Yeremi 43:12 - NQAARIIT NE ROOG

¹² Xan a heƥand pind roog ke Misira, a dox roog keene mbaat ta ɓis a den. Ne o kaynaak a ɓaaltaa pay um, Nebukadnesaar a ɓaalitkaa saax le Misira. Cinj kaaga, xan a sutoox teen na jam.

Yeremi 43:12 Referans Kwoze

Heseki’el 30:13

Keeke layum, mi o Yaal oxe na refkaa boo faw: Xam yaq pic nitaal pangool ke, suud kam Memfiis roog tefee ndigil ke. Jegkatee o kelwaar kam saax le Misira, too xam dalin teen diid le.

Esayi 49:18

Deɓi a kid of me widoonga too horoox a paax. Fop owe mbokatoora, a ngaraa me wo. Ne ta wooritna yee mexe ñoowaa, mi o Yaal oxe, neene a woortu yee xan a ndef na wo nen kumooxel kaa na mosandooreel. Xan o hiɓoor fa den ne o kulook a rokoortaa ceq um.

Esayi 19:1

Ke na dalkaa a Misira: O Yaal oxe xey, a garaa Misira kam eel ñofu. Pangool ke Misira owe sendaa mbaambir um, soo njambaar ne no Miimisira we a ɓutaa kam den.

Yeremi 48:7

Wo Mowaab, feek kaa o hooloox a pi of fa halal of, wo itam, xan o naagel nuus. Kemos fee roog of xan a ɓisel gilaa saax took o hup doole, ten fo saasadax um fo gelwaar um.

Yeremi 46:25

O Yaal oxe Roog fee Isra’el Hupna fop kaa tee: «Mexey garaa, ndax um dal took Amon, roog fee Teeb, took Misira, took roog ke fo maad we ten, took Firawon fee fo we ngoolooxuuna fop.

A kim a tedu ke 104:2

huloox a qoolaand nen pay. Kaa o letin asamaan fee nen ƭiif,

Ke bindeena no xe ne’eena YOB 40:10

Mosandoorti boog o magnel fo ngiin maak, rokoox o ndam fo o niwel.

Esteer 6:9

Fat o leng no kelfa ke no maat ne a rokanin ndoki ne, a ŋaaynin no pis ne soo a adoox, a doxaa pis ne kam baayo fee na teeru fee, a falalooxaa mbaambir um ee: ‹Neeke o kiin oxaa o maad oxe a bugna o niw a fi’aneel.› »

2 Sami’el 5:21

Ye Fiifilista we a ƈufaa, kaa nqaƴ’u maaga pangool ke den, soo Dawid fo yoon um a ƥis a den.

A sutax ale 12:12

No yeng olene, xam xaañ kam saax le Misira, too xam war taaw ke ten fop, no ke xotitna no wiin we boo no cegel ke soo hate Miimisira we no roog tefee ndigil ke da mbaɗooxaa. Mi refu o Yaal oxe.

Kolos 3:14

Kupu keene fop, mbapooryo o mbeq, yaam o mbeq refu ngumoor ne na ñaknaa a nuun sik.

Kolos 3:12

Neene itam, nen waa Roog a jilna nu mbog no ten, ta fex a nuun, fat nu mbof yirmande fo o paaxel fo a neewandax fo o ɓuuɓ fo o muñ.

Efees 6:11

Nqotyo ƥonax ke Roog fop ndax nu mbaag o nqox pexey ke no ƈiƴ oxe.

Efees 4:24

Ndokooxyo ngiin nqas ne sakeena a nand fa Roog, soo a feeñ kam o ñoow o jofu le saqna ndigil ne, too a ted.

O leetar ole Pool a bindna GIMU WE NGENNA ROM 13:12

O yeng ole xe faafaa, too mbeet ne xey a leeliidaa. Fat i mbaas boog a pi a niɓaanu ke, too nqot ƥonax ke Roog a cooxna a in, ndax i ñoow na qoolaand ale.

Sofoni 2:11

Xan o Yaal oxe a saɗarnoox na den, yaam xan a moocand roog ke no lanq ke fop, too a pimb ake moƴna o liitoox sax xan a ngung mbaambir um me da ndefkaa ndef.

Yeremi 51:44

O Yaal oxe kaa tee: «Xam xaw a Bel, roog fee no Kaakalde we, huqnin ke ta ɗuudna, too qeet ke njaginkatee me ten. Saŋe ne Babilon sax xan a yen junjang.

