Yeremi 42:3 - NQAARIIT NE ROOG

³ Fat o Yaal oxe Roog of a lal a in me i mbarna o nqot fo ke i mbarna o mbi.»

Yeremi 42:3 Referans Kwoze

Xa peƭit axe 3:6

Adneen no kuu o fi’aa, too xan a fodrand a ƭat of.

A kim a tedu ke 86:11

O Yaal oxe, andnooraam a ƭat of, ndax um ñaaƴaa no ndigil of. Ci’aam xeeñ damooxu, ndax um saɗar gon of.

Mise 4:2

Qeet mayu xan a inoox, a lay ee: «Ngaryo i ŋaay no joong ole no Yaal oxe, no Mbind ne na Roog fee Yakoob, ndax ta jangin a in a ƭat um, soo i ñaaƴ na qal um, yaam a cangin a tiindigil ale Siyoŋ a inooraa, fa lay fee no Yaal oxe a hatiidaa Yeerusaleem.»

Yeremi 6:16

Keeke o Yaal oxe a layu: «Ngeenooxyo ƭeet me nu nqotaa, laamit a qal ake yaaga. Mbaaƭyo a ƭat a paax ale soo ñaaƴ teen. too xan o laaw nuun a ñootnoox. Kaa koy, nu ndoona yee: ‹I ñaaƴkee teen.›

Esdaraas 8:21

Maaga, paam o xuluɓ olaa Ahawa heblitaam koor, ndax i neewandoox mbaambir Roog in, nqeɗin ta ci a in, in fo xa ƥiy in fo o jeg in fop, a ñaaƈ a pelu.

Esayi 2:3

Qeet mayu xan a inoox, a lay ee: «Ngaryo i ŋaay no joong ole no Yaal oxe, no Mbind ne na Roog fee Yakoob, ndax ta jangin a in a ƭat um, soo i ñaaƴ na qal um, yaam a cangin a tiindigil ale Siyoŋ a inooraa, fa lay fee no Yaal oxe a hatiidaa Yeerusaleem.»

1 Maad we 8:36

nan-giloorti a den na asamaan, waasanit pakaad no dag of ndefna ndef Isra’el fee xeet of. Aqatini a den a ƭat a paax ale da mbarna o ndeef soo deɓiid no lanq ke ci’oona xeet of nen lam.

A cangatin ale 5:29

Kaa rek, a njeg’angaa xeeñ leene boo kili, a niwaam soo a ngay kebil es fop, a ƭaaykooga boo faw, den fo xa taan den.

A cangatin ale 5:26

O kiin oxum mosu o nan o ñuxur ole Roog fa ñoow jok fee, ne i nantuuna ta fangooraa a ndeer fiɗel le, soo a maad o ñoowaa?

A kim a tedu ke 27:11

O Yaal oxe, lalaam a ƭat of, ɗoxaam na ƭat a cagu le yaam fañ we mi.