Yeremi 43:11 - NQAARIIT NE ROOG

¹¹ Xan a gar, a xaw saax le Misira: Oxe lafooxaneena fa nqon, xan a jof na fa nqon, oxe lafooxaneena mbaƭ, a jof no mbaƭ, oxe lafooxaneena laƥ, a jof no laƥ.

Yeremi 43:11 Referans Kwoze

Yeremi 44:13

Ne daltuuma took we Yeerusaleem, um dalitkaa took we laqooxna no saax le Misira: fo laƥ, biim fa piste.

Yeremi 15:2

A laamtangaang ee: ‹Mam i njofkaa?› fat o doon a den ee: Keeke o Yaal oxe a layu: Fat oxe lafooxaneena fa nqon, a jof na fa nqon, oxe lafooxaneena laƥ, a jof no laƥ, oxe lafooxaneena biim, a jof no biim oxe lafooxaneena mbaƭ, a jof no mbaƭ.»

Sakari 11:9

Maaga, layaam paal ke yee: «Gaykatiim a nuun! Fat oxe na xonkaa a xon, oxe na mo’kaa a mo’ik, soo we na yoqkaa a mbarrik!»

Yeremi 25:19

Yernaanum a Firawon fee o maad Misira fo dag um, kelfa ke ten fa xeet um fop,

Heseki’el 5:12

A qaaj a tadkandeer ale na nuun xan a nqon na piste, mbaat biim a saŋik a nuun a ndeer teeru fee. A qaaj a tadkandeer ale na nuun xan a nqon na xire fee me widna teeru fee, soo a qaaj a tadkandeer ale na nuun um pasar a den, soo daabit a den laƥ ne.

Ke bindeena no xe ne’eena YOB 20:29

Keene refu a las ale Roog a kesanna soxodu we, o roxanqol ole ta geekanna a den.

Mbeeñil 13:10

Oxuu jagandaneena mbaƭ, xan a ref o paɗ. Oxuu jagandaneena o wartel laƥ, xan a wartel laƥ. Ten taxu we mbogna na Roog a mbara o lalit o saƭkel fo o ngim.»

Yeremi 25:15

Keeke o Yaal oxe Roog fee Isra’el a layaxam: «Xotti no ɓay es o feeƭ olene mayna muut fa biiñ fee no fuux le mi, soo yernin qeet ke um lulkang fop.

Yeremi 42:22

Andeenoo a paax ndiiki: Xan laƥ mbaat biim mbaat piste a saŋkit a nuun me nu mbugna o ndet, ndax nu laqook maaga.»

Heseki’el 29:11

O jaf no kiin o leng reefkatee teen, o jaf muumeen o leng dakkatee teen, too xan a fi xa kiid qarɓeen nahik axaa ta genkataandeena.

Yeremi 44:12

Xam dam we yoqna na Yudaa mbosooxna o ndet no saax laa Misira, ndax da laqook maaga. Misira a saŋkoorkaa den fop. Xan laƥ mbaat biim a ñaam a den, a xotit no xe moƴna o neew boo no xe moƴna o maak. Kaam ee, xan laƥ mbaat biim a war a den, da ndef saloor, o njaq, qeefel fo cednooxu.