Yeremi 42:4 - NQAARIIT NE ROOG

⁴ O tuleer Yeremi a laya a den ee: «Nanaanum. Xam xeɗ o Yaal oxe Roog nuun, ne nu laamtituuna. Fa lay fuu o Yaal oxe a doonna a nuun, xam feednin a nuun, fañ o ɗasin teen dara.»

Yeremi 42:4 Referans Kwoze

A kim a tedu ke 40:10

Kaam yegnitaa kam mbokatax maak ne no gimu we o nan o felu le no cofel ole. Ga’aano, maariim o don es, andaano sax, wo o Yaal oxe.

1 Sami’el 12:23

Mi fa xoox es koy, xam wootooxaa o tooñ o Yaal oxe yaam o ñak o xeɗan a nuun soo fañ o jangin a nuun kili a ƭat a paax a cofu le.

A pi ake 20:20

Nu andooda sax ee ɗasniim a nuun dara no ke waagna o jiriiñ a nuun. Kaam yegin a nuun fa lay fee Roog kañ, waare a nuun no qel ke fo kam pind ke nuun.

Yeremi 23:28

Fat o tuleer oxe jegna o ƭaaɗ a wetandooxin, oxe daawna fa lay es o mat a yegnititin ne ta helitna. Xar ñaax le a daawru fo pep ke? Mi o Yaal oxe layun.

O leetar ole Pool a bindna GIMU WE NGENNA ROM 10:1

Fog we, ke buguuma no xeeñ es fop fo ke refna a qeƭ es na Roog refu yee Yaawuur we a muc.

A pi ake 20:27

yaam yegnaam a nuun yaaga ke Roog a yuuɓna fop, too ɗasniim teen o ndara.

Heseki’el 2:7

Xan o daawin a den fa lay es, ta ref ee a nan-gilooxa mbaat da mbañ o nan-giloox yaam o saƭik xoox den.

Yeremi 23:35

Fat nu laamtiraa a ndeer nuun, ndeer o kiin fo o pog um ee: ‹Xar o Yaal oxe a doonu? Xar o Yaal oxe a layu?›

Yeremi 26:2

O Yaal oxe a layaan ee: «Geenooki no maax olaa no Mbind es, lay fop we ngenna no teeru ke Yudaa, na nqeɗiidaa no Mbind es, fop ke hebloonga o lay a den. Ba o hend teen dara!