Yeremi 42:2 - NQAARIIT NE ROOG

² me no tuleer Yeremi, a layin ee: «Ngela jaɓi ke i nqeɗang! Xeɗooxani a in, in yoqatin wene fop, o Yaal oxe Roog of, yaam kaa i may’u bo, ndaa o ndik o ndutuuñ i yoqatu, ne ga’tanoona.

Yeremi 42:2 Referans Kwoze

Yeremi 36:7

Xeƈa xan a tax da nqeɗoox o Yaal oxe, oxuu refna a fes a cinj a ƭat a paaxeer um, yaam fuux le fo say ole o Yaal oxe a regdinooxna xeet fene a magna.»

A paɗax ale 26:22

Xam ɓakandiid kam saax nuun ƥaaɓaan ke na koƥ ale, da mbar xa ƥiy axe nuun, a saŋik cegel ke nuun soo a nqaƴ na nuun yoqatin dutuuñ, too xan a ƭat ake nuun a mbootat.

Saak 5:16

Ten taxu, um layaa a nuun ee: Mbeejliryo pakaad nuun, too nqeɗanraa a Roog itam, ndax nu mbod. A qeƭ no kiin o cofu a jega doole lool.

A pi ake 8:24

Maaga, Simoŋ a doona a Piyeer fa Saŋ ee: «Nuun itam, nqeɗanaamoo o Yaal oxe, ndax dara no ke nu layna daawkiraam.»

A ƭomatax ake 1:1

Xar oo kene? Yeerusaleem oxey a moofa koƭoŋ-a-koƭoŋin, teeru feene suxoogna fo wiin. Kaa nandtataa o ñaaw, ten fee moƴ’ina o magin a ndeer qeet ke. Ten fee reeƭna lingeer fee no maat ke, a dame mbaƭ.

Esayi 37:4

Giimee o Yaal oxe Roog of a nan’angaa rek xa ƭelem axe na jawdiin fee o maad oxe Asuur refna o yaal mbind um a lulitna, ndax ta wen a Roog fa ñoow jok fee, yaaga xeƈa xan a fadin a qaw um yaam xa ƭelem axe ta nanna. Xeɗani boog onqe yoqna na xeet um.› »

Esayi 1:9

Boo o Yaal oxe Hupna fop a wuusan’eerna a in yoqatin, nen a Sodoom i ndefkoogu, nand fa Gomoor.

1 Sami’el 12:19

Xeet faa fop a laya a Sami’el ee: «Xeɗooxani a in o Yaal oxe Roog of, in we dag of, ndax i saŋkooxkee, yaam i ƥaata no pakaad in a qeƭ ale no maad oxe.»

1 Sami’el 7:8

Ii-isra’el we a laya a Sami’el ee: «Ba o xaƴ a in rek tiimaa, xeɗooxani a in o Yaal oxe Roog in, ndax ta mucil a in na xa ƥay no Fiifilista we.»

Yeremi 37:20

Ndiiki koy, nan-gilooxi, wo daali maad o yaal es! Ngela jaɓi a qeƭ es. Ba o nomtaam no mbind Yoonatan fee o piibind oxe, yaam ndik um xonit maaga.»

Yeremi 37:3

O maad Sedekiya a lula a Yukal fee o ƥiy Selemiya fa Sefaniya fee o saasadax, too a ref o ƥiy Maseya, maa no tuleer Yeremi, ndax da layin ee: «Xeɗooxani a in o Yaal oxe Roog in!»

1 Maad we 13:6

Ndak fo ndak, o maad oxe a laya o kiin Roog oxe yee: «Ngela xeɗooxanaam o Yaal oxe Roog of, ndax um waag o nomit o ɓay es.» O kiin Roog oxe a xeɗooxa o Yaal oxe, soo o maad oxe a sog o waag o nomit o ɓay um bo ta dakoox ne ta reeƭna.

A cangatin ale 28:62

Ke nu mayitna nen xa qoor axe na asamaan fop oo, xan nu yoqat o ndik o njaakeer, yaam ne nu nanankeerna o ñuxur ole no Yaal oxe Roog nuun.

A sutax ale 8:28

Kaa koy, no jaf laaga itam, Firawon fee a ŋajahina too a faña o xaƴ xeet fee da ndet.

