Yeremi 43:4 - NQAARIIT NE ROOG

⁴ Neene, Yohanan fee o ƥiy Kare’a, aa-adax lakas we no xiixire we fa xeet fee fop nananee ke o Yaal oxe hebil’ina a den da ngen no saax le Yudaa fop oo.

Yeremi 43:4 Referans Kwoze

Yeremi 44:5

Kaa koy, nu nan-gilooxee, nu ndungee nof nuun, ndax nu mbaas paaxeer ke nuun, mbañ o ndoxan cuuraay roog can ke.

A kim a tedu ke 37:3

Hoolooxi o Yaal oxe soo fi’aa paax, ndax o yoq no saax le, ñoowaa teen fo o yaadax.

2 Caloori ke 25:16

Ye ta maadna o layaa, Amatsiya a doonaan ee: «Ndax kaa o dodel o aa-as no maad oxe? Naagi cuxus o bugangee um warong.» O tuleer oxaa a layaan ee: «Andaam ee Roog kaa heboox o saŋkong, yaam fi’aa keene, doon teen fañ o nan-giloox o as es.»

O baawaare xe 9:16

Maaga, mi layaam ee: o jeg-yiif ole moƴu doole fee, ndaa koy, o jeg-yiif ole no ndool onqe kaa xeefeel, too fa lay um naagee o nan-gilooxeel.

2 Maad we 25:26

Maaga, xeet faa fop, a xotit no xe moƴna neew boo no xe moƴna maak fo aa-adax we no xiixire we a inooxa, a ƈuf Misira, yaam a saɗaraa Baababilon we.

Yeremi 41:16

Yohanan fee o ƥiy Kare’a fo aa-adax we no xiixire we fop ndeeƭna fo ten a nqota yoqatin we na xeet fee fop Isma’el fee o ƥiy Netaniya a ɓistiid’ina Mispa a cinj ye Gedaliya fee o ƥiy Ahikam a wareena. A jeg’a na den goor xiixire, rew, xa caaƈ fo cawdiin. Den fop Yohanan a nomtitiida a den Gibe’on.

Yeremi 42:8

Maaga, Yeremi a xoya a Yohanan fee o ƥiy Kare’a fo aa-adax we no xiixire we fop yoonna fo ten fo wiin we ndeeƭna maaga fop, a xotit no xe moƴna o neew boo no xe moƴna o maak.

Yeremi 42:21

Feeñlaanum a nuun xaye, ndaa nu nananee o ñuxur no Yaal oxe Roog in na dara no ke ta simaxama um lay a nuun.