Yeremi 44:2 - NQAARIIT NE ROOG

² «Keeke o Yaal oxe Roog fee Isra’el Hupna fop a layu: Nu nga’a taamaala fee fop ɓisiiduuma took Yeerusaleem fo took teeru ke Yudaa fop. Den oo weene a mbesa a pec xaye, too o leng genatee teen.

Yeremi 44:2 Referans Kwoze

Yeremi 34:22

mi o Yaal oxe, xam hebil a den da nomtooxaniid teeru fene, a songin, a njaɓin soo a ndoxin riw. Teeru ke Yudaa o mat, xam fi da ndefat a koƥ-a-ƥor maa o leng a genateerna.»

Yeremi 9:11

Oxum o kiin jegu yiif, ndax ta and kene? O Yaal oxe a feeñlangaan o ten, fat a tekit ke taxna saax le a fes a pec, a doxel nen a koƥ-a-ƥor, maa o leng a reefateerna?

Esayi 6:11

Maaga, laamtaam ee: «O Yaal oxe, boo a mban neene?» A doonaxam ee: «Boo yaa teeru ke a ngefkeel tuƈ, a mbes a pec, pind ke a yoq o ƥor, soo xa saawit axe yee halit nen a koƥ-a-ƥor,

Mise 3:12

Ten taxu xan Siyoŋ a guurel, a refat o qol yaam nuun, Yeerusaleem a refat juum kefatin, soo o joong ole no Mbind Roog ne a refat ñaang laa muurooxna fo suungaan.

Yeremi 4:7

Njogoy ne a suqtoora no ngus um, o yaayaq oxe no qeet ke a xot a ƭat, a sutoor no sanand um, ndax ta gef saax nuun tuƈ. Teeru ke nuun xan a tasel, a mbes a pec.

Sakari 1:6

Ndax fa lay fee fo bargal ke coox’uuma duleer we dag es mbadnooxee took daan we nuun? A nomtooxiida me mi too a lay ee: ‹O Yaal oxe Hupna fop a fesoorta fa in ne ta hebooxit’uuna o fi, ta jagir fo a pesoorooƭ in fo a pi in.› »

A ƭomatax ake 5:18

ne o joong ole Siyoŋ a fesna a pec taxun, boo xa ƥox-a-koƥ axe a njoqooyooxataa teen.

A ƭomatax ake 1:16

Ten taxu um loolaa, a kid es a nqaaraa fo xa kooniit. Oxe war’axama o yaal kaa goƭaam, ten oxe nomtiidkoogaxama no ñoow ole. Xa ƥiy axe mi a njaqa lool, yaam o pañ oxe hupu a den doole.»

A ƭomatax ake 1:1

Xar oo kene? Yeerusaleem oxey a moofa koƭoŋ-a-koƭoŋin, teeru feene suxoogna fo wiin. Kaa nandtataa o ñaaw, ten fee moƴ’ina o magin a ndeer qeet ke. Ten fee reeƭna lingeer fee no maat ke, a dame mbaƭ.

Yeremi 44:22

O Yaal oxe waagatee o muñ kañaan ne na pi nuun fo cednooxu ke nu mbi’na. Ten taxu saax le nuun a fes a pec, a wootat, a saloorteel, too genataand, ne ta refitna xaye.

Yeremi 25:11

Saax lene fop xan a fes a pec, a tas, too qeet kene xan a ndagoox o maad oxe Babilon boo xa kiid qarɓeen ɓetuu ƭik.

Yeremi 7:34

Xam ñuf kam teeru ke Yudaa fo no ped ke Yeerusaleem xa ƈeel axe fo xa soroxole xe, o ñuxur no kor-no-kulook oxe fo ole no kulook oxe, yaam saax le xan a raad.»

Esayi 24:12

Yaqe ƥor refatu na teeru fee, begax ke ten a nduguñel boo a naang nem.

2 Maad we 21:13

Xam xawit a Yeerusaleem, ne xawtuuma a Samari fo mbind Ahab. Kaam ee xam laxad a Yeerusaleem ne o ƥaxañ a laxadteel soo a sagel.

Yosuwe 23:3

Nu nga’ooda fop ke o Yaal oxe Roog nuun a fi’na qeet ke na xa cegel axene yaam nuun. O Yaal oxe Roog nuun o mat ñoxoranu a nuun.

A cangatin ale 29:2

Nu nga’a coono ƭomu keene fo xa anddiloor axeene fo comlaand maak keene.

A paɗax ale 26:43

Kaa koy, xan saax le a eet o fes a pec, a woot, ndax lanq ke a ndondand a ñootnax ake den. Xan da ndabid njofaƭar den, yaam kaa da mbañ bargal es soo a mbasnoox kebil es.

A sutax ale 19:4

‹Nu nga’a ke fi’uuma Miimisira we, mi o Yaal oxe, fo ne waxoortuuma a nuun boo me mi ne a canjiik a waxoortaa xa ƥeem.

A paɗax ale 26:31

Xam tas teeru ke nuun, luƈit xa paɗoorand axe nuun. Haaƭkatiim a qeeñaan ale no sadax ke nuun.

Yeremi 44:23

Yaam ne nu ndoxanna roog can cuuraay, mbakaad no Yaal oxe, yaam ne nu nan-gilooxeerna o ñuxur no Yaal oxe too nu ndeefee kebil um, bargal um fo a cangin um, taxu taamaala feeke a dal a nuun, ne ta refitna xaye.»

Dañel 9:12

Fadnaa ke yegnit’oona took in fo took kelfa ke ƭoxoogna a in, ɓisiid a in taamaala fa maak kam Yeerusaleem, too fa nandu neene mosee jeg sen took lanq ke.

Yeremi 8:3

Fa nqon na moƴkaa yee o ñoow no fop we na yoqkaa na xeet fa ngañaanu feene, no fo mbiñ fo mbogreer ne um pasarkaa a den fop.» O Yaal oxe Hupna fop layun.