Yeremi 43:6 - NQAARIIT NE ROOG

⁶ A jeg’a na den goor, rew, xa teɓandoong, xa ƥiy xa tew axe no maad oxe fo fop we Nebusaradan fee adooxanna yeeyetax we no maad oxe Babilon a doxin’ina a Gedaliya fee o ƥiy Ahikam, too a ref o ndaan Safan, o tuleer Yeremi itam fa Baruk fee o ƥiy Neriya.

Yeremi 43:6 Referans Kwoze

Yeremi 39:10

Kaa koy, rool we na xeet fee, we njeg’eerna dara, Nebusaradan a xaƴa a den da ngen no saax le Yudaa, a ci a den no ñaal naaga a ƭing taxar biiñ fo xa qol.

Yeremi 40:7

A jeg’a aa-adax no xiixire we Yudaa maad’ina o pasarooxaa na koƥ alaa. Den fo goor den a yega yee o maad oxe Babilon a dalin’a a Gedaliya fee o ƥiy Ahikam ta maadooxaa no saax le soo a doxnin goor, rew, xa caaƈ fo rool we no saax le ƥis’aandeena Babilon took o hup doole.

A ƭomatax ake 3:1

Kaam ref o koor oxaa andna o torox, ñim xa yar axe no fuux le no Yaal oxe.

Yeremi 41:10

Cinj kaaga, Isma’el a dama mbaƭ yoqatin we na xeet fee fop ndeeƭna Mispa, boo na xa ƥiy xa tew axe no maad oxe sax, fop daal we Nebusaradan fee adooxanna yeeyetax we no maad oxe a doxin’ina a Gedaliya fee o ƥiy Ahikam. Isma’el a ɓisa a den nen faɗ, a jagin maa no Aa-amon waa.

Yeremi 52:10

O maad oxe Babilon a xirisnoora xa ƥiy xa koor axe Sedekiya na kid faap den. A xirisnoora itam kelfa ke Yudaa fop maaga Ribla.

YEGIL MBAAX NE YEESU ne Saŋ a bindtuuna 21:18

No ndigil, no ndigil, mexe layang ee: Ye o refaa no ndeƥandoong, kaa o xiisnanoogu a xoox of o kurcala of, retaa maa feloonga. Kaa koy, boo nogoyoona, kaa o bugko letnaa xa ƥay of, o lakas a xiisnanong o ten, a ɓisang maa bugeeroona.»

Yeremi 38:22

Rew we na yoqkaa kam mbind no maad ne Yudaa fop xan a ƥisel no kelfa kaa no maad oxe Babilon. Rew we xan a ngimanang ee: ‹We njamsa’oor’ina fa wo a njeyaang, a maafong. Ye a caf of a loofaa kam lopopooƈ le, a mbesaang ndiiñ.›

Yeremi 43:3

Kaa koy, Baruk fee o ƥiy Neriya o mat riñong na in. Kaa bug o ɓoxot a in na xa ƥay no Kaakalde we, ndax da mbar a in mbaat da ƥis a in Babilon took o hup doole.»

Yeremi 45:1

Keeke refu fa lay fee o tuleer Yeremi a daawnoogna a Baruk fee o ƥiy Neriya, ta bindan no laxas safe, no hiid o nahkandeer olaa no maat Yoyakim fee o ƥiy Yosiya, too a ref o maad Yudaa:

Yeremi 40:11

Yuuyudaa we fop oo ndeeƭna Mowaab, maa no Aa-amon we, kam Edoom fo na saax a lakas ake fop a yega yee o maad oxe Babilon a xaƴ’a yoqatin kam Yudaa, a dalnan a den a Gedaliya fee o ƥiy Ahikam, too a ref o ndaan Safan, ta maadooxaa took den.