Biblia Todo Logo
Bib sou entènèt

- Piblisite -




Yeremi 44:16 - NQAARIIT NE ROOG

16 «Ke o layaa fa in no gon no Yaal oxe fop oo, i nan-gilooxkirang.

Gade chapit la Kopi




Yeremi 44:16
24 Referans Kwoze  

Fañ we mi koy mbugeerna um maadoox took den, ƥisiidaamoo a den mene, too mbar a den mbaambir es.› »


Kaa koy, we ngen’ina fo ten kaa sib’un, too a lula wiin a cinj um, ndax da lay ee: ‹I mbugee oxene a dodel o maad in.›


Ndiiki koy, xan nu nanahin a luuƥ fo a liit fo simb fo o nqilimb fo riiti fo a seeluumb fo kuu na fakteel a njibaa, too nu nanangaan, ndax xan nu njaɓ o ngung a lanq, mbaɗoox nitaal ne fi’nuuma? Nu mbañangaa, xan nu ndeɓel ndak fo ndak kam fuur faa na kaƥaa jir-jir, too yaaga roog fum na waagkaa o mucil a nuun na xa ƥay es?»


Kelfa ke a laya o maad oxe yee: «O koor oxene fa nqon helun! Ke ta layaa kaa foosnooraa goor xiixire we yoqna kam teeru fene fa xeet fee fop. O koor oxene waaƭanee xeet fee jam, ndaa taamaala den a oraa.»


Maaga, a jega waa layna yee: «Ngaryo i yuuɓan a Yeremi yuuƥ paaxeer, yaam i ñakee saasadax waa njangnitna kebil ke, yaal-o-and waa cooxna a in xa as fo duleer waa ndaawnitna fa lay fee Roog. Ngaryo i yaq ƭool um, too ba a ƭat in a yong no fop ke ta layaa a in.»


A nomtooxa no tooñ ke no daan feraand we den mbañ’ina o nan-giloox fa lay es. Kaa ngiɓoor fo roog lakas, ndax da mbaɗoox a den. Wiin we Isra’el fo we Yudaa a ƭega ngiɓoor ne mi dalin’uuma fo daan den.»


Kaa koy, nan-gilooxee, ndungee nof den. Kaa nqox no saƭik xoox o faaxeer ole den. Maaga, fadnaam took den a maƭax es fop, yaam ndeefee bargal ke no ngiɓoor neene hebil’uuma a den.»


Ndax a njega o ndicax no cednooxu ke da mbi’na? Sedee teen dara too andee gaci. Ten taxu xan a mbog no we ñakna xa ñis den, a mbagiɗ tak, yaa um dalkaa took den.» O Yaal oxe layun.


Nan-gilooxaam a den a paax, ke da layaa refee ndigil. O leng ricooxee kañaan um ee: ‹Ndi xar fi’um?› Fop kaa ngodatin o joor, nen pis naa na rututaa na xire.


A tagid den na laltaa jiko fa mbaaxeer den. Kaa lambnaa bakaad den nen wiin we Sodoom too ƭasnee teen dara. Ndaw naqad took den, yaam kaa oranaa a qoox den o njakad.


Kaa da layaa yee: «Fat i ƭeg ngiɓoor ne da seraa a in, mbatin a ceng ake da ndoonna a in.»


Firawon fee a doona a den ee: «An refu o Yaal oxe boo um war o nanan o ñuxur um, xaƴaa xeet fee Isra’el da ndet? Andiim o Yaal oxe too xaƴkiim a den da ndet.»


Xeet faa a mbaña o nan-giloox a Sami’el, a ndoonin ee: «A bug oo de, ndaa xan i njeg o maad kañ.


Kaa koy, kaam xoy a nuun, nu nqox, um letin xa ƥay es, ndaa fidee o leng na nuun.


Xeet fa soxodu feene kaa mbañ o nan-giloox fa lay es. Kaa nqox no saƭik xoox ole den, a ngiɓoor fo roog lakas, ndax da mbaɗoox a den soo a ngungaa mbaambir den. Xan a nand nen o kumnoor olene jiriiñateerna tus.


Nu mbaaga ñak o nanan koy kebil no Yaal oxe Roog nuun, lay ee: ‹I ngenkee no saax lene,


Asariya fee o ƥiy Hosaya, Yohanan fee o ƥiy Kare’a fo goor felnooxu we fop a laya a Yeremi yee: «Ke o layaa jegee, o Yaal oxe Roog in lulirang o lay a in ee i mbaree o ndet Misira, ndax i laqook maaga.


Yeremi a layahina xeet fee fop, moƴtaa sax rew we fop ee: «Nuun Yuuyudaa we fop ndefna no saax le Misira, nan-gilooxyo fa lay fee no Yaal oxe!


Keeke o Yaal oxe a layu: «Ngeenooxyo ƭeet me nu nqotaa, laamit a qal ake yaaga. Mbaaƭyo a ƭat a paax ale soo ñaaƴ teen. too xan o laaw nuun a ñootnoox. Kaa koy, nu ndoona yee: ‹I ñaaƴkee teen.›


Keeke o Yaal oxe Roog fee Isra’el Hupna fop a layu: Nuun fop, goor fo rew, nu mbi’a ke nu ndegitna. Kaa nu lay ee xan nu mbadin a tegit ake nuun, ta ref o ndoxan a Lingeer fee na asamaan cuuraay soo njuuranin. Ndamyo a paax boog ke nu layna, mbadin deŋ ke nu ndegitna!


Swiv nou:

Piblisite


Piblisite