Yeremi 42:21 - NQAARIIT NE ROOG

²¹ Feeñlaanum a nuun xaye, ndaa nu nananee o ñuxur no Yaal oxe Roog in na dara no ke ta simaxama um lay a nuun.

Yeremi 42:21 Referans Kwoze

Heseki’el 2:7

Xan o daawin a den fa lay es, ta ref ee a nan-gilooxa mbaat da mbañ o nan-giloox yaam o saƭik xoox den.

A pi ake 20:20

Nu andooda sax ee ɗasniim a nuun dara no ke waagna o jiriiñ a nuun. Kaam yegin a nuun fa lay fee Roog kañ, waare a nuun no qel ke fo kam pind ke nuun.

Heseki’el 3:17

«Wo fee o ƥiy no kiin, dalnaaxoong o ref o yeeyetax no mbind Isra’el. Fat o maƭooxanaam Ii-isra’el we, yaa o nankaa fa lay es.

A cangatin ale 29:19

O Yaal oxe bugkee waasan oxeene kiin, ndaa fuux le fo naal ne ten xan a mbiltooxanin, too a salax ake fop mbindeena no safe lene xan a ndal took um, soo o Yaal oxe a ñuf gon um took lanq ke.

Yeremi 43:1

Yaa Yeremi a layna xeet fee fop boo a ƴut fop ke o Yaal oxe Roog den a sim’uuna ta lay a den,

Yeremi 43:4

Neene, Yohanan fee o ƥiy Kare’a, aa-adax lakas we no xiixire we fa xeet fee fop nananee ke o Yaal oxe hebil’ina a den da ngen no saax le Yudaa fop oo.

A cangatin ale 30:15

«Nga’yo, mexe doonaa mbaambir nuun xaye o ñoow ole fo fa nqon fee, paax fo paaxeer.

A cangatin ale 30:19

Xaye mexe xotaa asamaan fo lanq, da ndef seede ndeer es fa nuun ee doonaam mbaambir nuun o ñoow ole fo fa nqon fee, barke fo a salax. Njilyo o ñoow ole, ndax nu ñoow, nuun fo xa taan nuun.

A kim a tedu ke 81:12

Kaa koy, xeet es nan-gilooxee o ñuxur es, Isra’el a fañaam faƥit.

Yeremi 43:7

A ndeta no saax laa Misira, yaam nananee ke o Yaal oxe a hebil’ina, too a mbadiida Tapanes.

Heseki’el 33:31

Owe ngaraa me wo, a mbi a yaj. Xeet es owe moofa mbaambir of, a nan-gilooxaa fa lay of, ndaa ndeefiran, yaam kaa mbesoortaa fa lay fa mbelu no don den, too a soƥa fop oo no xeeñ den, ke faaxna na qoox den doŋ a mbaaƭaa.

Heseki’el 33:32

Kaa o ref na den o kiigim oxaa da mbugna, o yaal o ñuxur o felu, oxaa waagna mbak. Kaa nan-gilooxaa fa lay of, ndaa ndeefiran.