fo saloor, nen a xaye sax.

Malaki 2:17

Kaa nu nqijlaa o Yaal oxe na xa ƭelem nuun soo laamtaa yee: «Na xar i nqijlan?» Ten refu, yaa nu layaa yee: «We na mbi’aa paaxeer a mbaaxa na kid no Yaal oxe, too kaa fartaa a den.» mbaat nu ndamtin ee: «Taa Roog fee no cofel ole?»

Yeremi 44:12

Xam dam we yoqna na Yudaa mbosooxna o ndet no saax laa Misira, ndax da laqook maaga. Misira a saŋkoorkaa den fop. Xan laƥ mbaat biim a ñaam a den, a xotit no xe moƴna o neew boo no xe moƴna o maak. Kaam ee, xan laƥ mbaat biim a war a den, da ndef saloor, o njaq, qeefel fo cednooxu.

Yeremi 25:38

A waasa ngenand um, ne o njogoy o njanglax a waastaa nqanq um, yaam saax le den a raadnite fuux le no yaayaq oxe fo fuux ɗomu le ten.

Yeremi 25:11

Saax lene fop xan a fes a pec, a tas, too qeet kene xan a ndagoox o maad oxe Babilon boo xa kiid qarɓeen ɓetuu ƭik.

Yeremi 18:16

Neene, a ƥeka saax le den no tas fo no calat boo kili. Fop we na ƥeeraa teen a njaaxɗa, a mbulaa a qoox.

Esayi 43:24

Jikaniraamo qeeñe-xeeñe seeru, too giñnoortiraamo neebam fee no sadax cegel ke wo, ndaa kaa o ñaatlandtaam pakaad of, xijlandtaam tooñ of.

Esayi 7:13

Maaga, Esayi a layaan ee: «Nuun mbind Dawid, nan-gilooxyo boog. Ndax ke nu mboosɗandaa wiin we deyee dey a nuun boo nu mbug o mboosɗandahin a Roog es?

O leetar ole Pool a bindna GIMU WE NGENNA ROM 9:22

Yaaga boog, Roog kaa bug’u o lalit fuux um, soo a andnoor katil um. Yaqanee toox de, Roog a roxondoox’u fo o muñ o maak nqaw mbarƴu ne refna wiin we njag’ina fo fuux um, too dara hel’atee a den a refangeerna a saŋkax ale.

Amos 2:13

Ten taxu xam duguñ a nuun boo nu mok rip nen oxaa a sareet alaa sufna boo a qiicaa, a dakna.

Dañel 9:12

Fadnaa ke yegnit’oona took in fo took kelfa ke ƭoxoogna a in, ɓisiid a in taamaala fa maak kam Yeerusaleem, too fa nandu neene mosee jeg sen took lanq ke.

Heseki’el 5:13

Fuux es xan a ret boo a fag tak. Xan fuux es a biltoox took den, um rabdinoox, too xan da and ee mi o Yaal oxe layu kam naal es, ret boo paang fuux es took den.

Yeremi 44:6

Maaga, o say es fo fuux es a njuumooxa, a ndaaɓ teeru ke Yudaa fo ped ke Yeerusaleem. Teeru keene a ndefata juum kefatin, a mbes a pec, ne ta waageena o ga’it xaye.

Yeremi 44:2

«Keeke o Yaal oxe Roog fee Isra’el Hupna fop a layu: Nu nga’a taamaala fee fop ɓisiiduuma took Yeerusaleem fo took teeru ke Yudaa fop. Den oo weene a mbesa a pec xaye, too o leng genatee teen.

Yeremi 29:19

yaam nan-gilooxee fa lay es, den we um lultiidaa roog fuu feedna duleer we dag es. Nuun o mat oo, nu nan-gilooxee a den. Mi o Yaal oxe layun.›

Yeremi 26:6

Nu nan-gilooxatangiraam koy, xam fi Mbind neeke ne fi’uuma a Silo soo fi teeru fene a ref saloor no qeet ke na adna fee fop.› »

Yeremi 24:9

Neene, maat ke na adna fee fop xan a ndiid, a njaq, yaa da nga’na a den. Xan a ndef benir fo naxoor, calat fo saloor no fo mbiñ ne um pasarkaa a den fop.

Yeremi 15:6

Waasaxamo, fesaam a cinj. Mi yoo yoɗanaaxoong o ɓay es, yaqong pic. Deyƭooxaam sik na ticax.

