Yeremi 43:10 - NQAARIIT NE ROOG

¹⁰ Cinj kaaga, layi a den ee: Keeke o Yaal oxe Roog fee Isra’el Hupna fop a layu: Nga’angyo, xam lulit o xoyankel o tag es Nebukadnesaar fee o maad oxe Babilon. Xam sip uum-maamaad um took a ƥil akeene uupeena, soo ta letin yiir um yoora den.

Yeremi 43:10 Referans Kwoze

Yeremi 1:15

Yaam mexe layan ee xam xoy qeet ke no maat ke no ɓemb-roog o janoon fop. Maaga, xan a ngar, a sip a kamb no maad ake den mbaambir tokand ke Yeerusaleem. Xan a mbid saŋe ke ten o kurul-keƥ, fo ke no teeru ke Yudaa fop.

Esayi 44:28

Kaam layaa a Kiirus ee: ‹Wo refu oxe na gayanaxam.› Xan a fadin ke buguuma fop. Xan a lay a Yeerusaleem ee: ‹Xan o maxatinel›, soo Mbind Roog ne ta layin ee: ‹Xan o tabaxatinel.› »

A kim a tedu ke 31:20

Ey! Ndaw ne o paaxel of a magnitna! Kaa o geekanin we saɗaroonga, too fop a nga’a yee ci’aano we na njaɓnooxaa me wo.

A kim a tedu ke 27:5

Xan a laqaam no ngenand um, yaa taamaala a jegna, a ɗasnaam no ƭiif um, a ŋaaynaam took ɓil goƭu took.

A kim a tedu ke 18:11

A ŋaaya mbindel yeeyetax soo a yet, a yaaraa took a nafir ake no nqeñ ne.

Mace 22:7

O maad oxaa a fuuxa, too a lula dag um ndax da mbarik wiin faaxeer waaga, soo a ndox teeru faa den.

Dañel 2:21

Ten hame’u camaane ke fo baxtu ke, a maafaa maad we, a inaa a den. Oxuu jegna yiif, ten ci’ong o ten, oxuu jegna o and itam, no ten a hatu.

1 Maad we 20:16

A songka farna fo waxtu njeeƈ ndeer xoox, a soƥ Ben-Hadad fo maad qarɓeen tadik fo maad ɗik lakas waa ndimle’iid’uuna a maad o mbayaa kam ƭiif ke.

1 Maad we 20:12

Ye Ben-Hadad a daawna o doonanqol oleene, kaa soƥ’un ta yeraa fo maad lakas we kam ƭiif ke. A hebla dag we ten, da inooxan teeru faa, soo da ndalfoox o inooxanin.

Esayi 45:1

Keeke o Yaal oxe a layu a Kiirus fee ta ɗuumna: «Xam damong no ɓay o ñamaak, ndax o maaf a saax ake, jaɓ sañ-sañ ke no maad we, soo daƈit a kinglir ake no begax ke no teeru ke mbodna mbaambir of.

Yeremi 43:9

«Xoti a ƥil a maak, uup a den no ɗok le no dung ole refna no don-maax ole no mbind no maad ne Firawon fee kam Tapanes. Fi’i keene na kid no Yuuyudaa we.

Yeremi 46:13

Keeke refu fa lay fee no Yaal oxe o tuleer Yeremi a yegnitna, ye Nebukadnesaar fee o maad oxe Babilon a fadiidna, ndax ta song a Misira:

Heseki’el 5:12

A qaaj a tadkandeer ale na nuun xan a nqon na piste, mbaat biim a saŋik a nuun a ndeer teeru fee. A qaaj a tadkandeer ale na nuun xan a nqon na xire fee me widna teeru fee, soo a qaaj a tadkandeer ale na nuun um pasar a den, soo daabit a den laƥ ne.

Yeremi 49:38

Xam sip uum-maamaad es kam Elam, moocand teen o maad oxe fo kelfa ke. Mi o Yaal oxe layun.