Yeremi 50:2

«Yegnityo a ndeer qeet ke, lambin, sip a laay a anddiloor, kaam ee lambinyo, mbañ o ƭasin dara, lay ee: Babilon a jaɓe, Bel a naag ɓot a sed, Merodak a diidlandel! Nitaal roog ke Babilon a seda ɓot, pangool ke ten a ndiidlandel.

Esayi 61:10

Kaam felakinooxaa no Yaal oxe, o laaw es a may fo o ɗaay na Roog es, yaam kaa rokaam ndoki ne na muc ale soo a muuraam sabadoor ne no cofel ole, um nandtaa o kor-no-kulook oxaa rokooxna tañalax xew um mbaat o kulook oxaa mosandooritna kumooxel um.

Esayi 61:5

Xan xa kataakoon a ngayanaa a nuun xa siir nuun fo a ked nuun, soo wiin inooru tuburbuus a nqooxanaa a nuun xa qol nuun fo a ƭing nuun.

Esayi 59:17

O cofel oleene refu ndoki njelem ne no ngang um, soo a muc ale a ref o maxanda xire um. A rokooxa ndoki ndabdinoor ne soo a huloox o jaflax nen sabadoor.

Esayi 52:1

Wo Siyoŋ, yokooxi, ñofi yokoox, jegatin doole. Wo Yeerusaleem, teeru fa tedu fee, rokooxi toki of ke moƴna o mos, yaam o qucooxeer mbaat o qoolaƭaru dakkatee me wo.

Esayi 46:1

Bel a gooknooxa, Nebo a lomoƴoox. Xa taaƴ den a sufe took cegel, took cegel meɗe dis. Ke nu yoɗoogna took kaa refat a toq a meɗu no cegel keene nqijna laƈ.

Esayi 21:9

Goor waa ŋaayna pis oo weene ngaraa fo a sareet-xire kaa ngumneena pis ƭik. A dakooxahina o falaloox ee: ‹Koo a jiƭtooxa, a jiƭtooxa yoo, Babilon a jiƭtooxa! Xa taaƴ axe no roog ke ten fop a nduguñe a lanq.› »

A kim a tedu ke 132:18

Xam ɓek fañ we ten gaci, soo ten o mat, o ndip no maad um xan a meleƈ took xoox um.»

A kim a tedu ke 132:16

Xam rokan saasadax we ten a muc ale, soo gimu we ndefna teen a soroxole.

Esayi 46:2

Roog keene kaa lomoƴooxaa soo a ngooknoox, too mbaagee o mucil suf ne no cegel keene. Den fa qoox den no mbaƭ a njofaa.

Yeremi 43:13

Xan a gef a toodook a ƥil a tedlande ke Bet-Semes no saax le Misira, a dox pind roog ke Misira.»

Yeremi 49:27

Xam heƥand saŋe ke Damaas, raaɓ pind no maad ke Ben-Hadad.»

Heseki’el 29:11

O jaf no kiin o leng reefkatee teen, o jaf muumeen o leng dakkatee teen, too xan a fi xa kiid qarɓeen nahik axaa ta genkataandeena.

Dañel 11:8

Xan a jangal a den soo a ɓis Misira nitaal roog ke den fo xa taaƴ xa cawne xe den fo tig oo tig cegu njiriiñ ke den mbi’teena xaaliis mbaat wurus. Cinj kaaga, xan a ɗaayoor fo o maad oxe no ɓemb-roog o janoon boo xa kiid xa leng-leng.

Yeremi 10:11

Fat nu lay a den keeke: Roog ke sakeerna a asamaan mbaat lanq ke xan a mooc took lanq ke fo ɗuga asamaan fee.

Yeremi 10:15

Xa andand xa ƥor a ndefu, jale laa jalatna. Xan da mooc, yaa a qaw ale den a garkaa.

Yeremi 25:19

Yernaanum a Firawon fee o maad Misira fo dag um, kelfa ke ten fa xeet um fop,

Heseki’el 29:19

Ten taxu keeke layum, mi o Yaal oxe na refkaa boo faw: Nga’angyo, xam ɓoxot saax le Misira na xa ƥay Nebukadnesaar fee o maad oxe Babilon. Xan a ɓis kalal ke ten, a waltin bo tee qac. Xan a jaɓit teen paax mayu, ta ref ndabid no xiixire um,