Yeremi 41:9 - NQAARIIT NE ROOG

⁹ Mband mbaqe ne Isma’el a deɓna xa tal axe no goor waaga fop mbar’eena reeƭu mband mbaqe maak ne o maad Aasa a waqin’ina, ye ta xire’aa fa Baasa fee o maad Isra’el. Mband mbaqe neene Isma’el a mayƭand’u fo xa tal.

Yeremi 41:9 Referans Kwoze

2 Sami’el 17:9

Andaam ee no gamb rek a ɗasu mbaat o mbiñ o lakas. Ndiiki koy, boo ta jegna no mberaandoong ne waa mbareena na in, yaaga xan fop a yeg ee we mbarna fa Absalom a nqawe.

1 Sami’el 13:6

Ye goor we Isra’el a nga’na yee a sisa, kaa ƭasoogu no luf ke, na xa baaƥ axe, na xa coong axe, na semb ake fo no kas cegee foofi ke.

Haahate we 6:2

Maamajan we a toroxandooga a Isra’el toroxand ƭomu. Ii-isra’el we kaa ƭasoogu na xa baaƥ axe na xa coong axe fo no luf ke fo na ƥil a saƭku koŋ ake, ndax da ndaɗ Maamajan we.

Hebre 11:38

Adna fee kaa jomb’u wiin weene, da ngen no njoqooyooxaa kam a koƥ-a-ƥor ale, a ñaaƴaa took xa coong axe, a ngenaa kam luf ke fo kam qanq ke.

1 Sami’el 24:3

Sawul a jila goor cuni tadik no xiixire we moƴna o mbaax kam Isra’el, a fokat a den, da mbaaƭik a Dawid fo yoon we ten no batand naa no joong olaa no Pambe-koƥ kaa.

1 Sami’el 14:22

Ye goor Ii-isra’el we ƭasik’ina na xa coong axaa Efrayim fop a yegna yee Fiifilista we kaa ƈufoogu, a sutooxiida, a ndaabaa a den boo a mbogat na ñoq ale.

1 Sami’el 14:11

Den ɗik fop a ndeta, a laltinook no daland olaa no Fiifilista waa, too weene a layrooga yee: «Nga’yo Hebre we, owey sutooxiidaa na semb ake da ƭas’ina.»

Esayi 14:19

Kaa koy, wo o mat, kaa o deɓel maa goƭna a mboy of, ne a naaq a paaxeer a deɓteel. Woxe luuñaa a ndeer no we mbareena, laƥ a fand a den, da njoorel kam gamb laa mayna a ƥil. Kaa o nandtaa o dal o duute.