Mace 24:22

Boo ñaal kaaga a mbañ’aandeena, o leng muckoogee, ndaa xan a mbañel yaam we njileena.

Heseki’el 12:16

Xam fi boo a ndeer den wiin jaakeer a ndaɗ xire fee, biim le fa piste fee, ndax da mbetandoox a ndeer qeet ke da ndetkaa cednooxu ke da mbi’’ina. Neene, xan weene a and ee mi refu o Yaal oxe.»

Yeremi 42:20

A qoox nuun nu naxaa, ye nu lulaxama maa no Yaal oxe Roog nuun, lay ee: ‹Xeɗooxani a in o Yaal oxe Roog in, too fop ke o Yaal oxe Roog in a laykaa, feeñleen a in, too xan i mbi’in.›

Esayi 1:15

Nu ndekangaa xa ƥay tee kaa nu nqeɗaa, kaam fesaa a nuun o log, yaam ndik um hel o ga a nuun. Kuu nu ndupataa ndupat a qeƭ nuun oo, nan-gilooxkiim, yaam xa ƥay axe nuun kaa yedin.

1 Sami’el 12:23

Mi fa xoox es koy, xam wootooxaa o tooñ o Yaal oxe yaam o ñak o xeɗan a nuun soo fañ o jangin a nuun kili a ƭat a paax a cofu le.

A cangatin ale 4:27

Xan o Yaal oxe a pasar a nuun a ndeer qeet ke, nu ndefat o yoqatin o ndutuuñ na saax ake o Yaal oxe a ɓiskaa a nuun.

A sutax ale 9:28

Nqeɗyo o Yaal oxe, ndax ƭuuɗ ke fo a kalam a ƥuuɓu ke a mbat. Yaaga, xam xaƴ a nuun nu ndet, too o leng fañitkatee a nuun.»

Yeremi 15:11

Kaa koy, o Yaal oxe a laya yee: «Xam watong. Xam fi fañ of a ƈufginooxong yaa fa taamaala den, yaa fa naqad den.

Yeremi 38:14

O maad Sedekiya a lulta o xotankel o tuleer Yeremi, a ɓisaniidel o ten no ndokand ndadkandeer ne no Mbind ne no Yaal oxe. O maad oxe a laya a Yeremi yee: «Kaam bug’ong o laamit tig! Ba o ɗasnaam dara.»

Yeremi 40:15

Maaga, Yohanan fee o ƥiy Kare’a a lay’a a Gedaliya na pet maaga Mispa yee: «Xaƴi um ret war a Isma’el fee o ƥiy Netaniya. O leng andkiran. Xar na taxkaa ta xaƴel a jang o ñis of? Xar taxu we ngenna Yudaa mbokatoorna me wo a pasarooxkahinaa, soo yoqatin we Yudaa a saŋkoox?»

Hoose 8:10

A mbug oo nger qeet ke, ndaa xam fokat a den ndiiki, too miñkatee dara xan a coono yoora ndoq ne no maad oxe no gelwaar we.

Amos 7:2

tooroog ke a inoox, a yen took ke na saxatinaa, a ñaamin bo tee tak. Naaga dalfooxaam o lay ee: «O Yaal oxe na refkaa boo faw, kaaga hupa jeg fe! Waagiro wuus a Yakoob? Tooroog ke a ñaamangaa fop, xar a ñoowitkaa koy too o ndoole reefiran?»

A cangatin ale 28:63

Ne o Yaal oxe a sawaritna no fi’an a nuun paax soo a mayƭand a nuun, neene a sawaritkaa no saŋik a nuun, a moocand a nuun. Saax le nu ndokkaa ndax nu njegkin, xan nu mbuurtel teen,

A kim a tedu ke 119:170

Fat a qeƭax es a fadiid me wo, o wataam ne regtitanoona.

Esayi 42:20

Ga’aa tig mayu, ndaa damiro teen dara. Nof of a mbetooxa, ndaa naniro tus.

Yeremi 2:27

Kaa layaa a teex ale yee: ‹Wo refu faap es›, soo ɓil le da layin ee: ‹Wo rimaxam na adna fee!› Kaa mbesaam ndiiñ, a mbañ o ƭeetaam, mi o Yaal oxe. Kaa koy, taamaala a sagooxangaa a den, da ndamtaam ee: ‹Inooxi mucil a in!›