Biblia Todo Logo
Bib sou entènèt

- Piblisite -




Yeremi 42:18 - NQAARIIT NE ROOG

18 Yaam keeke o Yaal oxe Roog fee Isra’el Hupna fop a layu: ‹Ne fuux es fo o say es a njuumoorna took no we ngenna Yeerusaleem, neene a yenitkaa took nuun, nu ndetangaa Misira. Xan nu ndef saloor fo o njaq, qeefel fo cednooxu, too nu nga’katee saax lene muk.›

Gade chapit la Kopi




Yeremi 42:18
38 Referans Kwoze  

Ten taxu keeke o Yaal oxe na refkaa boo faw a layu: «Fuux es fo say es owe mbiltooxaa no mbiñ onqene, took no wiin we fo muumeen ke, took taxar ke na koƥ ale fo ke lanq ke a mbatna. Xan a kaƥaa too ñufkee.»


Xam daabit a den xire, biim fa piste. Neene, maat ke na adna fee fop xan a ndiid, a njaq, yaa da nga’na a den. Xan a ndef saloor, o njaq, o ndiidlataand fo cednooxu a ndeer qeet ke fop pasar’uuma a den,


Neene, a ƥeka saax le den no tas fo no calat boo kili. Fop we na ƥeeraa teen a njaaxɗa, a mbulaa a qoox.


Xam dam we yoqna na Yudaa mbosooxna o ndet no saax laa Misira, ndax da laqook maaga. Misira a saŋkoorkaa den fop. Xan laƥ mbaat biim a ñaam a den, a xotit no xe moƴna o neew boo no xe moƴna o maak. Kaam ee, xan laƥ mbaat biim a war a den, da ndef saloor, o njaq, qeefel fo cednooxu.


Neene, maat ke na adna fee fop xan a ndiid, a njaq, yaa da nga’na a den. Xan a ndef benir fo naxoor, calat fo saloor no fo mbiñ ne um pasarkaa a den fop.


Kam saax lene nu yuxumna o nomtooxiid nu nomtooxiidkee teen.»


We jiluuma xan a saloortataa gon nuun ee: ‹Yaasam o Yaal oxe na refkaa boo faw a warnoorong nen o leng no weene!› Kaa koy, den we ndefna dag es o mat, xam coox a den gon lakas.


oxaaga kiin xan a yer na biiñ fee no fuux le Roog. Biiñ feene koy julaand tus, too Roog kaa yipan no feeƭ ole saqna fuux le ten. We na mbesooraa neene koy, xan a toroxandel kam fiɗel laa fo nqeen kaa mbaambir malaaka tedu ke fo mbaambir no Mbaal onqe.


Nuun mbind Yudaa fo nuun mbind Isra’el, ne nu ndefit’ina saloor a ndeer qeet ke, neene nu ndefitkaa we na mbarke’tateel, a cinj yaa um mucilkaa a nuun. Ba nu saɗar dara ndaa saqyo njambaar!


Ndi an waagu geenoox, yaa ta fuuxna? An waagu waag o foñ fuux ɗomu le ten? Ngañak ne ten kaa biltooxaa nen fiɗel, soo a ƥil ake a qaacooxaa mbaambir um.


Na xa kiid ɓetaa ƭaq xa palakaand axe, xan a gadin wiin mayu cerit ƭomu. Xa kiid axeene a ndokangaa a ndeer koy, xan a xañit sadax muumeen ke fo sadax tuufe-duufe ke sax. Cakalaaru ke sibdeena xan a sipel me moƴna goƭ took no Mbind Roog ne, boo yaa o yaayaq oxe sipuuna maaga a gefkeel tuƈ, ne Roog a dalnit’uuna no ten.› »


Ii-isra’el we fop ne da mbodeena a ƭapa kebil of, a nduux a koƥ, a mbañ o nan-giloox o ñuxur of. Kaa i tooñong boo a tax a salax ake mbindeena no kebil ke Moyiis fee o tag of a yen took in.


Ne xaaliis a naayniteel a ndeer ndoxand, neene nu naaynitkeel a ndeer fuux le mi kam Yeerusaleem, too xan nu and ee mi refu o Yaal oxe, na ɓaxaa fuux es took nuun.»


