Yeremi 44:21 - NQAARIIT NE ROOG

²¹ «Cuuraay fee nu ndoxna kam teeru ke Yudaa fo no ped ke Yeerusaleem, nuun fo daan nuun, maad nuun, kelfa nuun fa xeet fee fop, ndax o Yaal oxe wetandooxiran, ndax damiran no xeeñ um?

Yeremi 44:21 Referans Kwoze

Yeremi 44:17

Ndaa kañ, kaa i mbug o mbadin ke i ndegitna: Xan i ndoxan a Astarte, Lingeer fee na asamaan, cuuraay soo njuuranin, ne i mbi’tuuna, in fo daan in, maad in fo kelfa in, kam teeru ke Yudaa fo no ped ke Yeerusaleem. Maaga, i njeg’a ñaamel boo ta dey, ƭaay boo wee xa kene too i and’ee taamaala.

Yeremi 44:9

Ndax kaa nu mbeecit a pi a paaxeer ake no daan nuun, ake no maad we Yudaa fo ake no rew den, ake na nuun fa qoox nuun fo ake no rew nuun mbi’eena no saax le Yudaa fo no ped ke Yeerusaleem?

Yeremi 14:10

Keeke o Yaal oxe a layu no kaa jofna na xeet feene: «Ii, a coqooyax felu a den, da ƥodax o jaf. Kaa koy, yooniim no keene, mi o Yaal oxe. Wetandooxaam ndiiki tooñ den, too kaam xawaa pakaad den.»

Yeremi 11:13

Yaam wo Yudaa, jegaa roog kaa mayitna nen teeru ke wo. Wo Yeerusaleem, xa sadaxand gaci xe sipoona kaa mayit nen ped ke wo, xa sadaxand axaa Baal a doxanteel cuuraay.

Esayi 64:9

Teeru tedu ke wo kaa mbootat lool, Siyoŋ a nandtaa a koƥ-a-ƥor, Yeerusaleem o mbiñ o nduudne.

A kim a tedu ke 79:8

Ba o damit a in tooñ ke in yaaga, ndaa yirmi a in no ñofu, yaam kaa i mbagiɗ tak.

Amos 8:7

Ten taxu o Yaal oxe a daaɓoorit a xoox um ee: «Weeckiim a leng na pi ake den.

Hoose 7:2

Layee taa kam den ee wetandooxaam kañaan den. Ndiiki koy, a pi den kaa mbid a den, a ndef mbaambir es.

Mbeeñil 18:5

yaam pakaad um. Pakaad um keene koy, a ndondrandoora boo na asamaan, too Roog weecee a pi a paaxeer ake ten.

Mbeeñil 16:19

Babilon, refna teeru fa maak faa a xaajooxa a qaaj a tadak, teeru ke na saax ake a yen. Neene Roog a dalfooxu o wetandoorit a Babilon fa maak fee, ndax ta yernin o mbeeƭ biiñ onqe yipna fuux sumu le ten.

Heseki’el 16:24

Maxanaa a xoox of mbind njaga’ir, fi’ood taalaand no paayo ke fop.

1 Maad we 17:18

O yaal mbind o tew oxaa a ñofa o laamit a Eliya yee: «Xar i ndeeru, wo o kiin Roog oxe? Kaa o xalatooxiidaam ndax o wetand a Roog tooñ es boo a tax o ƥees a xon neeke?»

1 Sami’el 15:3

Ndiiki koy, reti xaw Aa-amalek we, sak pexey ke da njegna fop. Yirimkiro a den, too fat o war goor we fo rew we, xa caaƈ axe fo xa qeq axe, qoox ke fo paal ke, keeleemb ke fo xa paam axe.› »

A cangatin ale 32:19

Ye o Yaal oxe a ga’uuna, a fuuxa soo a deɓ xa ƥiy xa koor axe fo xa tew axe ten.

A cangatin ale 32:34

Ndax keene ɗasee me mi, a wegel no geekand es?

Yeremi 32:32

yaam paaxeer ke Ii-isra’el we fo Yuuyudaa we a mbi’na fop, ndax da paang kam es, den fo maad den, kelfa den, saasadax den, duleer den, goor we Yudaa fo we ngenna Yeerusaleem.

Yeremi 44:20

Maaga, Yeremi a laya xeet fee fop, goor fo rew, fop we ndoonit’uuna neene yee: