Yeremi 43:3 - NQAARIIT NE ROOG

³ Kaa koy, Baruk fee o ƥiy Neriya o mat riñong na in. Kaa bug o ɓoxot a in na xa ƥay no Kaakalde we, ndax da mbar a in mbaat da ƥis a in Babilon took o hup doole.»

Yeremi 43:3 Referans Kwoze

Yeremi 43:6

A jeg’a na den goor, rew, xa teɓandoong, xa ƥiy xa tew axe no maad oxe fo fop we Nebusaradan fee adooxanna yeeyetax we no maad oxe Babilon a doxin’ina a Gedaliya fee o ƥiy Ahikam, too a ref o ndaan Safan, o tuleer Yeremi itam fa Baruk fee o ƥiy Neriya.

Yeremi 38:4

Kelfa ke a laya o maad oxe yee: «O koor oxene fa nqon helun! Ke ta layaa kaa foosnooraa goor xiixire we yoqna kam teeru fene fa xeet fee fop. O koor oxene waaƭanee xeet fee jam, ndaa taamaala den a oraa.»

Yeremi 36:26

O maad oxe a hebla a Yerahmel fee o ƥiy no maad oxe, Seraya fee o ƥiy Asri’el fa Selemiya fee o ƥiy Abdel da ndam a Baruk fee o piibind oxe fo o tuleer Yeremi. Kaa koy, o Yaal oxe a ɗasna a den.

Yeremi 36:10

Maaga, Baruk a janga kam Mbind ne no Yaal oxe mbaambir xeet fee fop fa lay fee Yeremi bindeena no laxas safe le. Oxe geenoox’a na ndok ale Gemarya fee o ƥiy Safan, o piibind oxe, no maax took olaa, paam ndokand nqas ne no Mbind ne no Yaal oxe.

Yeremi 36:4

Maaga, Yeremi a xoya a Baruk fee o ƥiy Neriya soo a layaa fop ke o Yaal oxe a daawin’uuna, Baruk a bindan no laxas safe le.

YEGIL MBAAX NE YEESU ne Lik a bindtuuna 6:26

Ndaw sabab took nuun, yaa wiin we a layanna a nuun paax ƥor, yaam neene o mat daan den a mbi’anoogu duleer maamaaɓ we.»

A kim a tedu ke 109:4

Ke fexuuma a den fop oo, kaa njambaxam, ndaa yaqanee um ref no xeɗaa doŋ.

Yeremi 32:12

Ɓoxotaam a kayit a cikir ale a Baruk fee o ƥiy Neriya too a ref o ndaan Mahseya, na kid Hanamel fee o ƥiy faap o ndeɓ es fo na kid no seede we ñaas’ina a kayit a cikir ale fo na kid no goor Yuuyudaa we fop ndeeƭna no maax ole no yeeyetax we.

Yeremi 41:18

ndax da ngoƭ Kaakalde we. Kaa saɗaroogu a den, yaam ne Isma’el fee o ƥiy Netaniya a war’ina a Gedaliya fee o ƥiy Ahikam o maad oxe Babilon a dalin’ina ta maadooxaa no saax le.