Yeremi 42:14 - NQAARIIT NE ROOG

¹⁴ ndaa kañ xan i ndet no saax laa Misira, maa i nga’itkateerna xire, i nankatee fangax a luuƥ, i ñakkee ñaamel. Maaga i mbugu o ngen!›

Yeremi 42:14 Referans Kwoze

Yeremi 41:17

A nqota a ƭat, a ƥutnoox no daland olaa Kimham paam Betleheem. Kaa mbosoox’u o ndet Misira,

Yeremi 4:19

Cey, o fud es, o fud es! Kaam lañtooxaa yaam o ɗomeel, xeeñ es a jaq! Waagiim o tiim muk, yaam nanoodaam a luuƥ, nan xa buuq xire.

Yeremi 4:21

Ndi boo a mban um bugko ga’aa a laay xire le soo nanaa fangax le na luuƥ ale?

Esayi 31:1

Sabab took no we na ƈufanaa Misira, ndax da ƈufginook maaga, a ngaɗ mbir den no pis soo a ngooloox a sareet-xire ke yaam o mayel den fo ŋaaŋaay say we, yaam ne da njegna doole, a mbañ o mbiƈaqiloox o Tedu xe Isra’el, mbaaƭee o Yaal oxe.

A sutax ale 16:3

Kaa layoogu yee: «Ke moƴan’ina a in, i patoor no ɓay no Yaal oxe kam saax le Misira, ye i ndeeraa a kaleera tegeƴ ake, ñaamaa puuru boo ngiñ. Kaa koy, kaa nu ƥisiid a in kam a koƥ-a-ƥor alene, ndax i nqonit teen fo nqeex, in fop.»

Yeremi 43:7

A ndeta no saax laa Misira, yaam nananee ke o Yaal oxe a hebil’ina, too a mbadiida Tapanes.

Esayi 30:16

Kaa nu lay ee: ‹Ha’aa, xan i ŋaay pis, ƈufin ndet!› Ten taxu xan nu ŋaay pis, ƈufin ndet, ndax nu ngod o joor. Kaa nu layaa yee: ‹Kaa i mbug o ŋaay pis ƈuuƴuf say.› Ten taxu raarax nuun xan a ndef ƴuuƴuf say.

A cangatin ale 29:19

O Yaal oxe bugkee waasan oxeene kiin, ndaa fuux le fo naal ne ten xan a mbiltooxanin, too a salax ake fop mbindeena no safe lene xan a ndal took um, soo o Yaal oxe a ñuf gon um took lanq ke.

A lim ale 16:13

Ke sutoona a in no saax laa fo sis fo suum a ndaxritoogna, ndax i saŋkoox kam a koƥ-a-ƥor alene kaa deyirang a dey boo o bugahin o fi’oox kelfa in!

A sutax ale 17:3

Xeet fee a nqonooga fo a koɗom, a nqasanaa a Moyiis, a layaa yee: «Xar taxu o sut a in Misira, bug o war a in fo a koɗom mene, in fo xa ƥiy in fo xa siir in?»

A lim ale 14:3

Xar taxu o Yaal oxe a ɓisaa a in no saax leene i mbaritkeel laƥ, soo rew in fo xa teɓandoong in a njaɓel? Ndax moƴkoogee na in, i nomtoox Misira?»

A lim ale 14:4

Maaga, a layra a ndeer den ee: «Fat i njil o lakas oxaa adooxanna a in, soo i nomtoox Misira.»

A cangatin ale 17:16

O maad oxe nuun waree o jeg pis mayu mbaat ta hebil wiin um da njikantikin Misira, yaam o Yaal oxe a laya a nuun ee nu mbaratee o nomtoox no saax leene.

Esayi 30:2

Kaa ndetaa Misira, ndax da njaɓnook maa Firawon fee, a laqook no yook ne Misira, too asooxiraam.