Yeremi 42:22 - NQAARIIT NE ROOG

²² Andeenoo a paax ndiiki: Xan laƥ mbaat biim mbaat piste a saŋkit a nuun me nu mbugna o ndet, ndax nu laqook maaga.»

Yeremi 42:22 Referans Kwoze

Yeremi 42:17

Fop we na mbosooxkaa o ndet Misira, ndax da laqook maaga, xan laƥ mbaat biim mbaat piste a saŋik a den. O leng na den muckee mbaat ta ɓostoox na taamaala fee um ɓisiidkaa took den.›

Hoose 9:6

Yaa nu sutooxkaa saax le nuun raadna, Misira xan a dalin a nuun, soo poy ke Memfiis a ñaam a nuun. Kiƈ ke xan a njaɓ kalal xaaliis fa nqoolu ke nuun, soo qooc ke a sulit kam ƭiif ke nuun.

Heseki’el 6:11

Keeke layum, mi o Yaal oxe na refkaa boo faw: Foxrandi xa ƥay of, dukoox a caf of soo lay ee ‹ey›, took cednooxu soxodu ke no mbind Isra’el fop na nqonkaa na xire, no biim fo na piste.

Yeremi 43:11

Xan a gar, a xaw saax le Misira: Oxe lafooxaneena fa nqon, xan a jof na fa nqon, oxe lafooxaneena mbaƭ, a jof no mbaƭ, oxe lafooxaneena laƥ, a jof no laƥ.

Esayi 30:3

Njaɓnooxand nuun me Firawon fee xan a hod a nuun, laqooxand ne no yook ne Misira a sednoor a nuun.

Yeremi 44:12

Xam dam we yoqna na Yudaa mbosooxna o ndet no saax laa Misira, ndax da laqook maaga. Misira a saŋkoorkaa den fop. Xan laƥ mbaat biim a ñaam a den, a xotit no xe moƴna o neew boo no xe moƴna o maak. Kaam ee, xan laƥ mbaat biim a war a den, da ndef saloor, o njaq, qeefel fo cednooxu.

Heseki’el 33:27

Fat o lay a den ee: Keeke o Yaal oxe na refkaa boo faw a layu: Ne ta wooritna yee mexe ñoowaa, mi o Yaal oxe, neene a woortu yee we ndefna kam kefatin ke, xan laƥ a ñaam a den, oxe refna na koƥ o njende, um ɓoxotin ƥaaɓaan ke da muudoorin, soo we ndefna na ƥil ake fo no luf ke a nqonit na piste.

Yeremi 24:10

Xam hebliid took den xire, biim fa piste, boo yaa da moockaa no saax lene ci’uuma a den, den fo daan we den.»

Heseki’el 6:12

Oxe na goƭkaa xan a xon na piste, oxe na matkaa a xon na xire, oxe na yoqkaa a widel o kurul-keƥ a xon no biim. Fuux le mi xan a jeg ne ta bugna took den.