Yeremi 42:11 - NQAARIIT NE ROOG

¹¹ Ba nu saɗarat o maad oxe Babilon, mi o Yaal oxe mexe dakooxan o lay a nuun ee ba nu saɗarin, yaam mexey fa nuun, ndax um mucil a nuun, wat a nuun no ɓay um.

Yeremi 42:11 Referans Kwoze

O leetar ole Pool a bindna GIMU WE NGENNA ROM 8:31

Xar i ƥaatkaa o lay no keene koy? Roog a refanangaa a in, an na waagankaa a in tig?

Yeremi 1:19

Xan a ñoxor fa wo, ndaa mbaagankirang o sep, yaam mexey fa wo, ndax um watong.» O Yaal oxe layun.

Yeremi 1:8

Ba o saɗar a den, yaam mexey fa wo, ndax um watong.» O Yaal oxe layun.

Esayi 43:5

Ba o diid, yaam mexey fa wo. Xam nomtitiid xa taan of no batand, fokattiidong no mudand.

Esayi 43:2

Boo o xaañaa poofi ke, xam ref fa wo, too boo o jootaa xa quluɓ axe, ƭuudkirang muk. O xaañangaa kam fiɗel sax oo, doxkiro, too ƈulfaan ne waagankirang dara,

2 Timote 4:17

O Yaal oxe rek fartaxam, a dif’aam, a muclaam no njogoy ne, ndax waare fee a fadnoorit na mi, we ndefeerna Yaawuur fop a nanin.

Yeremi 41:18

ndax da ngoƭ Kaakalde we. Kaa saɗaroogu a den, yaam ne Isma’el fee o ƥiy Netaniya a war’ina a Gedaliya fee o ƥiy Ahikam o maad oxe Babilon a dalin’ina ta maadooxaa no saax le.

Yeremi 27:17

Ba nu nan-giloox a den. Ndagooxyo o maad oxe Babilon, too xan nu ñoow. Xar taxu teeru fene a nar o refik juum kefatin?

Yeremi 15:20

Xam fi’ong na xeet fene tabax nqanjar saƭku koŋ. Xan da ñoxor fa wo, ndaa mbaagankirang dara, yaam mexey fa wo, ndax um muclong soo watong. Mi o Yaal oxe layun.

Esayi 41:10

ba o saɗar, yaam mexey fa wo. Ba o firiɓ, yaam mi refu Roog of. Kaam saƭkandang, ƴufgang soo damtang o ɓay o ñamaak es ole ɓonooxna o cofel.

A kim a tedu ke 46:11

Kaa tee: «Ngeenooxyo too and ee mi refu Roog. Mi na maadooxaa took a saax ake. Mi na maadooxaa took adna fee fop.»

Yosuwe 1:9

Ba o weec ee mi layong ee saƭakinooxi too saq njambaar. Ba o saɗar boog too ba o diid, yaam mi o Yaal oxe Roog of mexey fa wo muu o retaa.»

Yosuwe 1:5

No ñoow o ñis of fop o leng waagkirang o xox, yaam mexey fa wo ne refit’uuma fa Moyiis. Xaƴkiroong muk too deɓkiroong.

A cangatin ale 20:4

yaam o Yaal oxe Roog nuun oxey fa nuun, ndax ta ñoxoran a nuun fo fañ nuun soo a ci a nuun o ndam.›

A lim ale 14:9

Kaa rek, ba nu siiknoor fo o Yaal oxe, too ba nu saɗar we ngenna no saax leene, yaam xan i kalɓasoox a den. Njegatee a roog fa leng faa na saytooxaa a den, ndaa in o mat, o Yaal oxe xe fa in. Ba nu saɗar a den boog.»

A pi ake 18:10

yaam mexey fa wo. O leng doonkee o ɓay took of, ndax ta fi’ong paaxeer. Jegaam wiin mayu kam teeru feeke.»

Mace 28:20

too njangin a den da ngay ke hebluuma fop. Mexey fa nuun bes fuu refna boo maa adna fee a daykaa.»

Mace 10:28

Ba nu mbit we mbaagna o mbar cer, too mbaagee o mbar o laaw. Oxe jarna o fitel refu Roog fee waagna o saŋik cer fo o laaw kam fiɗel laa ñufkeerna.

Yeremi 27:12

Daawnaam deŋ a Sedekiya fee o maad Yudaa leng kut ke yee: «Njaɓyo ngadoox a kadoor ale o maad oxe Babilon a seraa a nuun, ndagooxin, ten fa xeet um, too yaaga xan nu ñoow.

A kim a tedu ke 46:7

A saax ake we mbangooxaa, maat ke a sendaa. O ñuxur um a jibangaa, lanq ke a ngiiƈ-ngiiƈin.

2 Maad we 25:26

Maaga, xeet faa fop, a xotit no xe moƴna neew boo no xe moƴna maak fo aa-adax we no xiixire we a inooxa, a ƈuf Misira, yaam a saɗaraa Baababilon we.

A kim a tedu ke 118:6

O Yaal oxe a refanaxam, saɗariim dara. Xar wiin we a mbaagankaxam?

Yeremi 27:11

Kaa koy, xeet fee na njaɓkaa o ngadoox a kadoor ale o maad oxe Babilon a seraa a den soo a ndagooxin, xam xaƴ a den fo njaambuur den no saax den, ndax da nqooxan soo a ngen teen. Mi o Yaal oxe layun.»