Yeremi 42:10 - NQAARIIT NE ROOG

¹⁰ ‹Nu saxangaa tigi no saax lene, xam maxatin a nuun nu ndefat xeet too yaqkatiim a nuun, xam jimb a nuun too fuurkatiim a nuun. Maaga, xam ricoox paaxeer ke fi’uuma a nuun.

Yeremi 42:10 Referans Kwoze

Heseki’el 36:36

Maaga, qeet ke yoqna me widna a nuun xan a and ee mi o Yaal oxe maxatinaam ke gefeena soo jimbatin lanq ke ndaadna. Mi o Yaal oxe layun too xam fadnin.

Yeremi 31:28

Ne fexeyantuuma a den, ndax um fuur, jiƭit, yaq, saŋik soo fi paaxeer, neene um fexeyanitkaa a den, ndax um max soo jimb.» O Yaal oxe layun.

Yeremi 24:6

Xan a kid es a ngaan took den, too xam nomtiid a den no saax lene. Xam sinjatin a den too taskatiim a den, xam jimbatin a den too fuurkatiim a den.

Yowel 2:13

Ba nu mbaar toki nuun, ndaa mbaaryo a qeeñ nuun soo nomtooxiid no Yaal oxe Roog nuun, yaam kaa yirmaa, a laabiir, a muñantaa, a may fo o paaxel too kaa ricooxaa taamaala ke ta heblitiidna.

Amos 7:6

Maaga, o Yaal oxe na refkaa boo faw a dakooxa o lay ee: «Waasaam ke yuuɓ’uuma.»

Yeremi 33:7

Xam nomtiid we ƥiseena gilaa saax took o hup doole na Yudaa fo we na Isra’el, dalnatin a den nen yaaga.

Yoona 4:2

Keeke refu ke ta xeɗ’ina o Yaal oxe: «O Yaal oxe, keene o mat saɗaroogum, ye maad’uuma o refaa no saax es, too ten taxu um ñof’u o ƴufaa farna fa Tarsis. Andaam koy ee Roog fa laabiiru fa mayu yirmande refo. Kaa o muñ, may fo o paaxel, too kaa o ricooxaa paaxeer ke yuuɓoona.

Yoona 3:10

Roog a ga’a ne wiin we Niniif a mbesoorna, too a ga’a yee a mbesa a pi a paaxeer ake den a cinj. A ricooxa paaxeer ke ta bug’ina o fi a den, soo a waasan a den.

Amos 7:3

Maaga, o Yaal oxe a laya yee: «Waasaam ke yuuɓ’uuma.»

Hoose 11:8

«Wo Efrayim, nam waagoong o xaƴit? Kaam ee wo Isra’el, ndax xam ɓoxotong moos? Nam waagoong o doonit ke doonuuma a Adma, fi’ong ke fi’uuma a Seboyiim? Kam es neegiran, um may muut fa yirmande.

A sutax ale 32:14

Cinj a qeƭax alaaga, o Yaal oxe a waasa paaxeer ke ta yuuɓan’ina xeet um.

A pi ake 15:16

‹O Yaal oxe a laya yee: Cinj kaaga, xam nomtooxiid, too a koom um difi o ɗaakaand ole Dawid, yoɗin, ke gefna teen, um xendandin, boo ta dakoox naa ta reeƭna,

Yeremi 26:19

Ndax Hiskiya fee o maad Yudaa fo we Yudaa fop a mbarnoor’aan? Ndax Hiskiya saɗar’ee o Yaal oxe? Ndax ƴufginoox’ee o Yaal oxe? Maaga, o Yaal oxe a ricooxa paaxeer ke ta waajan’ina a den. In o mat, i mbug o ngadin a qoox in paaxeer magnitu neene!»

A kim a tedu ke 106:45

A wetandooxa ngiɓoor um fa den, ndax ta jiriiñ a den, too a yirma a den no mbeq o maak um.

A kim a tedu ke 102:16

Qeet ke xan a niw gon le no Yaal oxe, maad we na adna fee fop a saɗar o ndam um,

A kim a tedu ke 69:35

Fat asamaan fo lanq a simatin, xa maag axe fo fop ke na ñoowaa teen,

A kim a tedu ke 37:3

Hoolooxi o Yaal oxe soo fi’aa paax, ndax o yoq no saax le, ñoowaa teen fo o yaadax.

2 Sami’el 24:16

Ye malaaka fee a letinna o ɓay um took Yeerusaleem, ndax ta xawin, o Yaal oxe a ricooxa ɗom leene soo a lay a malaaka fee saŋkoogna xeet fee yee: «A deya! Ndiiki, fudni o ɓay of.» Kaaga oxaa soƥ’a malaaka fee no Yaal oxe paam cukand naa Arawna, o Yeeyebus oxe.

Haahate we 2:18

Mbanuu o Yaal oxe a sutanna a den o kaahate, a refooga fo ten, a wataa a den na xa ƥay no fañ den no ñoow ole no kaahate xeene fop, yaam o Yaal oxe a yirmooga a den yaa da iinaa no we ñagadiloogna a den fo no we ngal’andoogna a den.

A cangatin ale 32:36

O Yaal oxe xan a ɓoxot xeet um ɓur, a yirim dag um, yaa ta ga’na yee doole den a naaga tak, fop a fagat.

Yeremi 27:11

Kaa koy, xeet fee na njaɓkaa o ngadoox a kadoor ale o maad oxe Babilon a seraa a den soo a ndagooxin, xam xaƴ a den fo njaambuur den no saax den, ndax da nqooxan soo a ngen teen. Mi o Yaal oxe layun.»

Yeremi 43:4

Neene, Yohanan fee o ƥiy Kare’a, aa-adax lakas we no xiixire we fa xeet fee fop nananee ke o Yaal oxe hebil’ina a den da ngen no saax le Yudaa fop oo.

Yoona 3:4

Yoona a ñaaƴa ñaal leng kam teeru faa, a yegnitaa yee: «Ndeer mene fo ñaal qarɓeen nahik, xan Niniif a gefel tuƈ.»