O Yaal oxe a ɗaxda fuux um, a bilit fuux ɗomu le ten. A heƥanda fiɗel kam Siyoŋ, ta raaɓ boo na per ake ten.


A ɗaaya a qali um nen o pañ, a ñamaak um ee pec, a waajaa o xaƴ. A wara fop we mbel’ina o nga’el, a bilit fuux um nen fiɗel took ƭiif ke Siyoŋ, o ndoog onqe.


Xan da saloorteel ndeer we na Yudaa ƥiseena took o hup doole kam Babilon. Xan a layeel ee: Yaasam o Yaal oxe a fi’ong ne ta fi’na a Sedekiya fa Ahab, we o maad oxe Babilon a juɗna.


Nu nan-gilooxatangiraam koy, xam fi Mbind neeke ne fi’uuma a Silo soo fi teeru fene a ref saloor no qeet ke na adna fee fop.› »


xam lulit o xoyankel qeet ke no ɓemb-roog o janoon fop fa Nebukadnesaar fee o maad oxe Babilon, refna o tag es. Mi o Yaal oxe layun. Xam ɓisiid a den took saax lene fo we ngenna teen fo took qeet ke mbiduuna fop, ndax um saŋik a den, tas a den soo fi a den buuƴel, gef a den tuƈ boo faw.


Kaam may muut fo fuux le no Yaal oxe, hatlatinum muk. O Yaal oxe a laya yee: «Ɓaxi fuux le mi boog took xa caaƈ xa tutuuñ axe no ped ke fo took teɓandoong ke fop. Goor fo rew, nogoy fo we ñaamna jamaane den, den fop xan a ƥisel.


Feek kaa mbaasaam pelek, a ƥoxotaa cuuraay roog lakas ke, a mbuuxnoortaam a pi den fop, ten taxu fuux le mi a biltooxan o mbiñ onqene too ɓooskee.›


Keeke na xewkaa, yaa ta yernuuna foofi le. A soƥangaa yee kaa xoolaƭarand a xoox um, a fañ o damoox no kor um, foofi fo xaaɗu le na salooxaa xan a rok no laaw ke ten, a uuf o fud um soo a xatnin, too oxeene tew xan gon um a saloorteel a ndeer xeet um.


Njaɓnooxand nuun me Firawon fee xan a hod a nuun, laqooxand ne no yook ne Misira a sednoor a nuun.


Xam doon a nuun gaci fa ñufkeer fo o niwaƭarel olaa weecitkataandeena muk.»


We ngenna na teeru fee xan a ñoxorik fo Kaakalde we, ndaa ɗaxkee dara. Kefatin ke no pind ke xan a may muut fo xa tal no wiin. Kam fuux es fo kam o say es, xam xaw we ngenna Yeerusaleem. Xam xuun teeru fene yaam kañaan den.


Maaga, o say es fo fuux es a njuumooxa, a ndaaɓ teeru ke Yudaa fo ped ke Yeerusaleem. Teeru keene a ndefata juum kefatin, a mbes a pec, ne ta waageena o ga’it xaye.


A pi nuun kaa mbuuxnooraam! Kaa nu ndoxanaa cuuraay roog can ke no saax le Misira, me nu laqooxiidna, ndax nu mbañooxaa, ndef saloor fo niwaƭarel a ndeer qeet ke no lanq ke fop.


O Yaal oxe waagatee o muñ kañaan ne na pi nuun fo cednooxu ke nu mbi’na. Ten taxu saax le nuun a fes a pec, a wootat, a saloorteel, too genataand, ne ta refitna xaye.


Xam sutit a nuun a ndeer qeet ke, fokatit a nuun na saax ake nu pasaroox’ina fo o ɓay o jegu doole fo a naax a cegu katil fo fuux le mi na biltooxkaa.


A bayta Mbind ne ten fo o saɗaxand ole, a yaq o mbiñ onqe ta xetteel. O Yaal oxe a weecnoora toofeen ke fo pes a ñootnax ke kam Siyoŋ, soo kam fuux ɗomu le ten ta deɓ maad oo saasadax oo.


Kaa nomtooxiidaa, ndaa refee na mi fee Took-ee-took. Kaa ndef nen a qali yandu. Xan kelfa ke den a mbartel laƥ yaam fa lay fa maamagnandax den, soo da ndef calat no saax le Misira.»


Swiv nou:

Piblisite


Piblisite