Esayi 1:24

Ten taxu o Yaal oxe na refkaa boo faw Hupna fop, a ref o Cegu doole xe Isra’el, kaa tee: «Xan fuux es a jeg ne ta bugna no noon we mi, too xam rabdinoox no fañ we mi.

Mberaand 19:13

yaam xan i yaq teeru fene. Paaxeer ke no we ngenna teen a magna lool mbaambir no Yaal oxe. Ten taxu o Yaal oxe a luliid a in, ndax i yaqin pic.»

Mberaand 6:3

Maaga, o Yaal oxe a laya yee: «Yiif es genkee no xoxtaa o kiin kujumaani cay, yaam o kiin njer rek a refu. Ndiiki hapanaanum xa kiid teemeed fo xa kiid qarɓeen ƭik.»

Yeremi 4:4

Nqucooxanyo o Yaal oxe, nqucoox na qeeñ nuun, nuun wiin we Yudaa fo nuun we ngenna Yeerusaleem, ndik fuux es a biltoox nen fiɗel, a doxaa too waagkaand o ñuf yaam a pi a paaxeer ake nuun.»

Yeremi 21:12

nuun mbind Dawid! «Nqes nuu nu ngate’aa, ngate’ityo o cofel, suqit oxe na toroxandeel na xa ƥay no ñaañagadil oxe, ndik fuux es a biltoox nen fiɗel, a doxaa too waagkaand o ñuf, yaam a pi a paaxeer ake nuun! Mi o Yaal oxe layun.

Yeremi 23:2

Ten taxu keeke o Yaal oxe Roog fee Isra’el a layu no gaynaak we na ngayaa xeet es: «Kaa nu pasar paal ke mi, ndax a den too nu topatooxee a den. Mi koy, xam ɓek a nuun o ɓay yaam a pi a paaxeer ake nuun. Mi o Yaal oxe layun.

Yeremi 29:18

Xam daabit a den xire, biim fa piste. Neene, maat ke na adna fee fop xan a ndiid, a njaq, yaa da nga’na a den. Xan a ndef saloor, o njaq, o ndiidlataand fo cednooxu a ndeer qeet ke fop pasar’uuma a den,

Yeremi 30:14

Fop we mbesanoogoonga a mbeecaang, mbaaƭatirang muk, yaam xawtaaxoong nen o pañ, fadong ƭomu yaam tooñ mayu ke wo fo pakaad magnu ke wo.

Yeremi 34:22

mi o Yaal oxe, xam hebil a den da nomtooxaniid teeru fene, a songin, a njaɓin soo a ndoxin riw. Teeru ke Yudaa o mat, xam fi da ndefat a koƥ-a-ƥor maa o leng a genateerna.»

Yeremi 42:18

Yaam keeke o Yaal oxe Roog fee Isra’el Hupna fop a layu: ‹Ne fuux es fo o say es a njuumoorna took no we ngenna Yeerusaleem, neene a yenitkaa took nuun, nu ndetangaa Misira. Xan nu ndef saloor fo o njaq, qeefel fo cednooxu, too nu nga’katee saax lene muk.›

Yeremi 48:9

Njagandanafulyo a Mowaab a mboy, yaam a woora yee xan a gefel. Teeru ke ten xan a mbootat, jegkatee waa ngenna a den.»

Heseki’el 39:23

«Qeet lakas ke xan a and ee mbind Isra’el kaa ƥisel gilaa saax took o hup doole, yaam tooñ den fo ngore’aƭar den na mi. Ɗasnaam a den itam mukit es soo ɓoxot a den na xa ƥay no fañ den, ndax laƥ a ñaam a den.

2 Maad we 17:15

Kaa ndeɓ bargal ke no Yaal oxe fo ngiɓoor ne ta dalin’ina fo daan we den fo a maƭax ake ta maƭoox’ina a den, a ndeefaa xa koɓong boo a ndefat xa koɓong. Kaa ngiɓoor’u fo qeet ke mbid’ina a den, ke o Yaal oxe a xañit’ina a den da laal a den fop oo.

Yeremi 5:9

Ndax xawkiim wiin weene soo rabdinoox took xeet fa nandu neene? Mi o Yaal oxe layun.

Dañel 9:11

Ii-isra’el we fop ne da mbodeena a ƭapa kebil of, a nduux a koƥ, a mbañ o nan-giloox o ñuxur of. Kaa i tooñong boo a tax a salax ake mbindeena no kebil ke Moyiis fee o tag of a yen took in.