Yeremi 42:9 - NQAARIIT NE ROOG

⁹ A laya a den ee: «Kaa nu sim’aam um daawnan a nuun o Yaal oxe Roog fee Isra’el a qeƭ nuun. Keeke a doonu:

Yeremi 42:9 Referans Kwoze

Yeremi 42:2

me no tuleer Yeremi, a layin ee: «Ngela jaɓi ke i nqeɗang! Xeɗooxani a in, in yoqatin wene fop, o Yaal oxe Roog of, yaam kaa i may’u bo, ndaa o ndik o ndutuuñ i yoqatu, ne ga’tanoona.

2 Maad we 19:6

oxeene a laya a den ee: «Keeke um laykaa o yaal mbind nuun: O Yaal oxe kaa tee: ‹Baa xa ƭelem axe nanoona too xa yoot axe no maad oxe Asuur a mbentaam a den a ndiidlandong.

2 Maad we 19:4

Giimee o Yaal oxe Roog of a nan’angaa rek xa ƭelem axe fop na jawdiin fee o maad oxe Asuur refna o yaal mbind um a lulitna, ndax ta wen a Roog fa ñoow jok fee, yaaga xeƈa xan a fadin a qaw um yaam xa ƭelem axe ta nanna. Xeɗani boog onqe yoqna na xeet um.› »

Yeremi 42:8

Maaga, Yeremi a xoya a Yohanan fee o ƥiy Kare’a fo aa-adax we no xiixire we fop yoonna fo ten fo wiin we ndeeƭna maaga fop, a xotit no xe moƴna o neew boo no xe moƴna o maak.