Yeremi 42:6 - NQAARIIT NE ROOG

⁶ Ta ref paax mbaat paaxeer, xan i nanan o ñuxur no Yaal oxe Roog in, me no xe i luloonga in fa qoox in. Neene, xan i sawar, yaam ne i nananna o ñuxur no Yaal oxe Roog in.»

Yeremi 42:6 Referans Kwoze

Yeremi 7:23

Kaa kañ keeke heblum a den: Nan-gilooxyo o ñuxur es, too xam ref Roog nuun, nu ndef xeet es. Ñaaƴyo na ƭat ake simuuma a nuun fop, ndax nu ƭaay.

A cangatin ale 5:29

Kaa rek, a njeg’angaa xeeñ leene boo kili, a niwaam soo a ngay kebil es fop, a ƭaaykooga boo faw, den fo xa taan den.

O leetar ole Pool a bindna GIMU WE NGENNA ROM 8:7

We na topatooxaa ke cer ke a mbugna, fañ Roog a ndefu, yaam cer den kaa mbañ o nanan kebil ke Roog, kaa mbaagiran a mbaag sax.

A cangatin ale 5:33

Fat nu ndeef deŋ a ƭat ale o Yaal oxe Roog nuun a fiisanna a nuun, ndax nu ñoow, ƭaay soo nquuɗ kam saax le nu njegkaa.»

O leetar ole Pool a bindna GIMU WE NGENNA ROM 7:13

Yaaga boog, ndax ke faaxna na waraxam? Ha’aa o mat! Bakaad fee fi’un. O ten o mat wartaxam ke faaxna. Neene kebil ne a laltitu ke bakaad a refna no ndigil, soo a feeñil ne ta faaxaƭaritna tigi.

O leetar ole Pool a bindna GIMU WE NGENNA ROM 7:7

Xar i mbaru o lay boog? Ndax kebil ke bakaad oo? Ha’aa o mat! Kaa koy de, kebil ke taxu um and bakaad, yaam andkoogiim a yaaw, yaa kebil ke a lay’eerna yee «yaawkiro!»

Esayi 3:10

Layyo o cofu xe yee a ɗaaya, yaam xan calel um a ndef muud um.

A kim a tedu ke 128:2

Xan o muudoor jale na xa ƥay of, ɗaay, yaam ne fop of a ñaaƴkaa.

Yosuwe 24:24

Xeet fee a ndoonaan ee: «O Yaal oxe Roog in doŋ i mbaɗooxkaa, nan-giloox o ñuxur um.»

A sutax ale 24:7

Cinj kaaga, a xota safe le no ngiɓoor ne soo a jangin a maak mbaambir xeet fee. A laya yee: «Xan i nanan kebil ke no Yaal oxe fop, mbi ke ta layna.»

A cangatin ale 5:27

Wo na matikkaa boog, o nan-giloox ke o Yaal oxe Roog in a laykaa, cinj kaaga o daawin a in fop ke ta laykang. Maaga, xan i nan-gilooxin soo mbi’in.›

Yeremi 22:15

Ndax kaa o bug o lalit ee o maad tigi refo yaam ne o yuxmaa a patax ndaxar seedar? Ndax faap of ñaamoogee, a yeraa nen a wo? Yaag oo toox de a ƭat fo o cofel a ñaaƴnoogu, too fop a faax’a no ten.

Yeremi 43:4

Neene, Yohanan fee o ƥiy Kare’a, aa-adax lakas we no xiixire we fa xeet fee fop nananee ke o Yaal oxe hebil’ina a den da ngen no saax le Yudaa fop oo.

A kim a tedu ke 78:36

Kaa koy, kaa naxtoogun a ƭelem den, ndigil reeƭee no ke da layooguuna,