Yeremi 42:5 - NQAARIIT NE ROOG

⁵ A ndoona a Yeremi yee: «Fat o Yaal oxe a ref na in o seede ndigil fo o kore’u, a soƥangaa yee i ndeefee fa lay fuu o Yaal oxe Roog of a simkang o daawnin a in.

Yeremi 42:5 Referans Kwoze

Mberaand 31:50

O toroxandangaa xa ƥiy xa tew axe mi mbaat o waaƭ rew lakas colu weeke, refkee yee o kiin na hate’kaa a in ndaa andi a paax ee Roog na refkaa o seede a ndeer es fa wo!»

Haahate we 11:10

Maak we Galaad a ndoona a Yefta yee: «I ndaaɓooxa o mbi ke layoona. Yaasam o Yaal oxe a ref o seede in!»

Mbeeñil 3:14

«Bindanaam a malaaka fee na yetooxaa mbokatax ne no gimu we kam teeru faa Lawodise yee: ‹Fa lay feeke kaa inoor no xe refna Amiini. Kaa ref itam o seede o kore’u xe fo o tefu ndigil oxe, ke Roog a sakna fop a hat no ten.

Mbeeñil 1:5

fo na Yeesu Kiristaa, refna o seede kore’u xe, a ref oxe eetna o xontoox a ndeer no xon we fo o kelwaar oxe no maad we na adna fee! Kiristaa kaa fex a in. A wata a in no pakaad ke in na pexey fo’oy um.

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.

Malaki 2:14

Kaa nu laamtaa yee: «Yaam fa xar keene?» Yaam kaa o waas o teef, ke ta reeƭna reeƭ o yoon of fop oo fo o tew oxe hiɓoorit’oona. O Yaal oxe seede’’ong ndeer of fo o tew oxe dolniroona no ndeƥandoong of.

Mise 1:2

Nuun qeet ke fop, nan-gilooxyo! Lanq ke fo ke refna teen, ndungyo nof nuun! O Yaal oxe na refkaa boo faw xan a layoor fa nuun, a inoortiid no Mbind tedu ne ten.

O leetar ole Pool a bindna GIMU WE NGENNA ROM 1:9

Roog a anda yee ndigil kak um layaa, ten fee um dagooxaa kam xeeñ es, yaa um waare’aa Yegil mbaax ne jofna no Ƥeem, too a anda itam ee kaam wetandooxaa a nuun kili na qeƭ es.

Yeremi 5:2

A ndaaɓooxangaa yee: «Mexe gaañtan o Yaal oxe na ñoowaa!» a taaƥax den xa maaƥ xa ƥor oo.

1 Sami’el 20:42

Yoonatan a laya a Dawid ee: «Reti fa jam. Ndiiki koy, ke i ndaaɓooxna mbaambir no Yaal oxe, a saƭka, too o Yaal oxe refu o seede a ndeer es fa wo, a ndeer xa taan es fo xa taan of boo kili.»

1 Sami’el 12:5

Sami’el a ɓaata o lay a den ee: «O Yaal oxe fo xe ta ɗuumna ndefu seede in no ñaal ne xaye yee nu njegee dara kaa nu ƥanjtaxama.» A ndoonaan ee: «Den o mat ndefu seede we.»

A sutax ale 20:19

A laya a Moyiis ee: «Layi fa in wo fa xoox of, too yaaga xan i nan-giloox. Kaa koy, baa Roog a lay fa in muk, yaam ndik i nqon.»

A sutax ale 20:7

Ŋasitkiro gon le no Yaal oxe Roog of, yaam o Yaal oxe ñakkee o xaw oxe na ŋastaa gon um.

Yeremi 43:2

Asariya fee o ƥiy Hosaya, Yohanan fee o ƥiy Kare’a fo goor felnooxu we fop a laya a Yeremi yee: «Ke o layaa jegee, o Yaal oxe Roog in lulirang o lay a in ee i mbaree o ndet Misira, ndax i laqook maaga.

Yeremi 43:4

Neene, Yohanan fee o ƥiy Kare’a, aa-adax lakas we no xiixire we fa xeet fee fop nananee ke o Yaal oxe hebil’ina a den da ngen no saax le Yudaa fop oo.

Yeremi 42:20

A qoox nuun nu naxaa, ye nu lulaxama maa no Yaal oxe Roog nuun, lay ee: ‹Xeɗooxani a in o Yaal oxe Roog in, too fop ke o Yaal oxe Roog in a laykaa, feeñleen a in, too xan i mbi’in.›